ليتيحاد الدولي ديال كورة

من ويكيپيديا
اذهب إلى التنقل اذهب إلى البحث
ليتيحاد الدولي ديال كورة
شعار: For the Game. For the World.
ليتيحاد الدولي ديال كورة
معلومات عامة
تأسسات 21 ماي 1904 ف باريز
لمقر ف زيورخ
رياضة د كورة، كرة الصالات و كرة القدم الشاطئية
مترأسة على عالميًّا
لمدير ديالها جياني إنفانتينو
معلومات خرين
لوغات رسميين نڭليزية، لفرانساوية، لألمانية و صبليونية
السيت الرسمي fifa.com

ليتيحاد الدولي ديال كورة (بالنݣليزية: International Federation of Association Football، بلفرانساوية: Fédération Internationale de Football Association) أولّا FIFA[1] هي منضامة دولية كاتحكّم فالرياضة د كورة فلعالم. هاد لمنضامة داخل فيها 211 عضو (بلدان وأراضي). تأسس هاد ليتيحاد نهار 21 ماي 1904[2] ف باريز[3] يادلي باش يراقب التورنوايات الدوليين اللي كانو مابين ألمانيا، بلجيكا، الدانمارك، فرانسا، هولاندا، الصبليون، السويد وسويسرا، وتزادو ليها شي دول قبل من لحرب لعالمية اللولة بحال كانادا ف 1913 ولميريكان ف 1914.[4] ليوما لمقر ديالها كاين فمدينة زوريخ فسويسرا، وكايترأسها السويسري الطالياني جياني إنفانتينو من 26 فبراير 2016. أشهر حاجة معروفة بيها لفيفا هي كاس لعالم، واللي تنضم أول مرة فمدينة موتيڤيديو، اللي هي لعاصيمة ديال لأوروݣواي.[5] لفيفا كاتدخل لفلوس من ليشهارات والصپونصورات، واللي وصلو ف 2018 ل 4.7 مليار دولار ميريكاني (42 مليار درهم مغريبي)، وكان فيهوم رباح ديال 1.2 مليار دولار ميريكاني (10 دلمليار ديال الدرهم). لخزينة ديال لفيفا وصلات 2.7 مليار دولار ميريكاني (24 مليار درهم) فلافان ديال لفترة مابين 2015 و2018.[6]

لمؤسسات د لفيفا[بدل | بدل لكود]

لمقر ديال لفيفا فزوريخ، سويسرا

لعضو لمجهد ݣاع فلمؤسسات ديال لفيفا هو لكونݣريس د لفيفا (بالنݣليزية: FIFA Congress)، اللي هو مجليس فيه ممتيلين من كولا بلاد وأرض عضو واللي كايتدار لمؤتمر ديالو لعادي مرّة كولّا عام، ومن 1986 جوج مرات فلعام. لكونݣريس هو بوحدو اللي عندو لحق يبدّل لقوانين ديال لفيفا.كاينة اللجنة ليستيعجالية ديال لفيفا، واللي كاتعامل معا لحوايج ولمشاكل الضروريين مابين كولا مجمع ديال لونݣريس.[7]

هاد لكونݣريس كايصوت على الدخول ديال بلدان وأعضاء جداد وكاينتاخب الرايس ديال لفيفا ولأمين لعام واللجنة التنفيدية.[8] الرايس ديال لفيفا ولأمين لعام كايݣابلو اللي طاري فلفيفا وبرّا ديالها، أما اللجنة التنفيدية واللي كايترأسها الرايس د لفيفا هي اللي مسؤولة على لوقات ولبلايص والشكال ديال التورنوايات. لفيفا كاينة فسويسرا، داكشي لاش هي مؤسسة اللي تابعة وكاتحتارم لقانون السويسري.

الراية والنشيد[بدل | بدل لكود]

الراية ديال لفيفا.

الراية ديال لفيفا هي راية زرقة وفيها اللوݣو ديال لفيفا بلبيض. الراية الجديدة ديال لفيفا بدات كاتخدّم من لحفلة ديال لحلّان د كاس لعالم 2018 ديال روسيا، ومن تما وديما لفيفا خدامة بيها.

النشيد ديال لفيفا هو نشيد صاوب لألماني فرانز لامبرت اللحن ديالو من 1994، وعاودو ليه روب ماي وصايمون هيل لينتاج.[9][10] كايتغنى النشيد فلميطشان والتورنوايات اللي كاتنضمهوم لفيفا.[11] من 2007 فرضات لفيفا على الشوركة دياولها اللي كايدوزو لميطشان باش يدوزو مورصو صغير ديال النشيد قبل ومن مورا لميطشان، هادشي باش تزير لفيفا تشهر لمستشهيرين ديالها.[12]

لأعضاء د لفيفا[بدل | بدل لكود]

كاينين ستة ديال لكونفيديراليات ولمنضامات الدولية اللي معتارفة بيهوم لفيفا باللي تابعين ليها. هاد لمنضامات هوما:

فلمجموع، لفيفا كاتعتارف ب 211 جامعة وطنية ديال لكورة و129 فرقة ديال لكورة ديال لعيالات.

الناس اللي ترأسو لفيفا[بدل | بدل لكود]

ت. السمية لبلاد خدا لپوسط خرج من لپوسط ملاحضة
1 روبير ݣيران الراية ديال فرانسا. فرانسا 23 ماي 1904 4 يونيو 1906
2 دانييل بورلي وولفال الراية ديال لمملكة لمتحدة. لمملكة لمتحدة 4 يونيو 1906 24 أكتوبر 1918 مات
كورنيليس أوݣاست ويليم هيرشمان الراية ديال هولاندا. هولاندا 24 أكتوبر 1918 1920 مؤقات
3 جول ريمي الراية ديال فرانسا. فرانسا 1 مارس 1921 21 يونيو 1954
4 رودولف سيلدرايرز الراية ديال بلجيكا. بلجيكا 21 يونيو 1954 7 أكتوبر 1955 مات
5 آرتر دريوري الراية ديال لمملكة لمتحدة. لمملكة لمتحدة 9 يونيو 1956 25 مارس 1961 مات
إرنست طومن الراية ديال سويسرا. سويسرا 25 مارس 1961 28 شتنبر 1961 مؤقات
6 سطانلي روس الراية ديال لمملكة لمتحدة. لمملكة لمتحدة 28 شتنبر 1961 8 ماي 1974
7 خواو هاڤيلانݣ الراية ديال لبريزيل. لبريزيل 8 ماي 1974 8 يونيو 1998
8 سيپ بلاتر الراية ديال سويسرا. سويسرا 8 يونيو 1998 8 أكتوبر 2015 تراو عليه
عيسى حياتو الراية ديال كاميرون. كاميرون 8 أكتوبر 2015 26 فبراير 2016 مؤقات
9 جياني إينفانتينو الراية ديال الطاليان. الطاليان
الراية ديال سويسرا. سويسرا
26 فبراير 2016 خدام دابا

عيون لكلام[بدل | بدل لكود]

  1. ^ "Fédération Internationale de Football Association". Filmcircle.com. 11 يونيو 2014. مأرشيڤي من لأصل ف 8 أكتوبر 2014. تطّالع عليه ب تاريخ 11 يونيو 2014.
  2. ^ FIFA.com. "History of FIFA - Foundation - FIFA.com". FIFA.com (بنڭليزية). تطّالع عليه ب تاريخ 15 يونيو 2018.
  3. ^ Classic Football History of FIFA – Foundation
  4. ^ FIFA (10 شتنبر 2009). "FIFA's 208 Member Associations" (PDF). تطّالع عليه ب تاريخ 1 دجنبر 2015.
  5. ^ Council, Manchester City. "About the National Football Museum | The National Football Museum at Urbis | Manchester City Council". www.manchester.gov.uk (بنڭليزية). مأرشيڤي من لأصل ف 1 دجنبر 2017. تطّالع عليه ب تاريخ 28 نونبر 2017.
  6. ^ FIFA Financial Report 2018 (PDF) (Report). 31 دجنبر 2018.
  7. ^ "Emergency Committee". FIFA. تطّالع عليه ب تاريخ 7 دجنبر 2015.
  8. ^ "FIFA Congress". FIFA. 27 ماي 2011. مأرشيڤي من لأصل ف 5 أبريل 2010.
  9. ^ Kearney, Judith; Wood, Lesley; Teare, Richard (28 أكتوبر 2015). Designing Inclusive Pathways with Young Adults: Learning and Development for a Better World. Springer. ردمك 9789463001571 – via Google Books.
  10. ^ "FIFA's 113th foundation day: 10 things you should know about world football's governing body : Sports Arena". indiatoday.intoday.in.
  11. ^ "FIFA anthem". YouTube. تطّالع عليه ب تاريخ 19 ماي 2010.
  12. ^ "The extraordinary power of the football song". BBC. 14 يونيو 2018.
Wikimedia Commons تقدر تزيد شوف بزاف د صور و معلومات ديال ليتيحاد الدولي ديال كورة ف ويكيميديا كومنز.