ناروطو

من ويكيپيديا
ناروطو
ناروطو
معلومات عامة
لعنوان لأصلي NARUTO -ナ
مانڭاكا ماساشي كيشيموتو
لّوغة لأصلية جاپونية
لعام د نّشر 21 شتنبر 1999


ناروطوجاپونية: ナルト؛ كتعني حرفيا "دوامة") هي سيرية د لمانݣا جاپونية كتبها ورسمها ماساشي كيشيموطو. كاتحكي لمانݣا لقصة ديال ناروطو ؤزوماكي، نينجا ف لبدية د لمراهقة كيقلب باش ياخد لعتيراف من عند ݣرانو كا نينجا قوي، ؤ كيحلم عاوتاني باش يولي هوكاݣي، لّي هوّا زعيم ديال لڤيلاج ديالهم. لقصة مقسمة على جوج د لݣزوات، لّول طرا فاش كان ناروطو باقي صغير، ؤ تّاني طرا فسنوات لمراهقة ديالو حتال فاش كبر. سّيرية مبازية علا جوج د لمانݣات وان شوت ديال كيشيموطو: كاراكوري (1995) – لّي خدا عليها كيشيموطو هضرة موشريفة ف لمجلة شهرية "Hop Step Award" ديال شوئيشا ف لعام لي تبعها، ؤ ناروطو (1997).

لمانݣا ديال ناروتو دازت ف مجلة شونن جامپ لأسبوعية ديال شوئيشا من 1999 حتال 2014، ؤ خرجات ف 72 طانكوبون (كتاب).[1] لمانݣا ولات سلسة أنيم فالتلفازة دارت ليها الإنتاج پيئيرو وأنيپلكس، ؤكانت فيها 220 حلقة دوزوها فالجاپون من 2002 حتال 2007؛ دار مركز الزهرة الدبلجة بالعربية ديال 151 حلقة وتعرضات فسپيسپاور وسپيستون من 25 غشت 2007 حتال 1 نونبر 2015 ولكن باقين كيعاودوه حتى لدابا. ناروتو: شيپودن هو لݣزو التاني ديال السلسة الأصلية، بدا فالجاپون ف2007 وسالا ف2009 من بعد 500 حلقة كانت فيه. بلا لأنيم، طورات پبئيرو حداعش فيلم وحداعش أوڤا (ڤيديو أنيمي أصلي). سلعات خرين مرتابطين بناروطو كنلاقاو روايات خفيفة، ڤيديوݣيمات، ؤبطاقات تجارية طوراتها شحال من شركة.

لقصة ديال ناروطو كملات معا لولد ديالو بوروطو ؤزوماكي، ف بوروطو: لجيل لماجي د ناروطو. بوروطو كيتمنى يدير طريقو ف لعالام د نّينجا لخاصة بيه فعوض ما يتبع طّريق ديال باه.

ناروتو هي رابع أحسن سلسلة مانݣا ف لمبيعات ف تاريخ، حيت باعت 235 مليون نسخة ف لعالام ف 35 دولة. نّقاد مدحو تطور شخصيات المانݣا، تطور أحدات لقيصة لقوي، ؤ مشاهد لمدابزة لي تنفدو مزيان، واخا شي وحدين شافو بلي لمشاهد د لمدابزة نزلات نّيڤو د لقصة ل لتحت. لنتقادات جا فيها بلي لمانݣا، لّي فيها موضوع ديال لوصول ل سن رشد، كتستعمل مراجع تقافية من لميطولوجيا جّاپونية.

عيون لكلام[بدل | بدل لكود]

  1. ^ "NARUTO―ナルト― 72" (بچاپونية).
Wikimedia Commons تقدر تزيد شوف بزاف د صور و معلومات ديال Naruto ف ويكيميديا كومنز.