تاريفيت
تاريفيت
| ||
| النوع | لوغة و لغة حية | |
| تخدام | ||
| اللي كبرو بيها | 4,399,000 (2016) | |
| كايتهضر بيها ف | لمغريب و جزاير | |
| أصلية ف | إقليم الدريوش، إقليم الناظور، جهة الشرق، جهة فاس مكناس، جهة طنجة تطوان الحسيمة و إقليم بركان | |
| لخصائيص | ||
| لكتبة | ألفبائية لاتينية، تيفيناغ و أبجدية عربية | |
| النّيڤو دالضعف | (1) عادية | |
| لوضعية داللوغة | 5 كاتطور | |
| لفاميلة داللوغات | ||
| لوغة د بنادم لوغات أفرو-أسيوية لوغات أمازيغية لوغات أمازيغية دالشمال لوغات زناتية | ||
| لخاريطة | ||
| ||
| لكواض لي كايعرّفو اللوغة | ||
| إيزو 639-3 | rif | |
| ڭلوطولوڭ | tari1263 | |
| إيطنولوڭ | rif | |
| يونيسكو | 699 | |
تاريفيت أولّا الريفية (كايتݣال ليها حتى تْمازغْت أولا تاريفشت، بتيفيناغ: ⵜⴰⵔⵉⴼⵉⵢⵜ) هي لوغة من لفرع الزناتي ديال اللوغات لأمازيغية دالشمال. كايهضرو بيها شي 4 دلمليون دالناس فلمغريب والدزاير فأقاليم الريف ديال لحسيمة، الناظور، الدريوش وبركان، وكأقلية فأقاليم طنجة، وجدة، تطوان ولعرايش، وحتى مليلية. لجالية دالريف اللي كاينة على برّا حتى هي كاتهضر باللوغة.
تاريفيت هي لوغة من لفرع الزناتي[1] وخصوصا اللوغات الريفية اللي فيها بزاف ديال اللهجات كلّا وحدة خاصة بقبيلة أولّا عشيرة. هاد اللوغة كاينة فجبال الريف ولبلايص اللي دايرين بيها فالشمال دلمغريب، زيادة على بعض لمناطيق فلحدود ديال الدزاير.
الريفية كاينة فجبال الريف اللي كاتطل على لبحر لبيض لمتوسط، معا أقلية كبيرة فمليلية.[2] كاينين ناطقين بتاريفيت حتى برّا الريف، خصوصا فلمدون لمغريبية لكبار فين كايشكلو أقلية. كاينة أقلية ديال الناس اللي كايهضرو بالريفية فالدزاير. كاينة جماعة ديال الناس الناطقين بالريفية فهولندا وبلجيكا وبشكل قليل فلباقي ديال الدول دأوروبا. الناس اللي كايهضرو بيها كايسمّيوها "تمازيغت"، اللي هو واحد لمصطلح كايشتامل على ݣاع اللوغات لأمازيغية دشمال إفريقيا على لعموم.
كاينين بزاف داللهجات فلوغة تاريفيت، واللي مابينها: الريفية لغربية (فلحسيمة)، الريفية لوسطانية (الناظور)، والريفية الشرقية (بركان).
كاتحسب تايزناسنيت (لي هيا لهجة بني يزناسن) بلي حتى هي تاريفيت (كوصمان 1999)، ولاكين بلينش (2006) كايربطها معا أمازيغية مزاب وورݣلة. السبب أنها كتختالف على لهجة الريف لوسطاني فالنطق دبزاف تاع لحروف. بحال حرف لكاف، لي يتنطق شا فلحسيمة والناضور، ولكن فتايزناسنيت يتنطق مابين الكا والشا (تقريبا بحال الشا ديال اللوغة لألمانية) ولا بحال شا ديال لكوردية. واللام يتنطق عادي فتايزناسنيت ولكن فالناظور والحسيمة يتنطق دجا. بحال : تاملالت "لبيضة" فتايزناسنيت (فبركان والنواحي) تتنطق تامدجاجت فالناضور ولحسيمة.
كاين بزاف ديال لمتغيرات اللي على شكل لهجات فتاريفيت، الشي اللي يقدر يتشاف فلخريطة ديال اللوغة (لفكيوي 1997)، واخّا هكاك تاريفيت هي لوغة بوحدها مابين اللوغات لأمازيغية لخرة حيتاش عندها نطق مختالف. لأغلبية دهاد اللهجات كاينة فالشمال دلمغريب (جهة طنجة تطوان الحسيمة وجهة الشرق)، واللي داخلة فيهوم لمتغيرات دلحسيمة وتمسمان والناظور وإكبادن (داخلين فيهوم آيت يزناسن) ولمتغير لجانوبي فمدينة تازة. بجانب تاريفيت، كاينين جوج داللوغات اللي ماعندهوم حتى شي علاقة بيها وهوما لوغات صغار: تاصنهاجيت وتاغماريت.
كاينين شي لهجات ديال تاريفيت فلغرب ديال الدزاير، خصوصا ديك اللي كاتهضر بيها لقبيلة دبني سنوس قريب من تلمسان، وحتى بطيوة وفبزاف ديال لأقاليم لإستعمارية اللي هاجرو ليها بعض من الناس دالريف فلقرن 19.
| قدامي | وسطاني | لوراني | |
|---|---|---|---|
| مسدود | i | u | |
| محلول | a |
- واحد الصايت وسطاني موسّط /ə/ كايبان فوضعيات دالنطق مرخوفة.
- النطق التقيل ديال /i, a, u/ كايتسمع [ɪ, æ, ʊ].
| شفايهي | سنايني | لتايوي | لتايوي غاري | طبقي | لهايوي | حلقي | قرجوتي | ||||
|---|---|---|---|---|---|---|---|---|---|---|---|
| باين | محلقن | باين | محلقن | ||||||||
| مفجر | ماعندوش صوت | p | t | tˤ | (tʃ) | k | q | ʔ | |||
| عندو صوت | b | d | dˤ | ||||||||
| حكاك | ماعندوش صوت | f | θ | s | sˤ | ʃ | x | ħ | h | ||
| عندو صوت | ð | ðˤ | z | zˤ | ʒ | ɣ | ʕ | ||||
| نيايفي | m | n | |||||||||
| ساكن | l | ||||||||||
| منقّر | ɾ | ɾˤ | |||||||||
| شبه ساكت | w | j | |||||||||
كاينين ختيلافات ديال النطق كبار مابين تاريفيت ولباقي ديال اللوغات لأمازيغية:
- اللام /l/ اللي كاين فلوغات خرين كايولّي راء باينة ⟨ř⟩ (/r/) فتاريفيت.
- اللام لمشدد /ll/ اللي كاينة فلوغات خرين كايولي النطق "دج" ⟨ǧǧ⟩ (/dː͡ʒ/) فتاريفيت.
- اللام والتّا /lt/ فلوغات خرين كاتولّي النطق "تش" ⟨č⟩ (//t͡ʃ//) فتاريفيت.
هاد التغيرات ماكاينينش فاللهجات الريفية ديال بني يزناسن (تايزناسنيت) وإكبدانن.
| لحرف الريفي | لكلمة الريفية | لكلمة فلوغات أمازيغية خرة | لمعنى بالدارجة |
|---|---|---|---|
| Ř ř | uř - أور | ul - أول | قلب |
| aɣyuř - أَغْيور | aɣyul - أَغيول | حمار | |
| awař - أوار | awal - أوال | هضرة | |
| Ǧ ǧ | azeǧǧif / azedjif - أَزْدْجيف | azellif - أزْلّيف | راس |
| yeǧǧa / yedja - يْدْجا | yella - يْلّا | كاين | |
| ajeǧǧid / Ajedjid - أَجْدْجيد | ajellid - أَجْلّيد | ملك | |
| Č č | wečma - وْتْشْما | weltma - وْلْتْما | ختي |
| tacemřač - تاشْمْراتْشْ | tacemlalt - تاشْمْلالْت | بنت زعرة، بيضة | |
| taɣyuč - تاغْيوتْشْ | taɣyult - تاغْيولْتْ | حمارة |
- حرف الراء /r/ اللي كايجي قبل من حرف آخر كايغبر. متال: taddart (تدّارْت، دار) ⇐ taddaat (تدّآت). هاد الراء كايبقى فاش كايجي من موراه صايت. متال: tamara (تَمّارا، الشقا، تْمّارَة)
- لحرف ديال لمدكّار a- (أَ-) اللي كايجي قبل من كلمة مدكّارة كايغبر فشي كلمات. متال: afus (أَفوس، يد) ⇐ fus (فوس)، afighar (أَفيغار، حنش) ⇐ fighar (فيغار). هاد التغيير اللي خاص باللوغات الزناتية كايزيد يفرّق هاد اللوغة على لوغات خرين مجاورين ليها بحال تمازيغت وسط لمغريب وتاشلحيت.
- بعض لقبايل كاينطقو سمية اللوغة ديالهوم بTarifect (تاريفْشْت، (كاتنطق [θærifəʃt]).
فالسنين اللي دازو تكتبات تاريفيت ببزاف ديال لأنضمة دلكتبة بحال لوغات أمازيغية خرة. ف2003 ولّا حرف تيفيناغ رسمي فلمغريب. لكتابة لأمازيغية بلعربية مابقاتش كاتستعمل باش تكتب تاريفيت. لكتابة لأمازيغية باللاتينية مازال كاتستعمل واخّا بشكل ماشي رسمي فلأنترنيت وفبعض لمنشورات فلمغريب وبرّا لبلاد.
- ^ "تاريفيت فالسيت ديال إتنولوݣ". مأرشيڤي من لأصل ف 2023-05-22. تطّالع عليه ب تاريخ 2021-03-05.
- ^ "CpM moción regular Tamazight Melilla tomando ejemplo Bable Asturias". 2010-04-14. Archived from the original on 2010-04-14. تطّالع عليه ب تاريخ 2017-03-07.CS1 maint: BOT: original-url status unknown (link)
|
تقدر تزيد شوف بزاف د تّصاور و لمعلومات ديال Riffian language ف ويكيميديا كومنز. |