شخصيات ديال شينݣيكي نو كيوجين

من ويكيپيديا
Ambox important.svg مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.
ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!
Ambox important.svg مقالة ؤلا فقرة ناقصينها عيون لكلام.
لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون.
ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!
Exclam iconD.svg عنداك سپويلر!. عنداك... هاد لفقرة يمكن تديرليك سپويلر و تحرقليك لقصّة.

لمانݣا ديال شينݣيكي نو كيوجين فيه عدد كبير ديال شّخصيات لّي ختارعها هاجيمي إيساياما. أغلبية ديال هاد شّخصيات عندها سميات ؤروپية، سيرتو ألمانية. كاينين ستيتناءات بحال ميكاسا لّي سميتها جاپونية، ؤ جون Jean لّي سميتو فرانساوية.

شّخصيّات رئيسية[بدل | بدل لكود]

  • إيرين ييݣر エレン・イェーガー Eren Jäger: شّخصية رّئيسية ديال لقصة، لّي كتبدا ملي كان ف عمرو 10 سنين، ؤ كتسالا فاش ولّا عندو 19 عام. إيرين شاف مّو كتقتل بشكل وحشي من طرف لعمالقة فاش كان صغير، ؤ ولّا دّافع ديالو هوّا يقتل لعمالقة كاملين. من بعد ما تخرج من لأكاديمية لعسكرية، غادي يشارك ف لمعركة ديال تروست، لّي غادي يكتاشف فيها أن عندو لقدرة باش يتحول ل عملاق فيه 15 ميترو.
  • ميكاسا أكرمان ミカサ・アッカーマン Mikasa Ackerman: صاحبة إيرين من صغرو ؤ تربات معاه حيت واليديها كانو ماتو. ميكاسا كانت تخطفات فاش كانت صغيرة من طرف شي مجرمين كيديرو طرافيك د بنادم، ؤ ملي نقدها إيرين ولّات كتبغيه، وخا ف لبدية ماكانتش كتعتارف بيها. ميكاسا كتمشي معا إيرين ل لأكاديمية د لعسكر، ؤ كتطلع هيّا لّولة ف لپروموسيو ديالهم.
  • أرمين أرلرت アルミン・アルレルト Armin Arlert: صاحب إيرين من صغرو، ؤ كان هوّا صّديق لوحيد ديالو قبل ماتزاد عليهم ميكاسا. واليديه تقتلو من طرف لبوليس لعسكري سّري حيت حاولو يطيرو ب منطاد، ضد لقوانين ديال لحكومة لملكية. من لبدية كيبان كا ولد ݣليوّل ف لكسدة ديالو، مي دكي بزاف ؤ عندو فضول معرفي كبير. حتا هوّا كينضم ل لأكاديمية لعسكرية، ؤ وخا دازت عليه، سيرتو ف تّمارين لجسدية، من بعد ما تخرجو كيبان دّكاء لستراتيجي ديالو، سيرتو ف لمعركة ديال تروست، ؤ من بعد فاش كينضمو ل لفرقة د لمستكشفين.
  • راينر براون ライナー・ブラウン Reiner Braun: صاحب إيرين، كيتلاقا معاه أول مرة ف لأكاديمية د لعسكر، ؤ كيبان كا شخص قوي ؤ مساعف معا رّفاق ديالو ف لأكاديمية. من بعد كيكتاشفو إيرين ؤ لوخرين أن راينر ؤ صاحبو بيرطولد هوما لعملاق مول دّرع ؤ لعملاق لمݣضر، لّي دمرو سور ماريا ؤ تسببو ف لموت ديال مّو ؤ ديال لآلاف د نّاس ف شيݣانشينا.
  • ݣريشا ييݣر グリシャ・イェーガー Grischa Jäger: بّات إيرين. خدّام طبيب، ؤ عندو شهرة ؤ مكانة كبيرة حيت نقد لمدينة واحد نّهار من وباء. من لحلقة لّولة كيبان أن عندو سر كبير، ؤ لكتيشاف ديال هاد سّر كيكون لهدف رئيسي ديال إيرين ؤ ديال لفرقة د لمستكشفين ف طرف كبير ديال سّيرية. وخا كيموت ف لبدية د لقصة (حاجة لّي ماكاتوكد حتال من بعد)، تأتير ديالو كبير بزاف ف لقصة كولها، عن طريق ولادو إيرين ؤ زيك، ؤ كيبان بزاف ف فلاشباكات.

لعمالقة[بدل | بدل لكود]

كاينين 9 د لعمالقة دّكيّين لّي بقاو لإلديين كيتناقلوهم من جيل ل جيل. هاد لعمالقة ب تسعود كولهم ف لأصل كيرجعو ل لعملاق لأصلي لّي كان عند إيمير فريتز لّي هيّا أول إيلدية كانت عندها لقدرة باش تّحوّل ل عملاق. من غير هاد تّسعود، جميع لإلديين عندهم لقدرة باش يتحولو ل عمالقة زومبي، يعني ماعندهومش وعي عالي ؤ ماكيقدروش يقاومو رّغبة ديالهم باش ياكلو بنادم. يلا عملاق زومبي كلا شخص عندو لقدرة ديال عملاق دكي، داك لعملاق زّومبي كاياخد ديك لقدرة، ؤ كيولي قادر يرجع ل لحالة لبشرية ديالو. لفاميلة د أكرمان هوما واقيلا لستيتناء لوحيد من بين لإلديين لّي مايقدروش يتحولو ل عمالقة زومبي، حيت ديجا عندهم قدرة ديال لعمالقة ف شّكل لبشري ديالهم.

  • لعملاق لأصلي Original Titan: هوّا أول عملاق بان ف تّاريخ، تقريبا 2000 عام قبل من لأحدات ديال لقصة. مولاتو كانت هيّا إيمير فريتز، لّي لبعض كيعتبرها بحال إلهة، ؤ شي وحدين خرين بحال شيطان ؤلا أنها دارت عقد معا شّيطان باش تاخد لقدرات ديالها. مورا ما ماتت غادي تّفرق لقدرة ديالها علا 9 د لأشخاص من لإلديين، كولا واحد منهم خدا قدرة من لقدرات ديالها. مامشروحش ب تّفصيل كيفاش وقع هادشي، مي غالبا بدات لقضية ملّي راجلها لماليك كارل فريتز غادي يخلي بناتهم ياكلو لكسدة ديال مّهوم باش تدوز لقدرة ديالها ليهم.
  • لعملاق لمݣضر Colossal Titan: فيه 60 ميترو ف طّول، هوّا أول عملاق كيبان ف سّيرية، فاش كيدمر لبوّابة ديال شيݣانشينا باش يخلّي لعمالقة زّومبي يدخلو ؤ يهجمو علا لبشر تماك. من بعد كنعرفو أن مولاه هوّا بيرطولد هوڤر، لّي كان معا إيرين ف لأكاديمية د لعسكر. لقدرة ديالو ربما هيّا أخطر وحدة من بين لعمالقة كاملين، من غير لعملاق لفونداتور، ولاكين مولاه مايقدرش يتحول كتر من مرة كولا 3 يّام، ؤ ماعندوش قدرة كبيرة د تّحكم باش مايقتلش نّاس لّي حداه فاش كيتحول. مامعروفش شكون كان عندو هاد لعملاق قبل من بيرطولد، مي مورا لمعركة د شيݣانشينا، أرمين غادي يتم تحويلو لعملاق زومبي لّي غادي ياكل بيرطولد ؤ ياخد لقدرة ديالو ديال لعملاق لمݣضر.
  • لعملاق مول دّرع Armored Titan: فيه 15 ميترو ف طّول، كيتميز ب درع كيحمي لكسدة ديالو مزيان، من غير لمفاصل. مولاه هوّا راينر براون، ؤ بان أول مرة ف لهجوم علا شيݣانشينا فاش دمر لبوابة تّانية بين لمدينة ؤ بين جّيهة لوخرة د سور ماريا.
  • لعملاق د لهجوم Attack Titan: هوّا لعملاق لّي كيتحول ليه إيرين، فيه 15 ميترو ف طّول، ؤ عندو قوة كبيرة باش يتغلب علا عمالقة من لحجم ديالو. سّمية ديالو ب جاپونية هيّا لعنوان د لمانݣا شينݣيكي نو كيوجين، ولاكين ماكاتّعرف هاد سّمية حتال من بعد مدة طويلة، داكشي علاش كاينين بزاف د طّرجمات ديال لعنوان. كنعرفو من بعد أنه كان فلت من مارلي خلال لحرب لكبيرة د لعمالقة هادي 100 عام، حتا بان أول مرة 20 عام قبل من لأحدات د لبدية عند إيرين كروݣر، لّي كان جاسوس ف لعسكر د مارلي. كروݣر غادي يدوّز لقدرة ديالو ل ݣريشا ييݣر، لّي غادي يدوزها ل ولدو إيرين. لقدرة ديال لعملاق د لهجوم هيّا أنه كيقدر يشوف شوية من لمستقبل.
  • لعملاق نّتوي Female Titan:
  • لعملاق لحيوان Beast Titan:
  • لعملاق بوفك Jaw Titan:
  • لعملاق لفونداتور Founding Titan:
  • لعملاق بوكرّوسة Cart Titan:
  • لعملاق مول لمطرقة Warhammer Titan:

پاراديس[بدل | بدل لكود]

لعسكر[بدل | بدل لكود]

لفرقة د لمستكشفين[بدل | بدل لكود]

  • إرڤين سميث Erwin Smith:
  • ليڤاي أكرمان Levi Ackerman:
  • هانجي زووي Hange Zoe:
  • إيرين ييݣر
  • جون كيرشطاين Jean Kirstein:
  • ساشا براوس Sasha Braus:
  • كوني سپرينݣر Connie Springer:
  • بيرطولد هوڤر Bertholdt Hoover:
  • هيسطوريا ريس Historia Reiss:
  • پيطرا رال Petra Rall:
  • إيلد جين Eld Gin:

لبوليس لعسكري[بدل | بدل لكود]

  • آني ليونهارت Annie Leonhardt:
لبوليس سّري[بدل | بدل لكود]
  • كيني أكرمان Kenny Ackerman:

مارلي[بدل | بدل لكود]

لإلديين[بدل | بدل لكود]

لعمالقة[بدل | بدل لكود]

  • إيرين كروݣر Eren Kruger:
  • زيك ييݣر Sieg Jäger:
  • پيك فينݣر Pieck Finger:
  • پوركو ݣاليارد Porco Galliard:
  • مارسيل ݣاليارد Marcel Galliard:
  • طوم كساڤر Tom Xaver:

لمرشحين[بدل | بدل لكود]

  • ݣابي براون Gabi Braun:
  • فالكو ݣرايس Falco Grice:

لمدنيين[بدل | بدل لكود]

  • كارينا براون Karina Braun:

عيون لكلام[بدل | بدل لكود]