قصر (بني صحراوي)

من ويكيپيديا
(تحولات من ݣصر)
اذهب إلى التنقل اذهب إلى البحث

لݣصر هو واحد التجمعات سكانية محصنة بالسوار لهدف دفاعي، هاد الطريقة دالتجمع منتاشرة ف لمغريب الكبير وبالضبط فلجنوب وعندها ستيل معماري تقليدي بحيت كيتبنى بالطين باللوح ولا الطوب.

كاتكون البنايات فلݣصر متقاربة ومزاحمة (عكس الدشر)، كتجمع بيناتها المرافق دجماعة اللي كاتشكل مركز لݣصر بحال المعابد (الجامع، الكنيس..) السويقات.... كيكون فيه تاني المطمورات دلݣمح والخزين دلمونة.

كاتتبنى الݣصور عموما على كديات دايرة بيها الواحات والجنانات ودايز عليها الويدان، وكتميز بنظام توزيع الما معروف بالخطارات والسواݣي (جمع ساݣية).

تعتامدات هاد الطريقة دالهندسة دلݣصور كحماية ودفاع على سكان الواحات من هجمات قبائل الصحراء الرحل اللي كانو كيتعرضو ليها.

لمصادر[بدل | بدل لكود]

Wikimedia Commons تقدر تزيد شوف بزاف د صور و معلومات ديال Ksour ف ويكيميديا كومنز.