ألمانيا
لجمهورية لفيديرالية د ألمانيا (ب لألمانية: بوندس ريپوبليك دويتشلاند - Bundesrepublik Deutschland) هي واحد البلاد جات ف لوسط لغربي د أوروپا. تيحدّوها من شمال: لبحر د شمال و دانمارك و لبحر د لبلطيق، من لجنوب لوطريش و سويسرا، من شرق پولونيا و تشيك، و من لغرب: فرانسا، ليكسمبورݣ، بلجيكا و هولاندا. ألمانيا هي لبلاد لي فيها أكبر عدد د سكان ف أوروپا.
ألمانيا بلاد عندها تاريخ قديم و دخلات ف بزاف د دول بحال لإمبراطورية الرومانية. ف لقرن 16، كان شمال د ألمانيا هو لبلاصة لي بدات فيه لإصلاحات ف لمسيحية، و لي خرج منها تيار لپروطيسطانتي. من مورا ما سالات لحرب لعالمية تانية، تقسمات ألمانيا على جوج: ألمانيا لغربية و ألمانيا شرقية. ف 1957 كانت ألمانيا لغربية من لبلدان لي أسسو لإتحاد لأوروپي. ف 1990 عاود تجمعو ألمانيا لغربية و شرقية ف بلاد وحدا، و لي هي لجمهورية د ألمانيا.
تايسكنو ف ألمانيا شويا كتر من 83 مليون د الناس، و لعاصمة ديالها هي برلين. لغة رسمية ديال لبلاد هي لألمانية، و لفلوس لي كاتخدّم هي لأورو. نضام د لحكيم ف ألمانيا هو جمهوري فيديرالي، فيه لبلاد مقسومة على 16 فيديرالية، كل وحدا فيهم عندها لحكومة ديالها، و عاد كاينة لحكومة لمركزية ف برلين. ألمانيا عندها أقوى قتيصاد ف ؤروپا و رابع أكبر قتيصاد ف لعالم.[1] لبلاد داخلة ف بزاف د لمنضمات عالمية بحال لأمم لمتحدة و لإتحاد لأوروپي و الناطو و جي 7 و جي 20 و لمنضمة د تعاون و تنمية لإقتصادية.
عيون لكلام[بدل | بدل لكود]
|
تقدر تزيد شوف بزاف د تّصاور و لمعلومات ديال Germany ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |