تسجيل د بيوتا ف كورة
.jpg)
التسجيل د لبيوتا ف فلماطش ديال الرياضة د كورة هو علاياش كايتنافسو لفراقي. كايتماركا بيت فاش لكورة كاتفوت خط لݣول ديال لكادرات بجوج، مابين جوج ديال الرجلين واقفين فلوسط وبعاد 7.32 ميترو على بعضياتهوم، تحت من عارضة شادّاهوم وعالية ب 2.44 ميترو - هاد لكادر براسو كايتسمى ݣول. كولّا فرقة كاتماركي فواحد من هاد جوج د لݣولات، وكاتحضي لاخور ماتماركيش فيه لفرقة لوخرة. غاليبا كايتعلّقو الشباكي من مورا لكوادر باش يشدّو لكواري اللي تماركاو، ولاكين ماشي ضروري لكورة تقيس الشبكة باش يكون لبيت صحيح.
لقواعد اللي كاتحكم التسجيل د لبيوتا كاينين فلقانون 10 ديال لقواعد د اللعبة.[1] كيما ݣاع لحالات ديال لكورة اللي خارجة، إلا كانت لكورة مافاتتش لخط كاملو راه ماكاين ݣول، واللعب كايكمل. لبيت كايتحسب للفرقة اللي مشات دارت هجوم على لݣول اللي تماركا فيه لبيت.[2] كايتسمى لبيت اللي ماركاه واحد كايدافع على لݣول ديالهوم ݣول على لفرقة. كاتبقى لكورة ملعوبة إلا ضربات لكادر ديال لݣول ورجعات للتيران. خاص لكورة تخرج برّا لكادر باش يتحسب لݣول.
مايمكنش لحكم يحسب شي بيت حتى تفوت لكورة خط لݣول، واخا يكون شي غلط خايب اللي مامخلّيش لكورة تدخل. مايمكنش للبيت يتماركا ديريكت من كورة مليوحة، ضربة غلط مانيشانش أولّا توش. إلا مشات لكورة نيشان للݣول ديال لفرقة لوخرة من هادو بلا ماتقيس كوايري آخور، ماكايتحسبش لبيت وكايتعاود اللعب بضربة مرمى. لكوايري مايقدرش يماركي على راسو من أية معاودة ديال لبدية (من غير پيلانتي)؛ فهاد لحالة كاتّعطى ركنية للفرقة لوخرة. هاد لحالات بجوج، وبلخصوص اللخرة، قلال بزاف.
فتغييرات تدارو ف2019، ماشي مومكين يتقبل بيت اللي تماركا بليدين أولّا بالدراع. إلا لحارس لاح لكورة من لمينطاقة د پيلانتيات وتماركات فلݣول ديال لفرقة لوخرة لبيت ماكايتحسبش، وكاتعطى ضربة مرمى للحارس لاخور.[3] إلا لكورة مشات وتماركات نيشان فلحارس ديال لفرقة لوخرة من ليد أولا الدراع ديال لكوايري، كايتعاقب لكوايري على قيسان لكورة بليد (واخا مايكونش بلعاني).[4] كايبقى مومكين يتماركا ݣول على لفرقة بليد أولّا الدراع.
إلا دخل شي كوايري أولا مسؤول ديال لفرقة بطريقة ماشي قانونية ولبيت ماركاه لعّاب من نفس لفرقة، كايحيّد لبيت وكاتّعطى ضربة غلط نيشان للفرقة لوخرة.[5] فاش كايتماركا ݣول، كايتعاود اللعب ب بدية بالصفارة وكاتعطى لكورة للفرقة اللي تماركا عليها لبيت.
مقالات متعمقة: تيكنولوجيا خط لݣول• لحكم لمعاون بلڤيديو
لأغلبية لكبيرة ديال لبيوتا باينين حيتاش كايبان لبالون ضرب الشبكة، يعني فات خط لݣول. بعض لمرّات كايطراو مشاكيل وكايولّي صعيب باش يتّعرف واش نيت لبيت تماركا أولا لا. بعض لمرات واخا يكون لبيت تماركا، كايتحّيد للفرقة إلا كان شي غلط بحال التسلول أولا شي غلط طرا قبل.
لحكم هو اللي عندو لكلمة اللخرة على واش لبيت محسوب كيما معا ݣاع لقرارات لخرين اللي متعلقين بلقواعد د اللعبة. لحكّام لمعاونين كاينصحوه، والري ديالهوم كايكون مزيان فهاد لحالة حيتاش هوما اللي كايشوفو لكورة من الجنب ديال التيران وكايشوفو واش لفرقة لمهاجمة دارت شي غلط.
من 2012 ولّات كاتخدّم تيكنولوجيا خط لݣول فلبوطولات لكبار حيتاش فيها سيستيم ديال لكاميرات اللي كايعطيو ليشارة للحكم إلا فاتت لكورة خط لݣول.[6] لحكم لمعاون بلڤيديو (لڤار) تزاد ف 2018 من مورا عوام ديال التجاريب، وهاد السيستيم فيه حكّام معاونين خرين اللي كايݣابلو لڤيديو تاع لماطش ويمكن ليهوم ينصحو لحكم إلا دار "غلط باين وواضح" فشي حوايج بحال التسجيل د لبيوتا.
.jpg)
لكوايرية يقدرو يحتافلو معا صحابهوم فلفرقة أولّا ينعتو ويحيّيو لجمهور من بعيد إلا ماركاو بيت. لقواعد د اللعبة كايخلّيو هادشي يطرا، ولاكين هاد ليحتيفال ماخصوش يكون معيّق.[7] التنقاز عند لجمهور هو مخالفة كايعاقب عليها لحكم بصفرة، كيما كاين فلقانون 12 ديال لقواعد.[8] التحياد ديال التيشورت من مورا لبيت كايجيب على اللي دار هكّاك صفرة.[9]
فلمعدّال، كايتماركاو غير شوية د لبيوتا فكولّا ماطش.
| لمنافسة | لمعدال ديال لبيوتا فكولّا ماطش |
|---|---|
| لپريمر ليݣ د 2015-16 | 2.70[10] |
| لبونديسليݣا د 2015-16 | 2.83[11] |
| الليݣا د 2015-16 | 2.74[12] |
| بوطولا 1 د 2015-16 | 2.09[13] |
| كاس لعالم د 2014 | 2.67[14] |
| كاس لعالم عيالات د 2015 | 2.81[15] |
- ^ "Laws of the Game 2018/19" (PDF). theifab.com. IFAB. ص. 91. مأرشيڤي (PDF) من لأصل ف 2023-05-29. تطّالع عليه ب تاريخ 2019-01-24.
- ^ Bray، Ken. "When is a goal not a goal?". plus.maths.org (ب نڭليزية). مأرشيڤي من لأصل ف 29 ماي 2023. تطّالع عليه ب تاريخ 16 فبراير 2018.
- ^ "Laws of the Game 2019/20" (PDF). ص. 162. مأرشيڤي (PDF) من لأصل ف 2022-11-13. تطّالع عليه ب تاريخ 2021-08-10.
- ^ "Laws of the Game 2019/20" (PDF). ص. 104. مأرشيڤي (PDF) من لأصل ف 2022-11-13. تطّالع عليه ب تاريخ 2021-08-10.
- ^ Laws of the Game 2019/20, p. 54.
- ^ "IFAB makes three unanimous historic decisions". FIFA.com. FIFA. مأرشيڤي من لأصل ف 2018-07-02. تطّالع عليه ب تاريخ 23 أبريل 2015.
- ^ "Laws of the Game 2018/19" (PDF). theifab.com. IFAB. ص. 106. مأرشيڤي (PDF) من لأصل ف 2023-05-29. تطّالع عليه ب تاريخ 2019-01-24.
- ^ "Laws of the Game, 2010/2011, FIFA" (PDF). مأرشيڤي (PDF) من لأصل ف 2021-06-28. تطّالع عليه ب تاريخ 2021-08-12.
- ^ "Get Shirty – Why are players booked for taking their shirts off?". back-post.com. مأرشيڤي من لأصل ف 25 ماي 2022. تطّالع عليه ب تاريخ 12 غشت 2021.
- ^ "Premier League » Statistics » Goals per season". worldfootball.net. مأرشيڤي من لأصل ف 2023-05-29. تطّالع عليه ب تاريخ 15 دجنبر 2016.
- ^ "Bundesliga » Statistics » Goals per season". worldfootball.net. مأرشيڤي من لأصل ف 2023-05-29. تطّالع عليه ب تاريخ 15 دجنبر 2016.
- ^ "Spain » Primera División » Statistics » Goals per season". worldfootball.net. مأرشيڤي من لأصل ف 2023-05-29. تطّالع عليه ب تاريخ 15 دجنبر 2016.
- ^ "Morocco » Botola Pro 2015/2016 » GOALS » Average Goals". fctables.com. مأرشيڤي من لأصل ف 12 غشت 2021. تطّالع عليه ب تاريخ 12 غشت 2021.
- ^ "World Cup » Statistics » Goals per season". worldfootball.net. مأرشيڤي من لأصل ف 2022-12-07. تطّالع عليه ب تاريخ 15 دجنبر 2016.
- ^ "Women World Cup » Statistics » Goals per season". worldfootball.net. مأرشيڤي من لأصل ف 2023-05-29. تطّالع عليه ب تاريخ 15 دجنبر 2016.
|
تقدر تزيد شوف بزاف د تّصاور و لمعلومات ديال تسجيل د بيوتا ف كورة ف ويكيميديا كومنز. |
.svg)
