بويزاكارن

بويزاكارن
‫بو يزكارن‬ (ar) ⴱⵓⵢⵣⴰⴽⴰⵔⵏ (tzm)
لبلاصة
لبلاد	لمغريب
لإقليم	إقليم گلميم
السكان
شحال دالسكان	18,036 (2024)
شحال دلفاميلات	3,194 (2014)
لجغرافيا
لعلو	623 م
خط الطول بـ °	-9.71019745
خط لعرض بـ °	29.17554565
معلومات خرين
الرمز لجغرافي	6545416
لخريطة

بويزاكارن مدينة مغريبية و جماعة ترابية حضرية كاينة ف إقليم ݣلميم، جهة ݣلميم واد نون، ساكنين فيها 18,036 واحد، على حسب لإحصاء لعام 2024.

بويزاكارن

تعليم

• نسبة لأمية (نّاس لّي ما كايعرفوش يقراو ولا يكتبو) : 23,8%.
• نسبة سّكان لّي قاريين فوق ليسي (ليسي و جامعة): 20,9%.

قتيصاد

• نسبة نّاس نّشيطين (لّي يقدرو يخدمو): 40,5%.
• نسبة لبطالة (نّاس لّي ما خدامينش و تايقلبو على خدمة): 20,8%.
• نسبة نّاس لي خدامين ف دّولة (ولا لبيطاليين لي سبق ليهوم خدمو): 44,3%.
• نسبة نّاس لي خدامين ف لپريڤي (ولا لبيطاليين لي سبق ليهوم خدمو):25,8%.

تعريف بوزكارن

مدينة بويزكارن عندها تاريخ عامر بلمقاومة ضد لاستعمار، حيت كانت مأوى لعدد من لمقاومين، وحتى لواحد من أكبر لقياد لّي عرفهم جنوب لمغريب، وهو لقايد لمداني. ومازال لمدينة محافظة على لمآثر تّاريخية ديالها، حيت بزاف ديال لبنايات طينية لقديمة باقيين واقفين وشامخين.

بويزكارن (لاسم ديالها جاي من لأمازيغية وكيعني مدينة أو بلاصة ديال لحبال)؛ هي مدينة فجنوب لمغريب، كاينة ف أسفل سلسلة لأطلس صغير، ودايرين بيها جبال ومن بينها جبل أكنبوش.

ف 2014، وبسبب لموقع لجغرافي ديالها، تعرضات بويزكارن لخسائر كبيرة بسبب لفيضانات، حيث كاينين بزاف ديال لوديان لّي دايرين ب لمدينة.

تعليم

كاين فبويزكارن مجموعة من لمؤسسات تعليمية فمختلف لمستويات: بتدائي، إعدادي وثانوي. ومنين كياخدو تلامذ شهادة لباكالوريا، كيمشيو غالباً لمدينة گلميم باش يكملو قرايتهم، حيت فيها مدارس ومعاهد وجامعات متعددة.

ثقافة

كتنظم لمدينة مهرجان بويزكارن لثقافة ولفن، وهو مهرجان فيه أنشطة ثقافية وعلمية وفنية متنوعة، ولهدف ديالو هو دعم تنمية لمحلية ولاهتمام ب لموروث ثقافي ديال لمنطقة.

أو كيتنظم فيها حتى مهرجان "ظلال لأركان"، لي كيسعى لتحسيس ناس بأهمية لمحافظة على شجرة الأركان، أودعم تّعاونيات لي خدامة فهاد لمجال، أو تقديم فقرات فنية وثقافية وتراثية مختلفة.

شباب ورياضة

كتوفر بويزكارن على دار شباب وبعض لملاعب رياضية لي كيستافدو منها شباب ف لأنشطة لمختلفة.

لاقتصاد

كتضم بويزكارن مجموعة من تكنات تّابعة لقوات لمسلحة لملكية، ولقوات لمساعدة، ولدرك لملكي. وفيها حتى وكالات بنكية، بحال:

لبريد بنك. لبنك شّعبي. تجاري وفا بنك.

ومنذ 2025، تضرر لاقتيصاد ديال لمدينة بشكل كبير، بحيث نقص نشاط ديال لمقاهي ولمطاعم، وولّات كتعاني من ركود قتصادي. وهاد شّي راجع لافتتاح طريق سريع لجديد بين تيزنيت ولعيون، لي خلا لمسافرين، خصوصاً شاحنات، يدوزو مباشرة لگلميم بلا ما يدوزو من بويزكاران.

نقل ولمواصلات

تنقل بين بويزكارن وگلميم ساهل، سواء عبر طاكسيات لكبار أو حافلات "ليما بيس".

أو كدوز من وسط لمدينة حافلات نقل لمسافرين لّي كيربطوها بعدة مدن بحال: دار لبيضا، أو مرّاكش، أو أگدير، أو إنزگان، أو مدن لجنوب بحال گلميم، أو طانطان، أو سمارة، أو لعيون أو داخلة. لمدينة قريبة لعدة دواوير ومدن صغار، منهم:

تيمولاي إزضر (14 كلم). إفران (25 كلم). تغجيجت (40 كلم). تكانت (9 كلم).

وكتبعد حتى ب40 كلم على شمال مدينة كلميم، لي هي عاصمة لجهة.أوداخل لمدينة، كاينين طاكسيات صغار لتنقل. أو شركة "ليما بيس" كتوفر خطوط متعددة من 7:30 صباحاً حتى 19:30 مساءً، منها:

لخط 6: بويزكارن – تكانت – گلميم لخط 7: بويزكارن – تيمولاي – أغبالو – إفران لأطلس الصغير لخط 8: بويزكارن – تيمولاي – تغجيجت – تكموت لخط 9: بويزكارن – تيمولاي – إفران لأطلس صغير – تيمولاي واوملوكت – أمتضي لخط 10: بويزكارن – آيت بوفولن (كيخدم غير نهار الجمعة).

أعلام وشخصيات من بوزكارن

دريس بن زكري (حارس مرمى). علي رجدال (ممثل ف تلفزة لمغربية). لقايد لمداني لأخصاصي. لقايد لحنفي لأخصاصي. لكابيتان أوجين ميكيل (بولحيا). بوجمعة لأخصاصي. محمد بن لقايد طاهر بن لقايد لمداني. بيير جوستينار. لبنيات التحتية والتجهيزات.

لمجلس لإداري

لمجلس لجماعي ديال لمدينة كيتكوّن من جوج مستشارات و13 مستشار. ولإدارة لجماعية منظمة فعدة مصالح، فيها حوالي 45 إطار وموظف.

لبنيات لاجتماعية ف لمدينة كتشمل:

شبكة ديال لمؤسسات لتعليمية فيها 5 مدارس ابتدائية (وحدة خاصة)، جوج إعداديات وجوج ثانويات. مركز صحي ومستشفى، وزيد عليهم مستشفى عسكري. أغلب لأحياء مجهزين ب لما لصالح لشرب،أو صرف صحي، أوالكهرباء،أو الهاتف أوالأنترنت.

مميزات لمدينة

كتميز بويزكارن بعدة خصائص، من بينها:

كانت مدينة بويزكارن مركز إداري مهم ف لفترة ديال لحماية لفرنسية. فيها أكبر تجمع ديال تكنات لعسكرية ف لجهة. فيها واحد لمنبع قديم ديال لما صالح لشرب، وباقي محافظ على صبيب ديالو رغم سنوات لجفاف، ودابا كيتستعمل غير فسقي. كاين فيها إنتاج صغير ديال زيت زيتون، ولكن بجودة مزيانة.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.

التاريخ