تازونݣيت
تازونݣيت
| ||
| ||
| النوع | لوغة و لغة حية | |
| تخدام | ||
| اللي كبرو بيها | 200 (2018) | |
| كايتهضر بيها ف | موريطانيا و سينيڭال | |
| لوغة رسمية ف | المذرذرة | |
| أصلية ف | ولاية الترارزة | |
| لخصائيص | ||
| لكتبة | كتابة عربية و تيفيناغ | |
| لوضعية داللوغة | 8a كاتحتاضر | |
| لفاميلة داللوغات | ||
| لوغة د بنادم لوغات أفرو-أسيوية لوغات أمازيغية لوغات أمازيغية غربية | ||
| لكواض لي كايعرّفو اللوغة | ||
| إيزو 639-2 | zen | |
| إيزو 639-3 | zen | |
| ڭلوطولوڭ | zena1248 | |
| إيطنولوڭ | zen | |
| يونيسكو | 717 | |
| لوغات مهددة | 241 | |
تازونݣيت، التزونݣية[1] أولّا الزناݣة هي لوغة أمازيغية غربية على لحافة ديال لينقيراض كاينة فموريطانيا والسينيݣال وكايهضرو بيها غير شوية ديال الناس.
هاد اللوغة كايتهضر بيها كلوغة أم فلڤيلاج ديال لمدردرة فلجانوب لغربي ديال موريطانيا على الساحل ديال لمحيط لأطلسي وفالشمال ديال السينيݣال. هاد اللوغة كاتعتارف بيها لحوكومة ديال موريطانيا.[2] هاد اللوغة كاتشارك بزاف ديال لقواعيد داللوغة مع بزاف ديال لمتغيرات واللوغات لأمازيغية فلمغريب والدزاير، ولاكين كاينين شي خاصيات اللي مختالفين. فلحقيقة هاج اللوغة هي اللوغة لأمازيغية لوحيدة اللي بقات واللي هي متشعّبة بزاف، وعندها نطق مختالف على اللوغات لخرين ومتغيّرات ديال النطق مغايرين بحال حرف اللام /l/ اللي كايتنطق ديْ /dj/ وحرف لخا /x/ اللي كايولّي حرف لكاف /k/، زيادة على لهمزة /ʔ/ اللي كاينة بزاف وصعيب يتفسّر علاش هادشي.
"الزناݣة" جات من سمية قبيلة أمازيغية كبيرة (إزناݣن، صنهاجة). لكتاب ديال African Placenames (سميّات أفريقية) تاع أدريان روم كايعطي تفسير ديال سميات دشي بلايص فموريطانيا اللي جايين من تاضونݣيت.
تاضونݣيت هي لوغة كانو كايهضرو بيها تحالف ديال لقبايل دصنهاجة اللي كانو كايحكمو بزّاف من شمال إفريقيا فلبدية دلقرون لوسطى. الزناݣية كانت منتاشرة فموريطانيا ولاكين بدات كاتغبر فاش لقبايل ديال ولاد معقيل ولّات هي اللي حاكمة من مورا لحرب ديال شربوبة فلقرن 17. من مورا هاد لحرب، ولّاو صنهاجة ممنوعين باش يكون عندهوم سلاح ولّاو إما فقها ومتخصصين فالشريعة ديال لإسلام أولّا خدّامين عند قبايل خرين. الزناݣية نجات غير عند الناس اللي كان عندهوم وضع جتيماعي كبير.
ف1940 دار دوبيي (Dubié) إحصاء وݣال باللي 13 ألف ديال لبشري كانو كايهضرو بهاد اللوغة فربعة ديال لقبايل كاينة مابين سان لويس وپوضور فالسينيݣال، وبوتليميت ونواكشوط فلبلاد ديال موريطانيا (ولاكين ماشي فالداخل ديال هاد لمدون):[3]
- Tashumsha (تاشومشا، لخمسة): 4,653 من أصل 12,000.
- D-abu-djhes (د-أبو-ديَس، إد بولحسن): 5,000 من أصل 5,000.
- Gumdjedjen (ݣومْديَدْيَن، إكومليلْن)، اللي هي قبيلة متفرعة من إداو لحاج: 700 من أصل 4,600 اللي فإداو لحاج.
- Tendgha (تينْدْغا): 2,889 من أصل 8,500.
بحساب دوبيي، هاد لقبايل تخصصات فالشريعة ولفيقه وكانت عندها حياة ديال الترحال والكسيبة ديال لبݣر ولغنم (لقبايل اللي كانت كسايبية تحول لسانها للعربية).[4] وحتى فديك لوقت لهضرة دالناس ولّات بلحسانية اللي هي لمتغير دلعربية اللي كاين فموريتانيا، وكانو كايهضرو بيهوم بجوج. تاضونݣيت كانت كاتستعمل مابين الناس دلقبيلة، وكانو كايعتابروها قلة دالصواب إلا هضرو بيها معا ناس اللي ماكايفهموهاش، شي وحدين تعمّدو مايعلموهاش لولادهوم باش يعطيوهوم بدية نطيباعية بلحسانية. واخا هكاك كانو قبايل اللي حافضو على هاد اللوغة بحال رمز ديال ليستيقلال ديالهوم ولحماس اللي كانت عندهوم معا الدين، كانت ݣاع متلة بلحسانية كتبها دوبيي كاتݣول: "لمور اللي يهضر بالزناݣية ماهو لحمة ولا محارب"[5] (لحمة معناتها ولد قبيلة صنهاجية اللي حاكمينها لعرب دولاد حسان[5]).
من مورا نص ديال لقرن، ولّا لعدد دالناس اللي كايهضرو بالزناݣية شي 2000 واحد. ف2018 ولّا هاد لعدد 200 وغادي كايطيح.[6] واخا تاضونݣيت غادة فالطريق دلينقيراض، شي 10 فلمية من لكلمات اللي كاينة فلحسانية جاية من هاد اللوغة.[7]
كاينين ختيلافات باينين مابين اللهجات ديال تاضونݣيت، بزّاف مابين اللهجة ديال إد بولحسن وتاع تيدنغا.
- ^ Catherine Taine-Cheikh. Dictionnaire français–zénaga (berbère de Mauritanie) : Avec renvois au classement par racines du Dictionnaire zénaga–français. Rüdiger Köppe Verlag, 326 p., 2010, Berber Studies vol. 27, Harry Stroomer.
- ^ "Arab League 2016 summit puts spotlight on isolated Mauritania". english.alarabiya.net (ب نڭليزية). مأرشيڤي من لأصل ف 2019-12-11. تطّالع عليه ب تاريخ 2018-06-24.
- ^ (Zenaga names from Nicolas (1953:102.)
- ^ Paul Dubié (1940). L'îlot berbérophone de Mauritanie. IFAN; 2. ص. 319-320.
- ^ a b Paul Dubié (1940). L'îlot berbérophone de Mauritanie. IFAN; 2. ص. 320.
- ^ "الصفحة ديال اللوغة فإتنولوݣ". مأرشيڤي من لأصل ف 2023-03-09. تطّالع عليه ب تاريخ 2021-03-15.
- ^ "La "longue marche" de l'arabisation en mauritanie" (ب لفرانساوية). University of Nice Sophia Antipolis.