انتقل إلى المحتوى

كيطمة (كورة)

من ويكيپيديا
درّي لابس كيطمة عصرية ديال كورة

لكيطمة أولّا اللبسة (أولّا بعض لخطرات التوني) ف كورة هوما لحوايج اللي كايلبسوهوم لكوايرية. لقواعد د اللعبة كايبيّنو شناهي لكيطمة بلقليلة اللي خاص اللعّابة يلبسوها، وكايمنعو اللباس اللي يقدر يكون خطر على لكوايري أولّا اللعّابة اللي فالتيران. لمنافسات ولبوطولات يقدرو يزيّرو فلقد ديال اللوݣو فالتيشورت، أولّا يفرضو لون آخور على لفرقة الضيف.

التيشورتات د اللعّابة غاليبا كايكون فاللور الرقم ديال لكوايري. فلأصل لأرقام كايكونو غادين من 1 ل 11، وكايواتيو نسبيا معا لبلايص ديال اللعب ديالهوم. ولاكين فلبوطولات ولمنافسات ليحتيرافية، هاد النماري كايوليو مخربقين بسباب لكوايرية الزايدين. واخّا هكاك، لكوايري كايتعطاه نمرة كايقصّر بيها فلموسم كامل. لفراقي ليحتيرافيين غاليبا كايحطو لكنيات د اللعّابة فوق (وفبعض لحالات لقلال، تحت) النماري تاعهوم.

تطورات لكيطمة د كورة بزّاف. فاللول كانو كايلبسو تيشورت ديال لقطن، وصبابط تقال قاسحين ديال الجلد. فلقرن لعشرين الصبابط بداو كايولّيو خفاف، والشورطات كايقصارو فالطولة د الرجلين. التقدّوم اللي طرا فلمجال د لحوايج خلّا التيشورتات يولّيو يتصايبو خفاف، بديزاينات ولوان معقّدين. ومعا الزيادة ديال ليشهار ف لقرن لعشرين، اللوݣويات ديال لمستشهيرين ولّاو كايتطبعو فالتيشورتات، وبداو كايتصاوبو للجمهور، الشي اللي خلّا لفراقي يدخّلو لفلوس.

لكيطمة الضرورية

[بدل | بدل لكود]
لكيطمات مستفين فلڤيستيير.

لحوايج اللي خاص يلبسوهوم لكوايرية كاينين فلقانون الرابع ديال لقواعد د اللعبة.[1] لكوايرية دياول لفرقة الضيف كايخصّهوم يحضرو لماطش بلوان خرين إلا كانو عندهوم نفس اللوان دياول لفرقة لمضايفة.[2] لقانون كايݣول باللي "لكوايرية خاصهوم يلبسو كيطمة بلوان كاتفرّقهوم على بعضيّاتهوم وعلى لحكم ولحكّام لمعاونين."[1] بزاف ديال لفراقي عندهوم اللبسة التانية وحتى اللبسة التالتة اللي كايلبسوها إلا اللوان د اللولة والتانية كانو متشابهين بزاف معا اللوان ديال لفرقة لمضايفة.[3] بزاف ديال لفراقي حافضو على لكيطمة ديالهوم لبزاف ديال لعوام[3]، واللوان براسهوم يقدّو يدخلو فالتقافة ديال لفرقة.[4] لكيطمة الضرورية كايكون فيها:

  • تيشورت: كايكون مصاوب من خيط صطيناعي ماكايحبسش لعرݣ، ماشي بحال لخيط الطبيعي.[5] بزاف ديال لفراقي كاتحط اللوݣويات ديال لمستشهيرين فلقدّام ديال التيشورت، واللي كايجيب الرباح للفراقي[6]، وبعض لفراقي كايخلّيوهوم يديرو اللوݣو فالضّهر.[7] بعض لعصبات ولبوطولات كايضبطو شحال خاص يكون لقد ديال اللوݣو فالتيشورت.[8] لمنافسات بحال لپريمر ليݣ والليݣا وبوطولا 1 كايفرضو اللوݣو ديالهوم على لكمام ديال التيشورت.[9] النمرة ديال لكوايري كاتكون فالضهر ديال التيشورت، وبعض لفراقي لعالميين ولمونتخبات كايحطّو النماري فلقدّام،[10] ولفراقي لمحتارفين كايطبعو لكنية فوق من النمرة.[11]
  • شورط: حتال لعام د 1994 كان الشورط ضروري يكون قصير. من داك لعام ولقانون كايݣول باللي الشورط يقدر يوصل حتال الركبة. الطولة لميتالية ديالهوم هي 17-18 سانطيم.[12]
  • تقاشر: كايكونو طوال شوية ويكونو تحت الركبة. ماكاينش شي قانون فلقواعد د اللعبة اللي كايݣول باللي ضروري خاصهوم يكونو طوال.[13] كاينين تقشيرات صغار اللي كايتلبسو عند الرجلين واللي كايكونو مديورين باش يعاونو فالجهد ومايطراش لفديع فلحالة ديال التعكال أولّا الطيوح.[14]
  • سبرديلة: ݣاع لكوايرية ليوما كايلبسو سبرديلة خاصة ب كورة. فالجيهة اللي كاتكون موالية للربيع كايكونو مسامر أولّا متكّات ديال لحديد أولّا لݣومة أولّا لپلاستيك اللي كايعاونو الرجل تشد فالضس ديال التيران على حساب النوع ديالو.[15] كاينين سبرديلات خاصّين بلݣازون الطبيعي، ووحدين خرين ديال لݣازون صطيناعي. وكاينين وحدين خاصّين على حساب لبلايص د اللعب ف كورة.[16] لمعايير علاياش السبرديلة د كورة كايكونو واقفين هوما التباتة، الستيل، الراحة والتحكّوم فلبالون.[17]

لكيطمة التانوية

[بدل | بدل لكود]
لحرّاس كايلبسو الليݣات باش يحميو يديهوم من الجهد ديال لكورة

كاينين شي حوايج اللي لقانون د لقواعد ديال اللعبة كايمنع يتلبسو، بحال الدهب ولخواتم والسناسل.[1]

  • ليݣات: لكوايرية عندهوم لحقّ يلبسو الليݣات، وممكين ݣاع ديال الصوف إلا كان لجو بارد.[18] قبل من السبعينات قليل فين كانو الليݣات كايتلبسو،[19] ولاكين دابا قليل فين كاين شي حارس ماكايلبسهومش. كاينين بزاف ديال لمرارك تاوع الليݣات على حساب الشكل ولخياطة.[20]
  • نضاضر: إلا كان الشوف ديال شي كوايري ناقص، كايمكن ليه يدير النضاضر، غير بشرط مايكونوش خطر عليه وعلى عينيه.لكوايرية اللي عندهوم هاد لموشكيل كايديرو لعداسات، ولاكين شي كوايرية عندهوم الجلالة مايمكنش ليهوم يديروهوم، داكشي اللي كايخلّيهوم يلبسو النضاضر.[21]
  • كاصك: لكوايرية يقدّو يلبسو شي كاصك إلا خافو على الراس/الجبهة ديالهوم، ولاكين بشرط مايكونش خطر عليهوم ولّا على اللي مقصّرين معاهوم.[22]

اللباس د لحكم

[بدل | بدل لكود]
لحكّام ولحّكام لمعاونين غاليبا كايلبسو لكحل

لحكّام و لحكّام لمعاونين خاصهوم يلبسو كيطمة كاتشبه لديك اللي كايلبسوها لكوايرية، ولاكين مختالفة ف اللوان على لفراقي بجوج ولحرّاس دياولهوم.[23] لكحل هو اللون لمعروف ديال لحكّام، ولعبارة ديال "الراجل فلكحل" كتأكّد هاد لهضرة[24][25]؛ واخّا ولّاو كايلبسو لوان خرين باش اللوان مايبقاوش يتشابهو فالتيران.[26] لفيفا كاتخلّي لحكام يلبسو خمسة د اللوان صافي: لكحل، لحمر، الزرق، الصفر ولخضر. يمكن للتيشورتات د لحكّام يكونو فيهوم اللوݣويات دلمستشهيرين، وكايكونو غير فلكمام.[27] لحكام يقدرو يديرو لباضج ديال لفيفا اللي فيه النوع ديال الترخيص د لفيفا ولعام ديال الصلاحية فالجيب ديال الصدر ليسر.

ݣاع لحكام كاتكون عندهوم مݣانة د ليد، صفّارة، جوج كارطات صفرة وحمرة، بزطام فيه ستيلو وشي وراق، قرعة ديال لكشكوشة لمختافية وريالة باش يحددو شكون غايبدا لماطش ولإنا جيهة فالتيران غايمشيو. لحكام كايتّنصحو باش يهزو جوج جوج من لحاجة (تقدر تطيح ليهوم الصفارة أولا يتقادا الستيلو). لحكّام كايكونو عندهوم فلغالب جوج مواݣن: وحدة كايشدّو بيها لوقت ولوخرة كايحسبو بيها لوقت الضايع. فلمستويات لعاليين ديال لبوطولات، كايكون عند لحكام ميكرويات كاهضرو بيهوم معا لحكّام لمعاونين. لحكم لمعاون كايهز رايات ليكترونية، كايورّك على بوطونة فيها واللي كاتعطي ليشارة للحكم فاش كاتكون شي حاجة.[28][29] فلميطشان اللي فيهوم تيكنولوجيا خط لݣول، لحكم كايكون معاه تويشية كاتعلمو بلالارم ديال السيستيم.[30]

عيون لكلام

[بدل | بدل لكود]
  1. ^ a b c "Law 4 – The Players' Equipment" (PDF). Laws of the Game 2008/2009. FIFA. pp. 18–19. تطّالع عليه ب تاريخ 1 شتنبر 2008.
  2. ^ "Standardised League Rules". Wessex Football League. مأرشيڤي من لأصل ف 6 مارس 2008. تطّالع عليه ب تاريخ 16 يناير 2008.
  3. ^ a b David Moor. "A Brief History of Football Kit Design in England and Scotland". HistoricalFootballKits.co.uk. مأرشيڤي من لأصل ف 2023-03-25. تطّالع عليه ب تاريخ 14 يناير 2008.
  4. ^ Giulianotti، Richard؛ Norman Bonney؛ Mike Hepworth (1994). Football, Violence and Social Identity. Routledge. ص. 75. ردمك 978-0-415-09838-0. For a supporter, whether or not he lives in the city of the team, the team colours are the most important symbol of his football faith, dominating any other symbol or cultural meaning such as nation, class or political party.
  5. ^ "Football and health". BUPA. مأرشيڤي من لأصل ف 16 فبراير 2008. تطّالع عليه ب تاريخ 17 يناير 2008.
  6. ^ "Man Utd sign £56m AIG shirt deal". BBC. 6 أبريل 2006. مأرشيڤي من لأصل ف 16 مارس 2023. تطّالع عليه ب تاريخ 16 يناير 2008.
  7. ^ "Back-of-the-shirt Sponsors Draw". Notts County F.C. 30 دجنبر 2007. مأرشيڤي من لأصل ف 29 دجنبر 2007. تطّالع عليه ب تاريخ 16 يناير 2008.
  8. ^ "Regulations Relating to Advertising on the Clothing of Players, Club Officials and match Officials" (PDF). The FA. مأرشيڤي من لأصل (PDF) ف 10 أبريل 2008. تطّالع عليه ب تاريخ 16 يناير 2008.
  9. ^ "The F.A. Premier League". Chris Kay International. مأرشيڤي من لأصل ف 7 مارس 2008. تطّالع عليه ب تاريخ 22 يناير 2008.
  10. ^ "Q & A 2006". England Football Online. 22 نونبر 2006. مأرشيڤي من لأصل ف 26 يناير 2008. تطّالع عليه ب تاريخ 16 يناير 2008.
  11. ^ Davies، Hunter (2003). "Chapter 3. Equipment: Bring on the Balls". Boots, Balls and Haircuts: An Illustrated History of Football from Then to Now. Cassell Illustrated. ص. 158. ردمك 978-1-84403-261-7.
  12. ^ "MEN'S WORKOUT SHORTS: HOW LONG THEY SHOULD BE BASED ON ACTIVITY". willy california. 6 أكتوبر 2020. مأرشيڤي من لأصل ف 2023-01-30. تطّالع عليه ب تاريخ 1 غشت 2021.
  13. ^ "Why Soccer Players Wear Long Socks". your soccer home. مأرشيڤي من لأصل ف 2023-04-01. تطّالع عليه ب تاريخ 1 غشت 2021.
  14. ^ "Soccer Compression Socks: What, Why, Wear?". soccerblade.com. 5 أبريل 2021. مأرشيڤي من لأصل ف 2023-03-28. تطّالع عليه ب تاريخ 1 غشت 2021.
  15. ^ "Soccer Shoe Guide". Soccer.com. 29 يوليوز 2019. مأرشيڤي من لأصل ف 2023-09-07. تطّالع عليه ب تاريخ 15 ماي 2020.
  16. ^ "What Soccer Cleats Should I Wear for my Position?, How to Buy Soccer Cleats?". soccer.com. 23 أكتوبر 2020. مأرشيڤي من لأصل ف 2023-09-07. تطّالع عليه ب تاريخ 1 غشت 2021.
  17. ^ "What Is the Purpose of Soccer Shoes?". azcentral.com. مأرشيڤي من لأصل ف 2023-06-09. تطّالع عليه ب تاريخ 1 غشت 2021.
  18. ^ Cox، Richard؛ Dave Russell؛ Wray Vamplew (2002). Encyclopedia of British Football. Routledge. ص. 75. ردمك 978-0-7146-5249-8.
  19. ^ "Fußball und Technik" (ب لالمانية). Deutsches Patent- und Markenamt. مأرشيڤي من لأصل ف 21 يونيو 2011. تطّالع عليه ب تاريخ 15 يناير 2008.
  20. ^ "Goalkeeper Glove Cut Guide". TheGloveBag.com. 28 مارس 2006. مأرشيڤي من لأصل ف 23 يوليوز 2008. تطّالع عليه ب تاريخ 14 يوليوز 2008.
  21. ^ "Goggles are Davids' most glaring feature". Soccertimes.com. 7 مارس 2003. مأرشيڤي من لأصل ف 20 أبريل 2008. تطّالع عليه ب تاريخ 16 يناير 2008.
  22. ^ "Cech's rugby-style headgear passes the FA's safety test". The Independent. UK. 20 يناير 2007. مأرشيڤي من لأصل ف 25 شتنبر 2015. تطّالع عليه ب تاريخ 16 أبريل 2008.
  23. ^ "Advice for Newly Qualified Referees" (PDF). The FA. مأرشيڤي من لأصل (PDF) ف 20 أكتوبر 2007. تطّالع عليه ب تاريخ 15 يناير 2008. (PDF)
  24. ^ Hyde، Marina (26 مارس 2014). "Andre Marriner debacle highlights Fifa aversion to video technology". The Guardian. مأرشيڤي من لأصل ف 2023-01-10. تطّالع عليه ب تاريخ 2 يوليوز 2014.
  25. ^ O'Hagan، Simon (28 يناير 1996). "Rosy future for man in black". The Independent. مأرشيڤي من لأصل ف 2023-01-16. تطّالع عليه ب تاريخ 2 يوليوز 2014.
  26. ^ Cox، Richard؛ Dave Russell؛ Wray Vamplew (2002). Encyclopedia of British Football. Routledge. ص. 76. ردمك 978-0-7146-5249-8.
  27. ^ Paul Kelso (17 غشت 2006). "Bright sparks hope over Burns reform". The Guardian. UK. مأرشيڤي من لأصل ف 6 مارس 2008. تطّالع عليه ب تاريخ 18 يناير 2008.
  28. ^ Solomon، Jon. "SEC will try wireless communication for football officials in 2012". AL.com. مأرشيڤي من لأصل ف 2018-06-14. تطّالع عليه ب تاريخ 13 ماير 2014. Check date values in: |access-date= (معاونة)
  29. ^ "Electronic Flags" (PDF). United States Soccer Federation. مأرشيڤي من لأصل (PDF) ف 2020-03-25. تطّالع عليه ب تاريخ 13 ماي 2014.
  30. ^ Weir، Keith (8 غشت 2013). "Premier League unveils goalline technology to end disputes". Reuters. مأرشيڤي من لأصل ف 19 مارس 2023. تطّالع عليه ب تاريخ 13 ماي 2014.
Wikimedia Commons تقدر تزيد شوف بزاف د تّصاور و لمعلومات ديال Association football equipment ف ويكيميديا كومنز.
Wikimedia Commons تقدر تزيد شوف بزاف د تّصاور و لمعلومات ديال Association football equipment ف ويكيميديا كومنز.
مرجّعة من "https://ary.wikipedia.org/w/index.php?title=كيطمة_(كورة)&oldid=324812"