سويسرا
سويسرا (ب الألمانية: Schweiz; ب الفرونسي: Suisse; ب الطاليانية: Svizzera; ب الرومانشية: Svizra; ب الألمانية السويسرية: Schwiz) هي دولة صغيرة ف غرب أوروپا. السمية الرسمية ديال سويسرا هي Confoederatio Helvetica، هاد السمية ب اللاتينية و هي غالبا ما كتستعملش غير ف الوتائق الرسمية. سويسرا هي كونفدرالية مكونة من 26 ولاية صغيورة كتسمى كانطون (الجمع: كانطونات).[1]
سويسرا معروفة ب الحياد ديالها. شي دولة كتكون محايدة مللي ما كتاخدش شي موقف بين الدول اللي متحاربين. سويسرا كانت محايدة من 1815. بزافت المنضمات الدولية كاينين ف سويسرا. الأمم المتحدة عندها مكتب رئيسي (و لكن ماشي مقر) ف جنيڤ. المنضمة السابقة ديال الأمم المتحدة اللي كانت كتسمى عصبة الأمم كان عندها المقر ديالها ف جنيڤ.
كاينين ربعة اللغات رسمية ف سويسرا: الألمانية، الفرونسي، الطاليانية، و الرومانشية. بعض الكانتونات وحتى القرى ݣاع كيهدرو فيهم ب جوجت اللغات، و أكبر كانتون من ناحية المساحة، ݣراوبوندن (ݣغيزون)، فيه تلاتة. تقريبا التلتين ديال السكان كيهدرو بالألمانية؛ الفرونسي كيهدرو بيها ف الغرب ديال البلاد، و الطاليانية كيهدرو بيها ف الكانتون ديال تيتشينو والرومانشية فشي بلايص ف ݣراوبوندن.
العاصمة ديال سويسرا هي بيرن.[نوطة 1] أكبر مدينة ف سويسرا هي زيوريخ.
ف الشمال ديال سويسرا كنتلاقاو ألمانيا. ف الشرق ديال سويسرا كنتلاقاو لوطريش و ليخطنشطاين. ف لجنوب ديال سويسرا كنتلاقاو الطاليان. ف لغرب ديال سويسرا كنتلاقاو فرانسا.
- ↑ برن كيسميوها "مدينة فدرالية". القانون السويسري ما كيݣولش آشناهي العاصمة، ولكن البرلمان الفدرالي والحكومة كاينين ف برن.
 |
ويكيميديا كومنز عندا تصاور و معلومات على سويسرا. |
- ↑ "العيش والعمل في سويسرا". SWI swissinfo.ch (ب العربية). Archived from the original on 2023-06-06. Retrieved 2022-12-21.
 هادي زريعة ديال مقالة خاصها تّوسع. تقدر تشارك ف لكتبة ديالها. |
