وان پيس
وان پيس
| ||
| معلومات عامة | ||
| لعنوان لأصلي | ONE PIECE و One Piece | |
| نوع د لمانڭا | أنيمي و مانڭا ديال أكشن، أنمي ومانغا خيال، أنيمي و مانڭا ديال لمغامرات، كوميديا دراما أنمي ومانغا و pirate fiction | |
| مانڭاكا | إييتشيرو ؤدا | |
| لّوغة لأصلية | جاپونية | |
| تاريخ د لبدية | 22 يوليوز 1997 | |
| لموقع الرسمي | https://one-piece.com/comicsanime/comics.html | |
.jpg) | ||
وان پيس (ب لحروف لاتينية One Piece)، مانݣا جاپوني كاتبو و راسمو إييتشيرو أودا. تنشر ف مجلة ويكلي شونن دجامپ، ديال شركة شويشا من يوليوز عام 1997.
المانݣا كاتعاود قصة مونكي د. لوفي، شاب لي ولّات داتو من لاستيك مورا ما كلا واحد فاكية د شيطان. و هو و فرقتو ديال لقراصنة، لمسميين قراصنة دياول تارازا، كايكتاشفو "لخط لعريض" باش يقلبو على احسن كنز، كنز "لوان پيس" باش يولي ماليك د لقراصنة.[1] [2] [3] [4] ف غشت 2020، لمانݣاكا علن بلي لمانݣا قرّب ل كمالتو.
وان پيس هوّا أكتر مانݣا تباع فلعالم، و أكتر سيري كيرسما سيد واحد تباعت فلعالم. لعدد ديال نّسخ لي تباعو لحد شتنبر 2023 هوّا 515 مليون.[5]
لجزء كيبدا مع فلاش باك د ݣول د روجر (Gol D Roger) نهار لإعدام ديالو. قبل مايموت أيقول نناس بلي خلا لكنز ديالو لي مسمي وان پيس ف شي موطاع ف لعالم و لجبرو عندو لحق يديه. هكدا أتبدا أكبر موجة د لقراصنة. ف إيست بلو (East Blue)، أيبدا لوفي يأسس طاقم ديالو لي أيتسمى ب قراصنة طربوش تبن (شاشية). أول واحد أيتلقاه لوفي هو رورونوا زورو، سياف كيدابز بتلاتة د سيوفا فنفس لوقت، جوج فيدّو ؤ واحد ف فومّو. موراه أتجي نامي رسّامة د لخرائط و ݣيد ديالوم ف لبحر. فلجزيرة ديال ؤصوپ غيضبّرو على أول باطو ديالوم لي إسمو ݣووين ميري (Going Merry). أخر واحد أيتزاد معاهوم هو سانجي طباخ. قبل ما يدخلو ن ݣراند لاين (Grand Line) كل واحد فيهم غادي يقول لحلم ديالو ن آخرين. لوفي بغا يرجع ماليك د لقراصنة، زورو أقوى سياف ف العالم، نامي باغية ترسم خريطة ديال لعالم، سانجي بغا يجبر لبحر ديال لؤل بلو و ؤصوپ بغا يرجع بحار شجيع.
فلعالم د وان پيس لمنضمة لي كتحكم كتسما لحكومة لعالمية، لأغلبية د دول لعالم داخلين فيها. كل ربع سنين كتنضم جتماع كيتسما "ريفيري" كيجتامعو فيه دّول كاملين باش يتناقشو. فلكتيب 90 كنشوفو أول ريفيري فلقصة، كتبان فيها واحد دولة سميتها مملكة طّاجين، لملكة ديالا لابسة قفطان و سميتها "مورورون" ( كتشباه ل السمية د لمغريب ب لونݣلي موروكو Morocco). لحراس ديالا لابسين جلالب. أودا معروف كيتانسپيرا من مواطاع فلعالم دبصّح باش يرسم وان پيس. مملكة طاجين مأنسپيرية من مغريب.
 |
ويكيميديا كومنز عندا تصاور و معلومات على وان پيس. |
- ↑ "VIZ | One Piece Manga". web.archive.org. 2019-05-10. Archived from the original on 10 ماي 2019. Retrieved 2022-08-08.
- ↑ "Top Manga Properties in 2008 - Rankings and Circulation Data | ComiPress". web.archive.org. 2018-07-01. Archived from the original on 1 يوليوز 2018. Retrieved 2022-08-08.
- ↑ "『ONE PIECE』最新60巻、歴代最高の初週実売200万部超え (尾田栄一郎) ニュース-ORICON STYLE-". web.archive.org. 2013-10-26. Archived from the original on 26 أكتوبر 2013. Retrieved 2022-08-08.
- ↑ "Asia Pacific Arts: One Piece series holds "Dome Tour" in Osaka, Tokyo". web.archive.org. 2018-06-20. Archived from the original on 20 يونيو 2018. Retrieved 2022-08-08.
- ↑ "All 105 'ONE PIECE' volumes have now sold over a million copies each". Lifestyle Asia Hong Kong (ب American English). 2023-06-02. Archived from the original on 8 أكتوبر 2023. Retrieved 2023-09-09.
 هادي زريعة ديال مقالة خاصها تّوسع. تقدر تشارك ف لكتبة ديالها. |
| عالمي | |
|---|---|
| وطني | |
