شينݣيكي نو كيوجين

من ويكيپيديا
شينݣيكي نو كيوجين
شينݣيكي نو كيوجين
معلومات عامة
لعنوان لأصلي 進撃の巨人
نوع د لمانڭا أنمي ومانغا مغامرات، فنتازيا مظلمة، post-apocalyptic anime and manga، أنمي ومانغا أكشن، أنمي ومانغا خيال، survival anime and manga و supernatural anime and manga
مانڭاكا هاجيمي إيساياما
لّوغة لأصلية جاپونية
تاريخ د لبدية 9 شتنبر 2009
تاريخ دلمسالية 9 أبريل 2021
لجوايز
لموقع الرسمي https://shingeki.net/

شينݣيكي نو كيوجين ؤلا لهجوم علا لعمالقة ؤلا لهجوم د لعمالقة ؤلا لعملاق لمهاجم ؤلا أطاك ؤن تايتن (ب جاپونية 進撃の巨人، ب نݣليزية Attack on Titan) هوّا مانݣا جاپوني مألفو لمانݣاكا هاجيمي إيساياما. لقصة كتطرا ف عالم كتعيش فيه لبشرية ف مدون مضورة عليها تلاتة د سوار عراض ؤ عاليين، باش تحمي راسها من وحوش كبار كياكلو بنادم سميتهوم لعمالقة (ب جاپونية 巨人 كيوجين). شّخصيات رئيسية ف لقصة هوما إيرين ييݣر، ؤ صحابو أرمين أرلرت ؤ ميكاسا أكرمان. إيرين ؤ صحابو بغاو يحررو لبشرية لّي عايشة وسط سّوار من لحݣرة ديال لعمالقة.[1]

شينݣيكي تنشر ف مجلة سميتها بيساتسو شونن تابعة ل شركة كودانشا من شتنبر 2009 تال أبريل 2021، ؤ تجمعو شاپيترات ديالو ف 34 كتيّب.

ف 2013، ستوديو ويت حول هاد لمانݣا ل سيرية د أنيمي ب نفس سّمية،[2] ؤ خرجو منو 3 د سيزونات، حتال 2019. موراها ستوديو ماپا بدا ينتج سيزون 4، لّي بدا طّرف لّول منها ف دجنبر 2020 حتال مارس 2021،[3] ؤ بدا كيخرج طّرف تّاني ديالها ف 9 يناير 2022. لپارتية اللولة ديال الطرف التالت د السيزون الرابعة خرجات على شكل حلقة طويلة د ساعة ف مارس 2023.[4]

شينݣيكي واخد بزاف د لإلهام من تّاريخ، سيرتو لحرب لعالمية تّانية، ؤ كاين تماتل كبير مابين لقصة ديال لإلديين ف شينݣيكي ؤ ديال ليهود ف لقرن لعشرين، ؤ شخصيات بحال إرڤين سميث ؤ دوت بيكسيس لّي مستلهمين من شخصيات تاريخية حقيقية. هادشي خلّا بزاف د نّاس ياخدو مواقف مختالفة من سّيرية، فا كاين لّي كيعتاقدو بلي عندها عمق فكري ؤ كتحاول تعالج قضايا معاصرة بحال لعنصرية ؤ لحرية د بنادم، مقابل ناس خرين كيتّاهمو إيساياما بلي كيدعي ل لعنصرية ؤ ل أفكار يمينية متطرفة. هاد تّيهامات وصلات شي مرات ل حد تّهديد ب لقتل.[5]

شينڭيكي كيتّعتابر من أنجح لمانڭات ف التاريخ، حيت تباعو منو كتر من 110 مليون نسخة ف لعالم كامل، ل حد شتنبر 2022[6] ؤ ربح بزاف د لجوايز، منهوم جايزة كوضانشا د لمانڭا، جايزة أتيليو ميشيلودزي، و جايزة هارڤي.

سينوپسيس د لقصة[بدل | بدل لكود]

Exclam iconD.svg عنداك سپويلر!. عنداك... هاد لفقرة يمكن تديرليك سپويلر و تحرقليك لقصّة.

لْكونطيكست[بدل | بدل لكود]

لقصة د شينݣيكي نو كيوجين كتركز علا واحد لحضارة بشرية مضورة علا راسها 3 د سوار واحد وسط لاخور عندهم شكل ضاير فيهم 50 ميترو د لعلو، ؤ عراض بزاف، بحيت كيقدر عدد كبير د نّاس يتمشاو فوق منهوم. هاد لحضارة هيّا آخر بلاصة فين بقاو لبشر، حيت نقارضو من لعالم كامل ب سباب واحد لكائنات عملاقة كتشبه ل بنادم، ولاكين علا ماكيبان ماعندهاش وعي ؤلا دكاء، كيتسماو كيوجين (نقدرو نطرجموها ل عملاق، عمالقة) ؤ كاتاكل لبشر. باش يتحاربو ضد هاد لعمالقة، لبشر عندهم جيش كيستعمل دوزان عمودي د لمناورة، لّي هوّا دوزان كيركبو بنادم بحال شي لبسة، ؤ فيه طراف ميكانيكيين ؤ محرك د لݣاز كيخليوه يتحرك ف لتيجاهات كاملين (عمودي ؤلا أفقي)، من بعد مايدّرّب عليه مزيان.

ملخص[بدل | بدل لكود]

لخريطة د لعالم ف شينڭيكي نو كيوجين

لقصه كدّور علا واحد لولد سميتو إيرين ييݣر عايش ف مدينة سميتها شيݣانشينا كاينة علا لحافة د سّور لبراني لّي كيتسما سور ماريا. مية عام قبل ما تبدا لقصة، كانت لبشرية قربات تنقارض ملي بانو لعمالقة، لّي ف لبدية حتا حد ماعارف عليهم شي حاجة تقريبا والا حتا منين ؤ كيفاش بانو. هاد لعمالقة يلا شافو بنادم كيهجمو عليه باش ياكلوه. نّاس لّي نجاو تخباو وسط تلاتة د سّوار ضايرين علا مساحة د لأرض كبيرة بزاف، هوما من لبراني حتال دّخلاني سور ماريا، سور روزا ؤ سور سينا. ب لحماية ديال هاد سّوار، لبشر دوزو تقريبا 100 عام ديال سّلام، بلا مايقدرو يهجمو عليهم لعمالقة؛ ف عام 845، بان ل أول مرة عملاق فايت طّول ديالو 50 ميترو، لّي غادي يدمر لبوابة لبرانية د شيݣانشينا، ؤ غادي يخلي لعمالقة لوخرين يدخلو ل مدينة. ف خلال هاد لمجزرة، إيرين، لّي ديك سّاعة ف عمرو 10 سنين، غادي يشوف مّو كتّقتل ب شكل بشيع بزاف، ؤ غادي يحلف أنه يقتل لعمالقة كاملين. باش يحقق هاد لهدف غادي يلتاحق ب لجيش هوّا ؤ صحابو أرمين أرلرت ؤ ميكاسا أكرمان.

ف أول معركة مورا ما تخرّج، إيرين كيكتاشف أن عندو لقدرة باش يتحول ل عملاق ؤ يحارب لعمالقة لوخرين. هاد لقدرة غادي تجبد لنتيباه ديال لفرقة د لجيش ديال لمستكشفين، لّي لهدف ديالهم هوّا يستكشفو لأراضي برا سّوار، حيت بغاو باش إيرين يعاونهم يردّو سور ماريا، لّي ديجا سيطرو عليه لعمالقة. معا مرور لوقت، إيرين ؤ صحابو غادي يدّابزو معا لعمالقة ف بزاف ديال لمناسبات ؤ غادي يتعلمو بزاف د لحوايج عليهم، ؤ علا لأسرار ديال لعالم لّي كيعيشو فيه.

غادي يكتاشفو من بعد أن لبشرية مانقارضاتش كيفما كان كيحساب ليهم، ؤ أن لحضارة ديالهم كاينة فوق واحد لجزيرة كاتسما پاراديس. لبشر ديال پاراديس كينتمايو ل عرق كيتسما لإلديين، لّي هوّا لعرق لبشري لوحيد لّي لأفراد ديالو عندهم لقدرة باش يتحولو ل عمالقة، ؤ ل هاد سباب كيخافو منهم ؤ كيكرهوهم لبشر ف لعالم كامل تقريبا، خصوصا ف واحد دّولة سميتها مارلي. لمارليين كيعدبو ؤ كيستاغلو لإلديين، من صغرهم، ب طرق شينة بزاف، ؤ كيستعملوهم باش يحاربو بيهم دّول لوخرين.

لحرب غادي تنوض ما بين مارلي ؤ پاراديس، فاش إيرين غادي يهجم علا لمستوطنة د ليبيريو فين كيعيشو لإلديين د مارلي، ؤ غادي يجر معاه لفرقة د لمستكشفين لّي ماقدروش يخليوه بوحدو، وخا كانو كيفضلو طرقان ديپلوماسية. من مورا بزاف د لأحدات، إيرين غادي يستعمل لقدرة ديال لعملاق لفونداتور لّي عندو، باش يطلق لعمالقة لّي كانو ناعسين هادي كتر من 100 عام، ؤ يدمر لبشرية كاملة من غير نّاس د پاراديس. صحابو لّي رفضو لفيكرة ديال لإبادة لجماعية، غادي يولّيو ضدو، ؤ غادي يديرو كولشي باش يحبسوه، ؤ غادي تسالا لقصة فاش ميكاسا، لحبيبة ديال إيرين، غادي تقتلو، مي حتا كان ديجا قتل 80% ديال لبشرية فوق لأرض. 20% ديال لبشر لّي بقاو ؤ ماتبادوش، غادي يبداو يوجدو باش يحاربو پاراديس، ؤلا لإمبراطورية لإلدية جّديدة كيفما ولّات كاتسما.

بعد واحد لوقت مامحددش، الشجرة لي تّدفن حداها الراس د إرين كبرات بزاف و ولات كاتشبه ل الشجرة لأصلية لي منها جاو لعمالقة. لمشهد اللخر ف لمانڭا كابيّن واحد لولد و لكلب ديالو كيقرّبو من الشجرة، شّي لي يقدر يوحي بلي لعمالقة غادي يعاودو يرجعو.

شّخصيّات رئيسية[بدل | بدل لكود]

لارتيكل رّئيسي شخصيات ديال شينݣيكي نو كيوجين

لمانݣا ديال شينݣيكي نو كيوجين فيه عدد كبير ديال شّخصيات لّي ختارعها هاجيمي إيساياما. أغلبية ديال هاد شّخصيات عندها سميات ؤروپية، سيرتو ألمانية.

  • إيرين ييݣر エレン・イェーガー Eren Jäger: شّخصية رّئيسية ديال لقصة، لّي كتبدا ملي كان ف عمرو 10 سنين، ؤ كتسالا فاش ولّا عندو 19 عام. إيرين شاف مّو كتقتل بشكل وحشي من طرف لعمالقة فاش كان صغير، ؤ ولّا دّافع ديالو هوّا يقتل لعمالقة كاملين. من بعد ما تخرج من لأكاديمية لعسكرية، غادي يشارك ف لمعركة ديال تروست، لّي غادي يكتاشف فيها أن عندو لقدرة باش يتحول ل عملاق فيه 15 ميترو.
  • ميكاسا أكرمان ミカサ・アッカーマン Mikasa Ackerman: صاحبة إيرين من صغرو ؤ تربات معاه حيت واليديها كانو ماتو. ميكاسا كانت تخطفات فاش كانت صغيرة من طرف شي مجرمين كيديرو طرافيك د بنادم، ؤ ملي نقدها إيرين ولّات كتبغيه، وخا ف لبدية ماكانتش كتعتارف بيها. ميكاسا كتمشي معا إيرين ل لأكاديمية د لعسكر، ؤ كتطلع هيّا لّولة ف لپروموسيو ديالهم. دّافع رئيسي ديالها هوّا تحمي إيرين ؤ تكون معاه، مي معا مرور لقصة كيبان أنه عندها ناس خرين حتا هوما عزازين عليها، بحال أرمين ؤ ساشا.
  • أرمين أرلرت アルミン・アルレルト Armin Arlert: صاحب إيرين من صغرو، ؤ كان هوّا صّديق لوحيد ديالو قبل ماتزاد عليهم ميكاسا. واليديه تقتلو من طرف لبوليس لعسكري حيت حاولو يطيرو ب منطاد، ضد لقوانين ديال لحكومة لملكية. من لبدية كيبان كا ولد ݣليوّل ف لكسدة ديالو، مي دكي بزاف ؤ عندو فضول معرفي كبير. حتا هوّا كينضم ل لأكاديمية لعسكرية، ؤ وخا دازت عليه، سيرتو ف تّمارين لجسدية، من بعد ما تخرجو كيبان دّكاء لستراتيجي ديالو، سيرتو ف لمعركة ديال تروست، ؤ من بعد فاش كينضمو ل لفرقة د لمستكشفين. دّافع رئيسي ديالو هوّا يرضي لفضول لمعرفي ديالو ؤ يسكشف لعالم خارج سّور د ماريا، بتداء من لبحر لّي كان شافو غير ف لكتوبا.
  • راينر براون ライナー・ブラウン Reiner Braun: صاحب إيرين، كيتلاقا معاه أول مرة ف لأكاديمية د لعسكر، ؤ كيبان كا شخص قوي ؤ مساعف معا رّفاق ديالو ف لأكاديمية. من بعد كيكتاشفو إيرين ؤ لوخرين أن راينر ؤ صاحبو بيرطولد هوما لعملاق مول دّرع ؤ لعملاق لمݣضر، لّي دمرو سور ماريا ؤ تسببو ف لموت ديال مّو ؤ ديال لآلاف د نّاس ف شيݣانشينا. راينر عندو قصة مأساوية، حيت بّاه، لّي أصلو مارلي مابغاش يعتارف بيه، وخا راينر دار لمجهود ديالو كلو باش يولي محارب ؤ ياخد واحد من لعمالقة سّبعة ديال مارلي. بزاف د لأحدات من بعد دارو ليه صدمة نفسية كبيرة ؤ نفيصام ف شّخصية، حيت مابقاش عارف معا إينا جيهة خاصّو يتقاتل.
  • ݣريشا ييݣر グリシャ・イェーガー Grischa Jäger: بّات إيرين. خدّام طبيب، ؤ عندو شهرة ؤ مكانة كبيرة حيت نقد لمدينة واحد نّهار من وباء. من لحلقة لّولة كيبان أن عندو سر كبير، ؤ لكتيشاف ديال هاد سّر كيكون لهدف رئيسي ديال إيرين ؤ ديال لفرقة د لمستكشفين ف طرف كبير ديال سّيرية. دّافع ديال ݣريشا هوّا أن لإلديين يرجعو ل لمجد لقديم ديالهم ؤ يبنيو إمبراطورية إلدية جديدة.

لإنتاج ديالو[بدل | بدل لكود]

سّوار تّلاتة ؤ لمناطق ب سميّاتهم

ف 2006، هاجيمي إيساياما قاد وانشوط فيه 65 پاج ديال شينݣيكي نو كيوجين.[7] ف لبدية سيفطو ل لمجلة لمشهورة ويكلي شونن دجامپ (لّي نشرات مانݣات مشهورين بحال ناروتو ؤ ديث نوط)، مي فاش ݣالو ليه باش يبدّل سّتيل ؤ يدير شي تعديلات، رفض ؤ مشا ل مجلة ويكلي شونن ماݣازين، لّي ولّات بيساتسو شونن ؤ لّي بدات كتنشر لمانݣا ف شتنبر 2009.[7]

قبل ما يبدا نّشر ديال لمانݣا ف 2009، كان إيساياما ديجا فكّر ف شحال من لفة ف لقصة ديالو، مي غادي يقادهم مزيان معا لوقت ؤ تّطور ديال لقصة د شينݣيكي. إيساياما بازا لمشاهد ديال لمانݣا ف لّول علا مدينتو لأصلية هيتا ف جّاپون.[8] ولاكين ف سّيرية ب راسها، سيرتو من نّاحية ديال شّكل د لمدون لمضورة ؤ سّتيل د لبني، عتامد علا سّتيل لألماني، خصوصا مدينة نوردلينݣن ف باڤاريا.[9]

شي مرة كان إيساياما خدام ف سيبير ؤ جا واحد لكليان شنق عليه. هاد لحادت خلاه يعرف لإحساس ديال لخوف فاش كيتواجه بنادم معا شي حد مايقدرش يكومينيكي معاه، ؤ هادا هوّا لإحساس لّي كيحاول إيساياما يدوزو عن طريق لعمالقة.[10] باش يقاد شّكل ديال لعمالقة دّكيّين، إيساياما عتامد علا شّكل ديال فنّانين د لمقاتلة بحال يوشين أوكامي ب نّسبة ل لعملاق ديال إيرين ييݣر،[11] ؤ بروك ليسنار ب نّسبة ل لعملاق مول دّرع.[12]

لمنتج ديال لأنيمي جورج وادا عتابر أن طّيم ديال لحيط د لخوف ف سّيرية جاي من لنغيلاقية ؤ لنعيزالية ديال تّقافة جّاپونية.[13] من بعد إيساياما غادي يأكد أن لقصة ديالو خدات طرف من لإلهام من رواية تصويرية جاپونية سميتها موڤ لوڤ ألتيرناتيڤ لّي هيّا لكتاب تّاني ف سلسلة د موڤ لوڤ.[14]

إيساياما قدّر لوقت لّي كيخصّو باش يقاد شاپيتر د لمانݣا كولا شهر ل سيمانة باش يقاد تّفاصيل د لقصة، ؤ تلاتة د سّيمانات باش يرسم شاپيتر ب لهضرة لّي فيه ؤ كولشي. لقصة كانت مبلانية ديجا ل حدود إينا كتيّب غادي توقع فيه شي لفّة ؤلا يتّفرش شي سر.[11] ف شتنبر 2013، إيساياما كان علن أن لمانݣا غادي يتسالا معا لكتيّب 20.[15] ف لبدية كان باغي يدير نهاية طراجيدية بحال ف لفيلم ذ ميست ديال ستيفن كينݣ، لّي كولشي شّخصيات فيه كيموتو، مي ملي لاقات سّيرية د شينݣيكي نجاح كبير، قرر يبدل نّهاية، ب عتيبار تأتير ديالها علا لفانز.[16]

طّرجمة ؤ نّشر ب لوغات خرين[بدل | بدل لكود]

ف فرانسا شينݣيكي نو كيوجين منشور ب سمية L'Attaque des Titans من طرف پيكا إيديسيون.[1][17] ؤ نشرات لكتيّب لّول ب لفرانساوية ف 26 يونيو 2013.[18] ف أمريكا شّمالية، لمانݣا كيتنشر ب نّݣليزية من طرف كودانشا يو إس إي، لّي هيّا لفرع لميريكاني ديال كودانشا. أول ترجمة ب نّݣليزية تنشرات ف 19 يونيو 2012.[19]

لإصدارات[بدل | بدل لكود]

لمانݣا[بدل | بدل لكود]

لمانݣا د شينݣيكي نو كيوجين مكتوب ؤ مرسوم من طرف هاجيمي إيساياما. نّشر ديالو بدا معا أول نمرة د مجلة بيساتسو شونن لّي تابعة ل شركة كودانشا، ف 9 شتنبر 2009.[20] ؤ تسالا معا شاپيتر 139 ف 9 أبريل 2021.[3] ف 8 نونبر 2020، تّعلن أن لمانݣا غادي تّنشر منو نسخة ملونة ب شكل كامل.[21] شاپيترات ديال شينݣيكي جمعاتهم كودانشا ف كتيّبات كيتسماو طانكوبون. أول واحد صدر ف 17 مارس 2010،[22] ؤ طّانكوبون نمرة 34، لخراني، صدر ب جّاپونية ف 9 يونيو ؤ غادي يصدر ب نّݣليزية ف 19 أكتوبر 2021.[3] ف 17 أبريل 2021، إيساياما كان علن بلي طّانكوبون 34 غادي يكونو فيه پاجات زايدين ماكانوش ف شاپيطرات 135 تال 139.[23]

سپينوف[بدل | بدل لكود]

روايات[بدل | بدل لكود]

لانيمي[بدل | بدل لكود]

لّوݣو ديال لأنيمي د شينݣيكي نو كيوجين

لارتيكل رّئيسي شينݣيكي نو كيوجين

كاينة سيرية د أنيمي مبازية علا لمانݣا، باقة كتخرج ف جّاپون ؤ كتشاف ف بزاف د دّول ف لعالم كامل، عدد لحلقات لّي خرج منها ل حد سّاعة 88 حلقة. سّيزون لّولة نتجاتها ستوديو ويت ؤ بانت من 7 أبريل حتال 29 شتنبر 2013، ف لقنوات د تّلفازة ديال ماينيتشي برودكاستينݣ سيستم.[32] عدد لحلقات ف سّيزون لّولة كان 25 حلقة. سّيزون تّانية نتجها نفس سّتوديو، ؤ خرجاتها ل تّلفازة نفس شّركة ما بين 1 أبريل ؤ 17 يونيو 2017، ف 12 حلقة. ؤ موراها سّيزون تّالتة بانت ف إين إيتش كي جينيرال تيڤي ما بين 23 يوليوز 2018 ؤ 1 يوليوز 2019، علا جوج فترات، ف 22 حلقة ف لمجموع.[33][34] سّيزون رّابعة هيّا لّخرانية ؤ بدات ف لإنتاج ديالها ستوديو ماپا من 2020. ستوديو ويت رفضات باش تكمل لپروجي حيت ماوالمش لبرنامج د لخدمة ديالهم.[35] لپارتية لّولة ديال سّيزون ربعة بانت ف تّلفازة ف جّاپون ؤ ف سيتات بحال كرانشيرول ؤ واكانيم من 7 دجنبر 2020 حتال 29 مارس 2021.[36] لپارتية تّانية، لّي لعدد د لحلقات ديالها باقي مامعروفش، بدات كاتخرج ف موسم د شتا 2022،[37] ؤ ب تّحديد من 9 يناير 2022.[38]

ب لإضافة ل هادشي حتا بعض لأعمال سپينوف ؤلا روايات ب نفس شّخصيات تحولات ل أنيمي علا شكل أوڤا، بحال رواية بلا ندمان،[39] ؤلا شينݣيكي نو كيوجين: بنات ضايعات.[40]

لّوعاب د تّيليجو[بدل | بدل لكود]

أرتيكل رئيسي: لوعاب د تيليجو مبازية علا شينݣيكي نو كيوجين

نيتروپلاس ؤ پروداكشن آي دجي تعاونو ف 2013 باش يقادّو ربعة د لّوعاب د تّيليجو. نيتروپلاس وضّْحات بلي شّركة براسها ماكانتش داخلة ف لپروجي ديال هاد لّوعاب د لبلوري، مي لموضّافين ديالها عاونو فيه. هاد لّوعاب مديورة علا شكل روايات تصويرية مبازية علا قيصاص سپينوف بحال ضايعة ف عالام ماكيرحمش، ؤلا بلا ندمان، ؤ دّارو ف نّوساخ لّولين ديال طّرف تّالت ؤ سّات ديال لبلوريي د لأنيمي. إيساياما كان مشرف علا تّطوير ديال هاد لّوعاب.[41][42]

بزاف د لّوعاب خرين مبازيين علا شينݣيكي تم تّطوير ديالهم حتال دابا.

لأفلام[بدل | بدل لكود]

أرتيكل رئيسي: أفلام مبازية علا شينݣيكي نو كيوجين

ف 2015، صدر فيلم جاپوني ب عنوان شينݣيكي نو كيوجين: نهاية د لعالام من جوج پارتيّات. لپارتية لّولة خرجات ف سّينيما ف 1 غشت 2015، ؤ تّانية ف 19 شتنبر من نفس لعام.[43] ف 29 أكتوبر 2018، تّعلن بلي شّركة لميريكانية وارنر بروز د لماصميديا ؤ صّناعة د لمتعة سنات كونطرا معا كودانشا باش وارنر بروز تنتج فيلم مبازي علا شينݣيكي نو كيوجين. لمدير ديال هاد لفيلم غادي يكون هوّا آندي موسكييتي لّي كان مدير د لفيلم إيت.[44]

إصدارات خرين[بدل | بدل لكود]

من بين لإصدارات لخاصة لّي متعلقة ب شينݣيكي كاين جوج ديال لݣايدبوكات فيهم تصاور ؤ پروفيلات ديال شّخصيات ؤ حوارات، صدرو ف 9 أبريل ؤ 9 شتنبر 2013.[45]

ف 18 أكتوبر 2016 صدرات حجاية مصورة ميريكانية كتمتل كروصوڤر ما بين لعالام ديال شينݣيكي ؤ ديال مارڤل كوميكس، ب عنوان أطاك ؤن تايتن: أنطولوجيا، بانو فيها متلا لعمالقة كيتحاربو معا شّخصيات ديال مارڤل بحال سپايدرمان، بلاك ويدوو، ؤ آيرونمان.[46][47]

لحجم د لمبيعات[بدل | بدل لكود]

شينݣيكي نو كيوجين من أكتر لمانݣات لّي تباعو ف تّاريخ ب كتر من 100 مليون نسخة ل حد سّاعة، ؤ هادا إنجاز كبير يلا عتابرنا بلي هوّا مانݣا شهري، مقابل مانݣات بحال وان پيس لّي كيخرجو كلا سيمانة، ؤ ماطوّلش بزاف بحالهم (12 عام مقابل 25 عام ب نّسبة ل وان پيس لّي باقي ماتسالاش).[6]

ف سّيمانة رّابعة د يناير 2021، طّانكوبون 33 تكلاصا نمرة واحد ف لمبيعات د لمانݣات ف جّاپون.[48]

تأتير لإعلامي[بدل | بدل لكود]

عمل فني ديال لعمالقة مصايب من تّلج، ف لمهرجان ديال تّلج ف ساپورو ف جاپون

نتيقادات[بدل | بدل لكود]

سّتيل د رّسيم[بدل | بدل لكود]

بزاف د نّقاد ف لبدية عتابرو أن سّتيل ديال إيساياما ف رّسيم عيّان، ؤ حتا إيساياما تقبّل نّقد ؤ عتارف بلي رّسيم ديالو ماشي حتيرافي. مي نفس هاد نّقاد من بعد عوام ما بدات سّيرية ݣالو بلي سّتيل بدا كيتطور، ؤ واحد نّاقد طوموفوسا كوري زاد بلي سّتيل د إيساياما كيعطي واحد طّابع ديال لغموض لّي ماغاديش يكون كون تقاد بشكل واقعي.[49]

نّهاية د شينݣيكي نو كيوجين[بدل | بدل لكود]

Exclam iconD.svg عنداك سپويلر!. عنداك... هاد لفقرة يمكن تديرليك سپويلر و تحرقليك لقصّة.

نّهاية د شينݣيكي ف شاپيطر 139 خلقات نفيصام ما بين لفانز، من ناس عتابروها أعر نهاية ممكنة، ل وحدين خرين عتابروها نهاية مصروعة مزيان ؤ مناسبة ل سّيرية. نّاس لّي ماعجباتهومش نّهاية، عتابرو بلي إيساياما زرب ف شي بلانات لّي جاو بحال يلا تزادو بسّيف حتال آخر لحضة، ؤ ماشرحش مزيان بلانات خرين لّي كانو طرف موهيم ف لقصة ؤ بقاو معلقين بلا تفسير باين. شي فانز وصلو ل درجة كيطالبو ف عارضة أن إيساياما يعاود يقاد شّاپيطر.[50] ف 17 أبريل 2021، إيساياما علن بلي طّانكوبون 34 غادي يكونو فيه پاجات زايدين ماكانوش ف شاپيطرات 135 تال 139.[23]

تّيهامات ب لعنصرية[بدل | بدل لكود]

لجينيرال يوشيفورو أكيياما لي منّو تّستلهمات شّخصية ديال ضوت پيكسيس

شينݣيكي واخد بزاف د لإلهام من تّاريخ، سيرتو لحرب لعالمية تّانية، ؤ كاين تماتل كبير مابين لقصة ديال لإلديين ف شينݣيكي ؤ ديال ليهود ف لقرن لعشرين، ؤ شخصيات بحال إرڤين سميث ؤ دوت بيكسيس لّي مستلهمين من شخصيات تاريخية حقيقية، هوما عل تّوالي إرڤين رومل لّي كان جينيرال نازي، ؤ يوشيفورو أكيياما لّي كان جينيرال ف لْجيش لْإمبراطوري جّاپوني. هادشي خلّا بزاف د نّاس ياخدو مواقف مختالفة من سّيرية، فا كاين لّي كيعتاقدو بلي عندها عمق فكري ؤ كتحاول تعالج قضايا معاصرة بحال لعنصرية ؤ لحرية د بنادم، مقابل ناس خرين كيتّاهمو إيساياما بلي كيدعي ل لعنصرية ؤ ل أفكار يمينية متطرفة. هاد تّيهامات وصلات شي مرات ل حد تّهديد ب لقتل.[5]

لجوايز[بدل | بدل لكود]

شينݣيكي نو كيوجين ربح لجايزة د كودانشا ديال لمانݣا ف لكاطيݣوري ديال شّونن ف 2011.[51] ؤ ربح ؤ ترشح ل جوايز خرين كتار ف جّاپون ؤ علا برّا.

لعام لجايزة (ن. = نسخة) لكاطيݣوري نّتيجة عيون
2011 جايزة د كودانشا ديال لمانݣا ن. 35 أحسن مانݣا شونن ربح [52]
جايزة مانݣا طايشو ن. 4 أحسن مانݣا ترشح [53]
2012 لجايزة تّقافية ديال تيزوكا ؤسامو ن. 16 لجايزة لكبيرة ترشح [54]
2013 ݣران پري د لأنيمي ؤ لمانݣا ن. 20 أكبر أمل ربح [55]
صالون ديل مانݣا دي بارصلونة ن. 19 أحسن مانݣا شونن ربح [56]
جايزة د لكوميكس ديال بروز ن. 6 لجايزة لكبيرة (ب أنيمي) ربح [57][58]
2014 لجايزة تّقافية ديال تيزوكا ؤسامو ن. 18 لجايزة لكبيرة ترشح [59]
ݣران پري د لأنيمي ؤ لمانݣا ن. 21 أحسن مانݣا ربح [60]
جوايز د لإيبوك لجايزة لكبيرة ربح [61]
حجاية مصورة ربح
جايزة أتيليو ماكيلوزي ن. 17 أحسن سيرية أجنبية ربح [62]
جايزة إيݣل د لحجاية لمصورة أكتر مانݣا محبوب ربح [63]
جايزة هارڤي ن. 27 أحسن نسخة ميريكانية من أصل أجنبي ربح [64]
جايزة پوتشي أحسن مانݣا عالمي ربح [65]
صالون ديل مانݣا دي بارصلونة ن. 20 أحسن مانݣا شونن ربح [66]
جايزة د مجلة نيو أحسن مانݣا ربح [67][68]
2015 جايزة سوݣوي جاپون ن. 1 أحسن سيرية د مانݣا ربح [69]
جوايز د مجلة أنيمانيا ن. 11 أحسن مانݣا عالمي ربح [70]
جوايز د تخيار ديال ݣودريدز أحسن حجاية مصورة ؤ رواية تصويرية لمرتبة تّالتة [71]
2021 صالون ديل مانݣا دي بارصلونة ن. 27 أحسن مانݣا شونن ترشح [72]
2022 جايزة بابيليو د لقاريين أحسن سيرية د مانݣا [73]
جايزة سييون ن. 53 أحسن كوميكس [74]

عيون لكلام[بدل | بدل لكود]

  1. ^ a b "Les adieux de L'Attaque des Titans, manga au succès colossal, annoncés pour avril 2021" (ب لفرانساوية). 8 يناير 2021.
  2. ^ "إعلان د كودانشا ف يوليوز 2013" (ب نݣليزية).CS1 maint: unrecognized language (link)
  3. ^ a b c "Attack on Titan Manga Ends on April 9 After 11 Years" (ب نݣليزية). 4 يناير 2021.CS1 maint: unrecognized language (link)
  4. ^ "'Attack on Titan' Season 4 Part 3 Sets Release Date". 17 يناير 2023.
  5. ^ a b "A Thousand Death Threats Against a Popular Anime Creator" (ب نݣليزية). 7 يناير 2013.CS1 maint: unrecognized language (link)
  6. ^ a b "أطاك ؤن تايتن كيحتافل ب لمبيعات ديال 100 مليون نسخة" (ب نݣليزية).CS1 maint: unrecognized language (link)
  7. ^ a b "1st Attack on Titan Blu-ray-DVD to Bundle Manga Prototype" (ب نݣليزية).CS1 maint: unrecognized language (link)
  8. ^ "Attack on Titan Creator Named Tourism Ambassador of Hometown" (ب نݣليزية).CS1 maint: unrecognized language (link)
  9. ^ "Educational Show Visits "Attack on Titan" Town". نونبر 2013.
  10. ^ "'Attack on Titan' author expresses fears through popular boys' manga" (ب نݣليزية).CS1 maint: unrecognized language (link)
  11. ^ a b "أنترڤيو معا إيساياما ف يونيو 2012" (ب نݣليزية). 14 يونيو 2012.CS1 maint: unrecognized language (link)
  12. ^ "لإلهام د شّكل ديال لعملاق مول دّرع" (ب جاپونية).CS1 maint: unrecognized language (link)
  13. ^ "أنترڤيو معا جورج وادا" (ب نݣليزية). 23 يوليوز 2013.CS1 maint: unrecognized language (link)
  14. ^ "Hajime Isayama... : playing Muv Luv Alternative is what inspired him to make Attack on Titan" (ب نݣليزية).CS1 maint: unrecognized language (link)
  15. ^ "Attack on Titan Creator Aims to End Manga in 20 Volumes" (ب نݣليزية). 25 شتنبر 2013.CS1 maint: unrecognized language (link)
  16. ^ "Attack on Titan Creator Considers Changing Ending" (ب نݣليزية). 7 دجنبر 2013.CS1 maint: unrecognized language (link)
  17. ^ "L'Attaque des Titans". پيكا إيديسيون (ب لفرانساوية).
  18. ^ "L'Attaque des Titans tome 1, Pika Éditions" (ب لفرانساوية).
  19. ^ "Attack on Titan 1 By HAJIME ISAYAMA" (ب نڭليزية).
  20. ^ "本日創刊, 別冊少年マガジン [أول إصدار ديال بيساتسو شونن ماݣازين]" (ب جاپونية). 9 شتنبر 2009.CS1 maint: unrecognized language (link)
  21. ^ "Attack on Titan Manga Gets Full-Color Serialization" (ب نݣليزية). 8 نونبر 2020.CS1 maint: unrecognized language (link)
  22. ^ "進撃の巨人（１）, 著：諫山　創, 発売日：2010年03月17日" (ب جاپونية).CS1 maint: unrecognized language (link)
  23. ^ a b "Attack on Titan's Final Manga Volume to Include New Story Pages" (ب نݣليزية). 17 أبريل 2021.CS1 maint: unrecognized language (link)
  24. ^ "Attack on Titan Manga Inspires Comedy Spinoff Manga". 13 أبريل 2012.
  25. ^ "Daphne in the Brilliant Blue's Shiki Penning Attack on Titan Spinoff Manga (Updated)" (ب نݣليزية). 20 غشت 2013.CS1 maint: unrecognized language (link)
  26. ^ "Attack on Titan Spinoff Manga to Run in Aria Shōjo Magazine" (ب نݣليزية). 27 غشت 2013.CS1 maint: unrecognized language (link)
  27. ^ "Kodansha Launches Free App With Attack on Titan, Knight in the Area Manga Spinoffs" (ب نݣليزية). 3 دجنبر 2013.CS1 maint: unrecognized language (link)
  28. ^ "Attack on Titan: Lost Girls Novel Gets Manga Adaptation" (ب نݣليزية). 8 يوليوز 2015.CS1 maint: unrecognized language (link)
  29. ^ "Vertical Adds Attack on Titan: Before the Fall Light Novel Series" (ب نݣليزية). 11 أكتوبر 2013.CS1 maint: unrecognized language (link)
  30. ^ "Vertical Adds Attack on Titan: Lost Girls Novel, Nichijō, FukuFuku: Kitten Tales Manga" (ب نݣليزية). 3 يوليوز 2015.CS1 maint: unrecognized language (link)
  31. ^ "Garrison Girl AN ATTACK ON TITAN NOVEL By RACHEL AARON" (ب نݣليزية).CS1 maint: unrecognized language (link)
  32. ^ "「進撃の巨人」製作委員会" (ب جاپونية).CS1 maint: unrecognized language (link)
  33. ^ "進撃の巨人 Season2" (ب جاپونية).CS1 maint: unrecognized language (link)
  34. ^ "進撃の巨人 Season3" (ب جاپونية).CS1 maint: unrecognized language (link)
  35. ^ "Attack on Titan Director Reveals What is the Difference Between Studios" (ب نݣليزية). 7 دجنبر 2020.CS1 maint: unrecognized language (link)
  36. ^ "Attack On Titan Season 4 release date confirmed for December 2020 by NHK, FUNimation" (ب نݣليزية). 23 شتنبر 2020.CS1 maint: unrecognized language (link)
  37. ^ "Attack on Titan Final Season Anime Continues with Episode 76" (ب نݣليزية). 28 مارس 2021.CS1 maint: unrecognized language (link)
  38. ^ "Attack on Titan Season 4, Part 2 Release Date, Plot, Cast, Trailer & Everything You Need to Know". 2022. The official release date for Attack on Titan: The Final Season, Part 2 is Sunday, January 9, 2022.
  39. ^ "Attack on Titan: No Regrets Spinoff Gets Anime DVDs" (ب نݣليزية). 5 غشت 2014.CS1 maint: unrecognized language (link)
  40. ^ "OAD To Adapt "Attack on Titan - Lost Girls"" (ب نݣليزية). 7 غشت 2017.CS1 maint: unrecognized language (link)
  41. ^ "Attack On Titan Games Coming From Steins;Gate Developer Nitroplus" (ب نݣليزية). 19 ماي 2013.CS1 maint: unrecognized language (link)
  42. ^ "Nitro+: Not Involved in Blu-ray Visual Novels, But Our Staffers Are" (ب نݣليزية). 21 ماي 2013.CS1 maint: unrecognized language (link)
  43. ^ "Live-Action Attack on Titan Confirmed for 2 Films" (ب نݣليزية). 29 يوليوز 2014.CS1 maint: unrecognized language (link)
  44. ^ "Andy Muschietti to Direct 'Attack on Titan' for Warner Bros" (ب نݣليزية). 29 أكتوبر 2018.CS1 maint: unrecognized language (link)
  45. ^ "Attack on Titan Guidebook: INSIDE & OUTSIDE" (ب نݣليزية).CS1 maint: unrecognized language (link)
  46. ^ "READ THE ENTIRE 8-PAGE ATTACK ON TITAN/AVENGERS CROSSOVER COMIC" (ب نݣليزية). 29 أبريل 2019.CS1 maint: unrecognized language (link)
  47. ^ "Attack on Titan Anthology" (ب نݣليزية).CS1 maint: unrecognized language (link)
  48. ^ "Top Ten Manga Sales Rankings: January 2021 Week 4" (ب نݣليزية).CS1 maint: unrecognized language (link)
  49. ^ "Boosted by anime version, 'Attack on Titan' manga sales top 22 million" (ب نݣليزية). 17 غشت 2013.CS1 maint: unrecognized language (link)
  50. ^ "Fans are ANGRY at Attack On Titan's 'Rushed' Ending, Demands Isayama Cut" (ب نݣليزية). 13 أبريل 2021.CS1 maint: unrecognized language (link)
  51. ^ "講談社漫画賞 (過去の受賞者一覧) [ليستة د رّابحين لقدام ديال جايزة كودانشا]" (ب جاپونية).CS1 maint: unrecognized language (link)
  52. ^ "March comes in like a lion, Space Bros. Win Kodansha Manga Awards". أنيمي نيوز نيتوورك. May 12, 2011. مأرشيڤي من لأصل ف 9 يونيو 2013. تطّالع عليه ب تاريخ April 10, 2013.
  53. ^ Egan، Loo (January 17, 2011). "13 Titles Nominated for 4th Manga Taisho Awards". أنيمي نيوز نيتوورك.
  54. ^ Egan، Loo (February 20, 2012). "16th Tezuka Osamu Cultural Prize Nominees Announced". أنيمي نيوز نيتوورك.
  55. ^ "20E ANIME & MANGA GRAND PRIX : LES VAINQUEURS". AnimeLand (ب لفرانساوية). 2013-04-05.
  56. ^ "'Ataque a los titanes' y 'Fushigi Yugi' ganan los premios del Salón del Manga de Barcelona". rtve.es (ب صبليونية). November 3, 2013.
  57. ^ "初心者むけ"進撃"講座も！「ブロスコミックアワード2013」大賞は「王国の子」". getnews.jp (ب چاپونية). November 12, 2013.
  58. ^ 6th Shine! Bros Comic Award 2013. TV Bros November 9, 2013 issue
  59. ^ Sarah، Nelkin (March 9, 2014). "18th Tezuka Osamu Cultural Prize Nominees Announced". أنيمي نيوز نيتوورك.
  60. ^ "AMGP 2013 : les résultats". AnimeLand (ب لفرانساوية). March 21, 2014.
  61. ^ "「電子書籍アワード2014」電子書籍大賞に『進撃の巨人』". itmedia.co.jp (ب چاپونية). March 31, 2014.
  62. ^ "Vincitori Premi Micheluzzi 2014" [2014 Micheluzzi Awards Winners]. Comicon.it (ب طاليانية). 2014-05-07. تطّالع عليه ب تاريخ 2018-09-02.
  63. ^ Kevin، Melrose (July 14, 2014). "True Believers Comic Awards announce 2014 winners". cbr.com.
  64. ^ Mahoney، Rachel (2014-09-09). "'Attack on Titan' Manga Wins 2014 Harvey Award". أنيمي نيوز نيتوورك. تطّالع عليه ب تاريخ 2018-09-02.
  65. ^ "CONNICHI 2014: DER POCHI AWARD" (ب لالمانية). September 16, 2014.
  66. ^ "Ganadores de los premios del XX Salón del Manga de Barcelona". cinemascomics.com (ب صبليونية). November 2, 2014.
  67. ^ "Neo Awards 2014The Winner of Best Manga 2014 is: ATTACK ON TITAN". twitter. January 26, 2015.
  68. ^ "Neo Awards 2014". Neo Issue 133
  69. ^ Lynzee، Loveridge (March 13, 2015). "Yomiuri Shimbun's 'Sugoi Japan Awards' Winners Announced". أنيمي نيوز نيتوورك.
  70. ^ "AnimaniA Award 2006-2016". AnimaniA (ب لالمانية).
  71. ^ "Best Graphic Novels & Comics". ݣودريدز.
  72. ^ "Todos los nominados y ganadores de los XXVII Manga Barcelona (2021)". Enjoy Comics (ب صبليونية). مأرشيڤي من لأصل ف 3 نونبر 2021.
  73. ^ "Prix Babelio : Découvrez les lauréats". Babelio (ب لفرانساوية). مأرشيڤي من لأصل ف 16 يونيو 2022.
  74. ^ "2022年 第53回星雲賞". www.sf-fan.gr.jp (ب چاپونية). مأرشيڤي من لأصل ف 19 ماي 2022.
Wikimedia Commons تقدر تزيد شوف بزاف د تّصاور و لمعلومات ديال Attack on Titan ف ويكيميديا كومنز.
مرجّعة من "https://ary.wikipedia.org/w/index.php?title=شينݣيكي_نو_كيوجين&oldid=271969"