هيتا (جاپون)

من ويكيپيديا
اذهب إلى التنقل اذهب إلى البحث
هيتا

日田市 (ja)

Flag of Hita, Oita.svg Symbol of Hita Oita.svg
Gionn Festival Hita Ooita.jpg
تاريخ التأسيس 11 دجنبر 1940
لبلاصة
لبلاد چاپون
لجيهة چاپون
لإقليم أويتا
السكان
شحال دالسكان 61,755 (2021)
لجغرافيا
لميساحة 666.19 كم²
معلومات خرا
توقيت ديال لمدينة ڭرينيتش +9
السيت الرسمي city.hita.oita.jp
الرمز لجغرافي 1862373

هيتاجاپونية 日田市، هيتاشي بمعنى مدينة هيتا) هيّا مدينة ف إقليم ؤويتا ف لجزيرة د كيوشو، عدد سّكان ديالها 65000، ؤ كيرجع تّاريخ ديالها ل عهود قديمة. هيتا كتسما كيوطو ديال ؤويتا، حيت لبني ؤ سّتيل ديالها كيشبه ل كيوطو، ؤ نيت كانت تبنات علا نّمودج ديالها. هيتا معروفة ب صّناعة د لخشب ؤ لفخّار، ؤ لمناضر طّبيعية ديالها كتجلب ليها سّياح ب أعداد مابيهمش.[1]

تاريخ[بدل | بدل لكود]

هيتا كانت مسكونة من عهود قديمة ف تّاريخ د جّاپون. ف لعصور لوسطى كانت هيتا مركز تيجاري موهيم، ؤ لأضرحة ديالها زادو من لأهمية لقتيصادية ديالها.[1]

ف 1593، زّعيم د لحرب طويوطومي هيدييوشي غادي يسيطر علا هيتا، ف إطار لمحاولة ديالو باش يوحّد جّاپون بعد 100 عام ديال لحرب لأهلية ف لفترة د سّينݣوكو. هيدييوشي غادي يقوّي تّحصين ديال لمدينة ؤ غادي يردها قاعدة ديالو باش يزيد يتوسّع ف لجزيرة د كيوشو.[1]

من بعد غادي يدوّزها ل لحكم ديال شّوݣون طوكوݣاوا إيِييَاسو، ف لفترة د إيدو لّي ف خلالها كانت جّاپون مسدودة علا لعالام. ف هاد لفترة هيتا غادي تكبر ؤ غادي طّور معماريا ب عتيبار كيوطو هوّا نمودج ديالها ف سّتيل د لبني ؤ ف تّقافة. هاد لإرت باقي باين حتال دابا.[1]

قتيصاد[بدل | بدل لكود]

هيتا معروفة ب صّناعة د لخشب ؤ لفخّار، ؤ سّياحة كتلعب دور كبير ف لقتيصاد ديالها.

طّبيعة[بدل | بدل لكود]

هيتا كاينين فيها بزاف د لويدان لّي كيتلاقاو شي وحدين منهم ف واد ميكوما ؤ موراها ف واد تشيكوݣو. هاد لويدان كانو كيتستعملو ف تّوزيع تّيجاري د لخشب ف لفترة د إيدو، مي من بعد ما تّبنا سد يوواكي حبسو هاد طّرقان د لما. طّبيعة حدا هيتا زوينة بزاف، ؤ كاينين غابات ديال شجر لأرز جّاپوني[2] ؤ جبال كيوصل لرتيفاع ديالهم ل 1000 ميترو فوق سطح لبحر، ؤ شي وحدين حتال 1200 ميترو فوق سطح لبحر.

أهم شّخصيات[بدل | بدل لكود]

عيون لكلام[بدل | بدل لكود]

  1. ^ a b c d "Hita Guide" (بنڭليزية).
  2. ^ "Britannica, Hita Japan" (بنڭليزية).
Wikimedia Commons تقدر تزيد شوف بزاف د صور و معلومات ديال Hita, Oita ف ويكيميديا كومنز.