لإحصاء لعام 2024 وصل عدد السكان فالمدينة 90392 واحد، شي لي كيعني أن العدد رتافع ب 7888 بين 2014 و2024، وهد شي كيخلينا نستنتجو أن النمو السنوي واصل 92.0%[2].
دخلة ديال مدينة طانطان
طنطان بعيدة عل لبحر ب 25 كلم، الشمال ديالها مدينة گلميم وبعيدة عليها ب 120 كلم، وفالجنوب العيون وف الشرق أسا الزاك أما من جيهة الجنوب الشرقي فكاينة مدينة السمارة، شي لي خلا طنطان بحال همزة الوصل بين الشمال والجنوب، وخلا بزاف ديال الناس إهاجرو ليها من بلايص أخرين[3]
السمية ديال طنطان جاية من سمية نتاع واحد البير كان معروف ف لمدينة تحفر قبل 200 عام وكيطنطن يعني كيدير الصوت نتاع طن طن طن ملي كينزل الدلو لقاع لبير وكيتضرب مع الما[4]، فتسمات لمدينة عليه تيمنا بيه.
تأسات مدينة طنطان عام 1940 وكانت فاللول بوسط ديال العسكر حدا البير ألي سميتو الطنطان، وشويا بشويا بداو المدنيين كيسكنو فجناب البوسط، وكانت تحت السيطرة نتاع الصبنيول حتا لعام 1958[5].
من بعد الاستقلال نتاع المغريب 1956، ناضت الحرب فإفني عام 1957 الشي ألي خلا الصبنيول اوقعوا معاهدة سينتيرا ف عام 1958، والي بسبابها تنازلات اسبانيا على طنطان وبلاص وحدين أخرين.[6]
ف 1975 كانت طنطان بوسط لوجيستيكي لدعم المسيرا الخضرا ولعب مطار طنطان دور كبير حيت ستقبل عدد كبير بزاف من الرحلات الجوية، خصوصا طيارات من نوع سي 130 ألي كانت كتهز المونة للمتطوعين ف المسيرا الخضرا.[7]
ف 1979 وقع واحد الهجوم على طنطان من طرف البوليساريو، هد الهجوم ألي كيتسما "طيحت الطنطان" عند الناس ديال المنطقة[8]
موسم طنطان ولا "أمگار طنطان" كيما كيتسما ف المنطقة هو أهم حدت تقافي كيدار فالمدينة، حيت كيدارو فيه بزاف ديال العروض والعادات والتقاليد، بدا الموسم عام 1963 وحبس من بعد بسباب شي ضروف سياسية ورجع عام 2004، ومن موراها ولاو كيتلاقاو فيه كاع القبائل الصحراوية والفرق الفلكلورية من الجنوب وموريطانيا ومالي والسينيگال والنيجر[9].
أمگار طنطان كيدارو فيه عروض نتاع سباق أجمال والتبوريدة وبلايص فين تباع النقرة واللباس التقليدي، وكيتعطا ليه الدعم من دولة الإمارات والتغطية الإعلامية القوية[10].
نسبة لأمية (نّاس لّي ما كايعرفوش يقراو ولا يكتبو): 24,7%
نسبة سّكان لّي قاريين فوق الليسي (ليسي و جامعة): 20,7%
الشط نتاع واد الشبيكة، الوطية، طانطانهد النسب ألي هيا ديال لإحصاء لعام 2014 كتبين بلي المجتمع فمدينة طنطان كيتكون من تلاتة ديال الفيئات التعليمية، أربع تقريبا (24,7%) مزال أمي، والخمس (20,7%) وصل لمستويات عالية فالجامعة، وهد شي كيخلق واحد الفجوة كبيرة، كيجي من وسطها الأغلبية ألي عندها مستاوى تعليمي محدود، وهد شي كيعني بلي كاين خزان ديال الكفاءات ألي يقدرو يسيرو الإقليم ولكن فنفس الوقت كاين عائق كبير قدام التنمية والرقمنة حيت واحد النسبة كبيرة مازال معندهاش النيفو باش تندامج فلإقتيصاد العصري.
بالنسبة لإحصاء نتاع 2024 مزال معندناش النسب بليديطاي ديالهوم ديال طنطان، ولكن إلى ربطناها بالنسب الوطنية غادي نقدرو نستنتجوا بلي كاين مؤشرات على أن نسبة الأمية هبطات ومعدل التمدرس طلع حيت واصل وطنيا 92,8%[11].
نسبة لبطالة (نّاس لّي ما خدامينش و تايقلبو على خدمة): 27,1%
نسبة نّاس اللي خدامين ف دّولة (ولا لبيطاليين اللي سبق ليهوم خدمو): 26%
نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):39,2%
هد الأرقام نتاع لإحصاء لعام 2014 كتبين بلي كاين خلل فسوق الشغل بمدينة طانطان حيت قل من نص السكان (44,6%) هوما ألي كاينتجوا ومنهوم كتر من الربع (27,1%) ما لقيينش خدمة، زيد عليها القطاع الخاص مزال ما قادرش يهز أعداد كبيرة ديال المشوميين، شي ألي خلي إقتصاد ديال المدينة واقف على رجل وحدة وفيه نسبة الإعالة طالعة بزاف.[14]
فلإحصاء العام 2024 [15] مزال معندناش الإحصائيات باليديطاي ديالها ديال طانطان، ولكن إقتصاد المدينة كامل واقف على الصيد البحري والمرسى نتاع طانطان، هد المرصى كاين فمدينة الوطية ألي بعيدة ب 25 كلم على طنطان، وبدات فيه الخدمة من 1977، فيه مرافق مطورة على حساب السفن باش تصايب لحوت.
المرصى نتاع طنطان فيه بزاف نتاع فرص الخدمة، سوا للناس نتاع لمدينة ولا للي جايين ليها، وكيتصدر من المرصى أطنان نتاع أنواع لحوت لأوروبا وأمريكا الشمالية وكندا، شي ألي خلاه عندو دور كبير بزاف، أما السياحة حتا هيا قطاع مهم بزاف فطنطان حيت فيها شواطئ متنوعة ولواحات، وكتساهم فلاقتيصاد المحلي، ومن أحسن أهم شواطئ بطنطان كاين المصب نتاع واد درا[16]
_в_Тан-Тане_(Марокко).jpg)
