لمينطاقة د پيلانتيات (كورة)
لمينطاقة د پيلانتيات (بلعربية: منطقة الجزاء، بالنݣليزية: Penalty area) هي مينطاقة ديال التيران اللي كايتقصر فيه لميطشان د كورة. هو مستطيل اللي كايشد 16.5 ميترو من الجنب ديال كولّا ݣول و16.5 ميترو قبالتو.[1] النقطة د پيلانتي بعيدة ب 11 ميترو على خط لݣول وجاية نيشان فلوسط ديال لݣول.
لقوس د پيلانتي كاين حدا لمينطاقة، وكايسد عليها بدويرة ديال 9.15 ميترو من النقطة. هو ماشي طرف من لمينطاقة د پيلانتيات وعندو دور غير فلپيلانتي، حيتاش ݣاع لكوايرية ممنوع عليهوم يكون لداخل ديال هاد الدويرة (يعني يكونو بعاد بقّل من 9.15 ميترو على لبالون وقت التير)، من غير اللي غايتيري ولحارس.[2]
فوسط لمينطاقة د پيلانتي كاينة مينطاقة مستطيلة خرة سميتها لمينطاقة د لݣول، وهي جوج خطوط بادين من خط لݣول ومتعامدين عليه وبادين بعاد 5.5 ميترو على الرجلين دلݣول والطول ديالهوم 5.5 ميترو. فهاد لحد واحد لخط آخور متعامد عليهوم ومتوازي معا خط لݣول كايجمعهوم.[3] فهاد لمينطاقة لحارس يقد يقيس لبالون بيديه. ضربات لمرمى وأية ضربة غلط ديال لفرقة لمدافعة كاتدار من تمّا. لكورات لمليوحين اللي كايكونو قراب من خط لݣول كايتدارو هنايا.
لغلاط اللي لعوقوبة ديالهوم هي ضربة غلط نيشان واللي كاتديرهوم لفرقة لمدافعة ف لمينطاقة د پيلانتيات تاعها كايتعاقبو ب پيلانتي.[4] لپيلانتي كايتنفّد من النقطة د پيلانتيات، واللي بعيدة ب 11 ميترو على خط لݣول.
لمينطاقة د پيلانتيات عندها خدامي خرين، بحال:
- لحرّاس: بالنسبة ليهوم هاد لبلاصة هي فين يقدّو يقيسو لكورة بيدّيهوم.
- ضربات لمرمى وضربات لغلط ديال الديفاع: لكوايرية ديال لفرقة لوخرة خاصهوم يكونو برّا هاد لمينطاقة وبعاد ب 9.14 على لكورة حتى تّيرا لكورة وتبان مزيان كاتحرّك.
- پيلانتي: لحارس وداك اللي غايماركي لپيلانتي هوما بوحدهوم اللي كايكونو وسط لمينطاقة د پيلانتيات، لخرين كايكونو بزّا ديالها (حتى برا لقوس د پيلانتي) حتى تّنفد هاد الضربة.
فلأغلبية ديال لوقت د لماطش لحارس هو اللي كايعمّر لمينطاقة د پيلانتيات. لفرقة لمهاجمة كاتحاول توصل لهاد لمينطاقة باش مّاكان، ونيسبة كبيرة ديال لبيوتة تماركاو من هاد لبلاصة.[5] عدد كبير ديال لكوايرية لمدافعين ولمهاجمين كايكونو فلمينطاقة د پيلانتيات وهادشي غاليبا فلكورات التابتين، وبلخصوص فالركنيات. فهاد لحالة كايتشاف الشتيف والجباد بين اللعّابة واخا هادشي ماشي قانوني.[6]
هي مستاطيل اللي فيه جوج خطوط بادين من خط لݣول ومتعامدين عليه وبادين بعاد 5.5 ميترو على الرجلين دلݣول والطول ديالهوم 5.5 ميترو. فهاد لحد واحد لخط آخور متعامد عليهوم ومتوازي معا خط لݣول كايجمعهوم.[3] فهاد لمينطاقة لحارس يقد يقيس لبالون بيديه.
- ^ Hornby، Hugh (2000). Football. Dorling Kindersley Ltd. ص. 13. ردمك 8778267633.
- ^ "Laws of the Game 2017-2018" (PDF). FIFA. ص. 36. مأرشيڤي (PDF) من لأصل ف 2021-06-24. تطّالع عليه ب تاريخ 2021-08-27.
- ^ a b "Laws of the Game 2011/2012" (PDF). FIFA. ص. 30. مأرشيڤي (PDF) من لأصل ف 2019-12-13. تطّالع عليه ب تاريخ 20 مارس 2019.
- ^ "LAW 12: FOULS AND MISCONDUCT". The FA. مأرشيڤي من لأصل ف 2023-06-06. تطّالع عليه ب تاريخ 28 أكتوبر 2014.
- ^ Mitrotasios, Michalis؛ Armatas, Vasilis (16 يناير 2014). "Analysis of Goal Scoring Patterns in the 2012 European Football Championship". The Sport Journal. United States Sports Academy. مأرشيڤي من لأصل ف 2023-03-30. تطّالع عليه ب تاريخ 28 أكتوبر 2014.
- ^ Singh, Amit (27 أكتوبر 2014). "Should referees take a tougher stance on penalty box holding at set-pieces?". Think Football. مأرشيڤي من لأصل ف 2016-06-29. تطّالع عليه ب تاريخ 28 أكتوبر 2014.
|
تقدر تزيد شوف بزاف د تّصاور و لمعلومات ديال لمينطاقة د پيلانتيات (كورة) ف ويكيميديا كومنز. |
.svg)
