سيبير

من ويكيپيديا
سيبير

سّيبير، ختيصار ديال سّيبيركافّي (من لفرانساوية Cybercafé) هوّا حانوت لّي كيبيع سّربيس ديال لكونيكسيو ل لأنترنيت ل عامة نّاس، ؤ عادة كيكون لخلاص فيه ب لوقت.

صعيب نعرفو أول سيبير فين ؤ فوقاش بان ب تّحديد، مي واحد من بين لّولين كان بان ف سيول ف كوريا لجنوبية ف مارس 1988، ف جامعة د هونݣيك. ف هاد "سّيبير" كانو جوج د لپيسيّات ملِييِّين معا أنترنيت ب لخيط د تّيليفون، ؤ كانت لبلاصة كتّستاغل علا ود لّقاءات لعادية (أوفلاين) ؤ ب أنترنيت (أونلاين).[1]

ف يونيو 1991، شركة إيس إيف نيت أنصطالات أوريناطورات كيخدمو ب لفلوس ف بزاف د قهاوي ف سان فرانسيسكو ف لميريكان، ؤ كانت لخدمة د سّاس لّي كيعطيو ل لكليان هيّا لإيميل.[1]

ف لمغريب بانو أول سيبيرات ف لغالب ف فاس ف 1998، ؤ ب تّحديد أول واحد ف أوطيل شيراطون، ؤ كان لخلاص ديالو واصل ل 50 درهم ل سّاعة.[2][3]

عيون لكلام[بدل | بدل لكود]

  1. ^ a b Barney Warf, إيديتور (2018). The SAGE Encyclopedia of the Internet (ب نڭليزية). ص. 125.
  2. ^ "مقاهي الإنترنت بالمغرب." (ب لعربية). 22 أكتوبر 2010. مأرشيڤي من لأصل ف 2022-03-21. تطّالع عليه ب تاريخ 2021-04-26.
  3. ^ "مقاهي الأنترنيت... محطات للرحلة الى خارج التقاليد" (ب لعربية). 2005. مأرشيڤي من لأصل ف 2022-09-12. تطّالع عليه ب تاريخ 2021-04-26.
Wikimedia Commons تقدر تزيد شوف بزاف د تّصاور و لمعلومات ديال Internet cafés ف ويكيميديا كومنز.
هادي زريعة ديال مقالة خاصها تّوسع. تقدر تشارك ف لكتبة ديالها.