تلفازة

من ويكيپيديا

بزاف د التلقازات كيتباعو.

لونطين ديال التلفازة.

تلفازة قديمة د 1958.

التلفازة ولاّ التيليڤيزيون هي واحد لماكينة اللي تاتورّي الصوت و التصويرة ف دقّة وحدة، يا إما بلكحل و لبيض، ولاّ باللّوان. التلفازة خدات بلاصة كبيرة ف لعيشة د بنادم فالنص التاني د لقرن لعشرين، و كانت وسيلة مهمة باش تدوز فيها لخبار بالزربة. التلفازة كيدوزو فيها بزاف د لأنواع د لحوايج على حساب لقناة و لوقت، و تقدر تكون حاجة إخبارية، و لاّ ترفيهية بحال لأفلام و لا لموسيقا.

أول تلفازة ف لعالم ختارعها الصكوطلاندي جون بيرد نهار 26 يناير 1926 و كانت خدّامة بلأشعة تحت لحمرا.[1] تطوّرات بزاف التلفازة من داك لوقت و تزادو بزاف د لقنوات ف لعالم كلّو. أول قناة د التلفازة ف لمغريب تدارت وقت ليستيعمار لفرانساوي و بقات عام (من 28 فبراير 1954 ل 20 ماي 1955) و كان سميتها تيلما.[2] أقدم قناة باقا خدّامة ف لمغريب هي قناة اللّولا، و اللي بدات 6 سنين مورا لإستقلال (ف 1962).

عيون لكلام[بدل | بدل لكود]

  1. ^ "قصة اختراع التلفاز بواسطة العالم "جون لوجي بيرد" - التقدم العلمي للنشر (2018)". مأرشيڤي من لأصل ف 2021-11-29. تطّالع عليه ب تاريخ 2020-11-09.
  2. ^ ""تيلما" قصة أول قناة تلفزية في المغرب - أوال (2010)". مأرشيڤي من لأصل ف 2023-02-28. تطّالع عليه ب تاريخ 2020-11-09.
Wikimedia Commons تقدر تزيد شوف بزاف د تّصاور و لمعلومات ديال Television ف ويكيميديا كومنز.
هادي زريعة ديال مقالة خاصها تّوسع. تقدر تشارك ف لكتبة ديالها.