شينݣيكي نو كيوجين (أنيمي)

من ويكيپيديا
اذهب إلى التنقل اذهب إلى البحث
لوݣو ديال شينݣيكي نو كيوجين

شينݣيكي نو كيوجين ؤلا لهجوم علا لعمالقة ؤلا لهجوم د لعمالقة ؤلا لعملاق لمهاجم ؤلا أطاك ؤن تايتنجاپونية 進撃の巨人، ب نݣليزية Attack on Titan) هوّا سيرية د أنيمي مبازية علا لمانݣا شينݣيكي نو كيوجين، باقة كتخرج ف جّاپون ؤ كتشاف ف بزاف د دّول ف لعالم كامل، عدد لحلقات لّي خرج منها ل حد سّاعة 75 حلقة.

لقصة كتطرا ف عالم كتعيش فيه لبشرية ف مدون مضورة عليها تلاتة د سوار عراض ؤ عاليين، باش تحمي راسها من وحوش كبار كياكلو بنادم سميتهوم لعمالقة (ب جاپونية 巨人 كيوجين). شّخصيات رئيسية ف لقصة هوما إيرين ييݣر، ؤ صحابو أرمين أرلرت ؤ ميكاسا أكرمان. إيرين ف لبدية د لقصة كيشوف مدينتو تدمرات ؤ مّو تقتلات من طرف لعمالقة بشكل بْشيع بزاف، ؤ هوّا باقي صغير، ؤ كيحلف أنه غادي يقتل لعمالقة كاملين.

لإنتاج[بدل | بدل لكود]

سّيرية رّئيسية[بدل | بدل لكود]

سّيزون لّولة نتجاتها ستوديو ويت ؤ بانت من 7 أبريل حتال 29 شتنبر 2013، ف لقنوات د تّلفازة ديال ماينيتشي برودكاستينݣ سيستم.[1] عدد لحلقات ف سّيزون لّولة كان 25 حلقة. سّيزون تّانية نتجها نفس سّتوديو، ؤ خرجاتها ل تّلفازة نفس شّركة ما بين 1 أبريل ؤ 17 يونيو 2017، ف 12 حلقة. ؤ موراها سّيزون تّالتة بانت ف إين إيتش كي جينيرال تيڤي ما بين 23 يوليوز 2018 ؤ 1 يوليوز 2019، علا جوج فترات، ف 22 حلقة ف لمجموع.[2][3] سّيزون رّابعة هيّا لّخرانية ؤ بدات ف لإنتاج ديالها ستوديو ماپا من 2020. ستوديو ويت رفضات باش تكمل لپروجي حيت ماوالمش لبرنامج د لخدمة ديالهم.[4] لپارتية لّولة ديال سّيزون ربعة بانت ف تّلفازة ف جّاپون ؤ ف سيتات بحال كرانشيرول ؤ واكانيم من 7 دجنبر 2020 حتال 29 مارس 2021.[5] لپارتية تّانية، لّي لعدد د لحلقات ديالها باقي مامعروفش، غادي تخرج ف موسم د شتا 2022.[6]

أوڤات[بدل | بدل لكود]

حتا بعض لأعمال سپينوف ؤلا روايات ب نفس شّخصيات تحولات ل أنيمي علا شكل أوڤا، بحال رواية بلا ندمان،[7] ؤلا شينݣيكي نو كيوجين: بنات ضايعات.[8]

عيون لكلام[بدل | بدل لكود]

  1. "「進撃の巨人」製作委員会" (بجاپونية).CS1 maint: unrecognized language (link)
  2. "進撃の巨人 Season2" (بجاپونية).CS1 maint: unrecognized language (link)
  3. "進撃の巨人 Season3" (بجاپونية).CS1 maint: unrecognized language (link)
  4. "Attack on Titan Director Reveals What is the Difference Between Studios" (بنݣليزية). 7 دجنبر 2020.CS1 maint: unrecognized language (link)
  5. "Attack On Titan Season 4 release date confirmed for December 2020 by NHK, FUNimation" (بنݣليزية). 23 شتنبر 2020.CS1 maint: unrecognized language (link)
  6. "Attack on Titan Final Season Anime Continues with Episode 76" (بنݣليزية). 28 مارس 2021.CS1 maint: unrecognized language (link)
  7. "Attack on Titan: No Regrets Spinoff Gets Anime DVDs" (بنݣليزية). 5 غشت 2014.CS1 maint: unrecognized language (link)
  8. "OAD To Adapt "Attack on Titan - Lost Girls"" (بنݣليزية). 7 غشت 2017.CS1 maint: unrecognized language (link)