مهاجم (كورة)

مهاجم (توني زرق) كايحاول يماركي بيت.

لمهاجم ولّا لأطاك (بالنݣليزية: Forward) هو كوايري موهيم فالتشكيلة دلفرقة فماطش ديال لكورة. هاد لكوايري كايقصّر قبالة لݣول ديال لفرقة لوخرة وكايقلّب على كيفاش وكايحاول يماركي بيت.

لمهاجمين كايماركيو بيوتة كتر من اللعّابة لوخرين د لفرقة حيتاش ماعندهومش مسؤوليات زايدين بحال الديفاع لكتير.

كايكونو غاليبا مابين واحد وتلاتة ديال لمهاجمين ف التشكيلات الجداد، بحال التشكيلة لمعروفة 1-2-3-4 اللي كايكون فيها مهاجم واحد. التشكيلات اللي مامعروفينش بزاف يقدر يكون فيهوم كتر من تلاتة ديال لمهاجمين، أولا مايكونوش ݣاع.

لبلايص ديال لمهاجمين

ليونيل ميسي ديال إف سي برصلونة هو واحد من لمهاجمين الجناوح لمعروفين.

رونالدو كان هداف كبير ديال ريال مدريد.

لبلاصة	سميّات خرين	بالنݣليزية	لخدمة ديالو
مهاجم باين	راس لحربة	Centre-forward	كايدور بزاف فلمينطاقة د پيلانتيات د لفرقة لوخرة. كايشد لكورة من عند صحابو وكايحاول يماركي بالزربة.
لهداف	-	Striker	كايدخل وكايهرّس السنسلة ديال الديفاع دلفرقة لوخرة. هو اللي كايماركي لبيوتة بزاف. يقدر يرجع للور باش يدير الديفاع.
لهداف لمعاون	راس لحربة التاني	Second striker	نفس لخدمة ديال راس لحربة، ولاكين كايعاونو وكايحاول يماركي لبيت إلا لهداف ماقدرش. كايحاول يشد لكورة من عند لوسايطية ويعطي أسيست للمهاجم ولّا للهداف.
جناح	مهاجم د الطرف	Winger	كايقصّر حدا خطوط التوش. كايفوت الضهير ديال لفرقة لوخرة. كايصيفت تيرات عرضيين لجيهة لمهاجم لباين أولّا لهدّاف. كايحاول يصاوب فرص ديال التسجيل.

شوف حتى

• حارس
• دفايعي
• وسايطي

مصادر

ويكيميديا كومنز عندا تصاور و معلومات على مهاجم (كورة).

ويكيميديا كومنز عندا تصاور و معلومات على مهاجم (كورة).