ݣرسيف
ݣرسيف
| ||||
|
جرسيف (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم ݣرسيف | |||
| السكان | ||||
| شحال دالسكان | 80,703 (2024) | |||
| شحال دلفاميلات | 18,585 (2024) | |||
| لجغرافيا | ||||
| لعلو | 378 م | |||
| معلومات خرين | ||||
| كود د لبوصطة | 31000 | |||
| السيت الرسمي | guercif.org | |||
| الرمز لجغرافي | 2548489 | |||
ݣرسيف مدينة مغريبية كاينة ف شّمال د لمغريب، جهة الشرق، ساكنين فيها 90268 واحد، علا حساب لإحصاء لعام 2014.[1]
تقدر تكون ݣرسيف هيا نيت لمدينة لي سميتها هيرپيس، لي كانت ف إقليم موريطانية طّنجية.[2][3]
ݣرسيف كاتّعتابر مدينة مغريبية و جماعة ترابية حضرية كاينة ف إقليم ݣرسيف.
- نسبة لأمية (نّاس لّي ما كايعرفوش يقراو ولا يكتبو) : 31,1%
- نسبة سّكان لّي قاريين فوق الليسي (ليسي و جامعة): 15,5%
مدينة ݣرسيف كاتعتمد ف قتصادها بشكل كبير على لقطاع لفلاحي، حيث كتعتبر من أكبر لمدن لمغربية لي كاتنتج الزيتون، و كتشْتهر ب تنظيم مهرجان سنوي سميتو مهرجان الزيتون لي كيجي ف موسم جني[تدريج] زيتون ف لمدينة.
و كتشتهر لمدينة ب السوق لأسبوعي ديالها اللي كيتنظم كل يوم تلات، و كاين حتى سوق دايم (سويقة)، اللي كيتعتابر من أكبر لأسواق ف لمنطقة، و كيعرضو فيه منتوجات مختالفة بحال لخوضار و لفواكه و لكسيبة، و زيد عليهم لحوايج و لأجهزة ولأثاث د الدار و لأدوات لمستعملة.
مدينة ݣرسيف كتربط بين الدارلبيضا و وجدة، و هاد شي كيعطيها وزن قتصادي مهم.
مدينة ݣرسيف كاتتوفر على محطة ديال الكيران اللي كاتربطها ب مختلف أقاليم لمغريب، و زيد عليها محطة ديال الطاكسيات الكبار، و هاد الشي كيساهم ف ربط المدينة ب الشبكة الوطنية ديال الطرقان.
كاينة حتى محطة ديال التران اللي كتوفر رحلات يومية ل وجدة و الدار البيضا و طنجة و مدون خرين ف لمغريب.
و زيد كاينة لوطوروط لي كاتربط بين وجدة و الدارلبيضا، اللي بعيدة على المدينة ب جوايه 18 كيلومتر.[4]
السكان كيعتامدو حتى على الطوبيسات و الطاكسيات باش يتنقّلو وسط المدينة.
على حساب لمديرية لإقليمية د لفلاحة، لمساحة لمزروعة ب شجر الزيتون ف ݣرسيف تزادت من 5400 هكتار حتى لـ18 ألف هكتار بين لموسم لفلاحي 1997-1998 و2008-2009، ب نمو سنوي كيقارب 1150 هكتار.
إنتاج زيتون ف لإقليم كامل تزاد ب جوايه 6738 طن، و تقدر لإنتاج لحالي ب جوايه 30 ألف طن، 80% منها كيتحول ل مصبرات و20% على ود تخراج زيت الزيتون.
و كايترتاقب باش تزيد زراعة زيتون ف إطار برنامج حساب تحدي لألفية و مخطط لمغرب لخضر، و دولة كاتعطي دعم كيوصل حتى 80% من ثمن الشرا ديال شجر الزيتون.
هادو إحصائيات قتيصادية ديال لمدينة من لإحصاء لعام 2014.
- نسبة نّاس نّشيطين (لّي يقدرو يخدمو): 43,2%
- نسبة لبطالة (نّاس لّي ما خدامينش و تايقلبو على خدمة): 18,3%
- نسبة نّاس اللي خدامين ف دّولة (ولا لبيطاليين اللي سبق ليهوم خدمو): 17,3%
- نسبة نّاس اللي خدامين ف لپريڤي (ولا لبيطاليين اللي سبق ليهوم خدمو): 50%
ف شمال مدينة ݣرسيف كاين إقليم الناظور بعيد ب 135 كم، و على بعد 170 كم جنوب لمدينة كاينة مدينة ميسور على الطريق لوطنية نمرة 15. و ف لغرب على بعد 65 كم كاينة مدينة تازة. أما ف الشرق ديال لمدينة فا كاينة مدينة تاوريرت على بعد 54 كم.
رياضات لكورة و لهوند هما لأكثر شعبية بين شباب و سكان ت لمدينة. فرقة ݣرسيف ديال كورة كاتمثل لمدينة و كاتشارك ف لقسم ديال لهواة، أما فرقة لهوند فا كاتعتابر من أقوى لفراقي ف لمغرب ف السنوات اللخرة و كاتكون ديما ف لمراكز اللولة ف البطولة الوطنية.
علال بن عبد الله تزاد ف مدينة ݣرسيف ف قبيلة هوارة ولاد رحو، و خدم صبّاغ ف مسقط راسو ف قهوة كان كايكريها وسط ݣرسيف قدّام لبلدية، وكان معروف ب سمية "مقهى لمواعد" قبل ما يتبدل سميتو لـ "مقهى علال بن عبد الله".
من بعد مشى للرباط بعد ما تعرض لاستفزازات من طرف أحد أعوان الاستعمار، وسكن فحي لعكاري، وربط علاقات مع تجار ووطنيين. فنهار لجمعة 11 شتنبر 1953 توجه نحو موكب السلطان محمد بن عرفة اللي كان متوجه لصلاة لجمعة، وحاول يهجم عليه بسيارة من نوع «فورد» رمادية ومعاه سكين، ولكن تدخل واحد ضابط وترمى عليه، ومن بعد تدخلت لشرطة سرية وأطلقت عليه 8 رصاصات.
هاد لحدث كان عندو تأثير كبير فتصعيد لمقاومة ضد لحماية لفرنسية، وخرجت عمليات فدائية أخرى، وبدات انطلاقة جيش التحرير فالشمال ف1 أكتوبر 1955، حتى رجع سلطان محمد لخامس من لمنفى.
ومن بعد، سلطان فذكرى ثورة الملك والشعب شاد على علال بن عبد الله و عتابرو بطل ضحى ب روحو ف سبيل لوطن.
ومن بعد تم اغتيال رجل لأمن كويزا لاسورطي اللي كان متهم فقتل علال. وف2012 دخلت لخدمة فرقاطة سميت علال بن عبد الله فأسطول القوات البحرية الملكية المغربية.
- ↑ "RGPH 2014 - Site HCP". Archived from the original on 2023-07-02. Retrieved 2020-08-21.
- ↑ ج. إ. ه. سپاول (1958). Studies in the Roman province of Mauretania Tingitana [ديراسات علا لإقليم رّوماني د موريطانية طّنجية] (PDF). Archived (PDF) from the original on 2022-01-28. Retrieved 2021-09-28.
- ↑ "Ptolemy's West Africa Reconstructed" (PDF). لجامعة د دّولة ديال لمركز د كونيكتيكاط. Archived (PDF) from the original on 2023-08-27. Retrieved 2021-09-28.
{{cite journal}}: Cite journal requires|journal=(معاونة); Unknown parameter|authors=ignored (معاونة) - ↑ Google maps مؤرشف 2020-01-09 فموقع وايباك ماشين
 |
ويكيميديا كومنز عندا تصاور و معلومات على ݣرسيف. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
صور وملفات صوتية من كومنز
