بنادم

من ويكيپيديا
بنادم
خصايصو
صوت لي كايدير صوت الإنسان
كاين منو جسم الإنسان
لخواص طبيعية
معلومات خرين
فعايلو كائن اصطناعي
موصوف ف هاد لمصادر الموسوعة اليهودية لبروكهوس وإيفرون
*الموسوعة الكتابية للأرشمندريت نيكيفور
*قاموس غرانات الموسوعي
*الموسوعة الكاثوليكية
*قاموس بروكهاوس وإفرون الموسوعي
*قاموس بروكهاوس وإفرون الموسوعي الصغير
*الموسوعة البريطانية نسخة سنة 1911
*Collier's New Encyclopedia, 1921
*The Domestic Encyclopædia; Or, A Dictionary Of Facts, And Useful Knowledge


لبشرية ؤلا لإنسانية ؤلا تابنادمية هيّا لمجموع د بنادم (ؤلا باشار ؤلا إنسان)، لّي هوما أفراد كينتاميو ل نّوع ديال لهوموساپيان، لّي هوّا النوع اللخراني لي باقي فوق لأرض ديال ݣنس لهومو ؤ أكتر نوع ف تّنضيمة د لّوليّات منتاشر فوق لأرض، ؤ تّعداد ديالو هوّا تقريبا 8 مليار فرد ل حد ليوم.[1]

وخا لعولاما كيخدّمو لمصطلح د "بنادم" ؤلا "إنسان" على جميع لأنواع ديال ڭنس لهومو، تا دوك لي نقارضو، عملياً هاد الجوج كلمات كيتستعملو غير على لهوموساپيان لي كاين دابا. لهوموساپيان بان ب الشكل لحالي ديالو ف قارة إفريقيا هادي علاين 300.000 عام، و أقدم لأتار ديالو تّلقاو ل حد الساعة ف جبل إيغود ف لمغريب. مابين 160.000 و 60.000 عام قبل ليوم، بنادم بدا كيتصرف ب طرقان لي كاتبين تطور الدماغ و الدكا عندو، بحال لإنتاج ديال لفن و لأدوات ل أغراض مختالفة. التورة النيوليتية طرات هادي 13.000 تقريباً ف الجنوب لغربي د قارة أسيا (و بشكل مستاقل ف بلايص خرين بحال أمريكا الجنوبية)، و لي فيها طور بنادم الزراعة، و بدا كيبني تجمعات سكنية كبيرة و مدون و حضارات. بنادم قدر يدير بزاف د لإنجازات و يديڤلوپي مجموعة د لمفاهيم لي ماكاينينش ف الطبيعة، بحال الطيكنولوجيا، الصيونص، لفلسفة، الدين، لميطولوجيا و غيرهوم.

بنادم عندو قشرة قبل جبهية prefrontal cortex متطورة، لي كاتعطيه قدرات بحال اللوغة، لخيال، و لماخدة د لقرارات بشكل واعي، عكس لكائنات لخرة. هادشي خلاه يصنع أدوات طيكنولوجية متطورة، و يخدّم تفكير منطقي معقد، و يراكم لمعرفة على مدى أجيال، باش يبني حضارات.

لأصل د لكلمة[بدل | بدل لكود]

كلمة "بنادم" جات من لعربية بن آدم، يعني ولد آدم، لي هوّ أول بنادم بان فوق لأرض على حساب لمعتقد لإسلامي و لإبراهيمي بشكل عام. ف التخدام لعام، الصيغة النتوية د هاد لكلمة "بنادمة" قليل فاش كاتّستعمل، و غالباً كيكون عندها معنى قدحي (ديال السبّان). كيڭول لماتال لمغريبي "لي زرعتيه ينفعك من غير بنادم يلا زرعتيه يقلعك".[2]

مراحل د لحياة د بنادم
وليّد ؤ بنيتة صغار ولد ؤ بنت قبل لبولوغ ولد ؤبنت مراهقين راجل ؤ مرا بالغين راجل ؤ مرا شارفين

عيون لكلام[بدل | بدل لكود]

  1. ^ "Current World Population". وورلدوميترز (ب نڭليزية). مأرشيڤي من لأصل ف 2023-10-15. تطّالع عليه ب تاريخ 2021-04-19.
  2. ^ محمد بوسلام (2015). معجم الدارجة المغربية: الجذور و الاختلافات الجهوية، الجزء الأول (ب لعربية ودّاريجة). ص. 252. ردمك 9789954351604.
Wikimedia Commons تقدر تزيد شوف بزاف د تّصاور و لمعلومات ديال People ف ويكيميديا كومنز.
هادي زريعة ديال مقالة خاصها تّوسع. تقدر تشارك ف لكتبة ديالها.