طيم (أداب)

من ويكيپيديا
اذهب إلى التنقل اذهب إلى البحث

طيم (من نّݣليزية theme، ؤلا لفرانساوية thème) ف نّقد د لأداب هوّا موضوع مركزي ؤلا رسالة لّي كتبغي تعطيها شي حجّاية ؤلا ريواية. طّيمات تقدر تقسّم ل جوج نواع: لمفهوم طّيمي لّي هوّا لفيكرة لّي كيكوّنها لقاري علا شنو سّردية بغات تݣول، ؤ تّصريح طّيمي لّي هوّا شنو سّردية كتݣول ب شكل فعلي.

طّيم ديال سردية كيقدر عادة يتختاصر ف كلمات قليلة، متلا لحب، ؤلا صّراع بين لفرد ؤ لمجتمع، ؤلا لحرية، ؤ غيرهم. ؤ عادة ماكيكونش مدكور حرفيّا ف سّردية، ولاكين كيبان ب شنو كيديرو شّخصيات ؤلا كيݣولو ؤ كيفاش كيحسو ؤلا كيفكرو. سّردية (قصة ؤلا ريواية ؤلا غيرها) يقدر يكون عندها طيم واحد ؤلا كتر. ؤ كيتعتابر طّيم عنصر ديال لخيال لأدبي، بحالو بحال لبلان، شّخصية، ؤ لإطار.

تقنيّات[بدل | بدل لكود]

كاينين شحال من تقنية باش لكاتب يقدر يطرح طّيم ؤلا طّيمات د سّردية ديالو، من بينها:

  • لايتڤورتستيللألمانية Leitwortstil، بمعنى ستيل ديال لكلمة لّولة/لݣايدة): هوّا لمعاودة ديال شي كلمة ؤلا تعبير لّي كيحيلو ل طّيم، باش لقاري ينتابه ليهم (ولاكين ماشي حرفيا سّمية ديال طّيم).[1] متلا يقدر لكاتب يخلّي شّخصيات يعاودو عيبارة "إيوا هاكّا بغا مولانا" ف مناسبات مختالفين، باش يحيل ل طّيم ديال أن لإنسان ماعندوش ختيار ف لمصير ديالو.
  • تّعاويدة طّيميةنّݣليزية Thematic Patterning): هوّا واحد لموتيف ؤلا نمودج كيبقا يتعاود ف سّردية، بلا ما يتݣال ب لحرف.[2] متلا طّيم ديال لمعاناة لّي كتسببها لحرب، يقدر يبينو لكاتب ب مشاهد ديال شخصيات كتعاني ب سباب شي حرب ضايرة ؤلا حروب مختالفين.

عيون لكلام[بدل | بدل لكود]

  1. ^ "WTHeck is this Narrative Technique called Leitwortstil" (بنڭليزية).
  2. ^ ديڤيد بينوت (1992). Story-Telling Techniques in the Arabian Nights (بنڭليزية). BRILL Deutschland GmbH. ص. 22. ردمك 9004095306.