أسا
أسا
| ||||
|
آسـا (ar) | ||||
 | ||||
| لبلاصة | ||||
| لبلاد | لمغريب | |||
| لجيهة | جيهة ݣلميم واد نون | |||
| لإقليم | إقليم أسا الزاك | |||
| السكان | ||||
| شحال دالسكان | 15601 (2024) | |||
| شحال دلفاميلات | 2,990 (2014) | |||
| لجغرافيا | ||||
| لعلو | 305 م | |||
| خط الطول بـ ° | -9.43862915 | |||
| خط لعرض بـ ° | 28.60140302 | |||
| معلومات خرين | ||||
| السيت الرسمي | communesafi.ma… | |||
| الرمز لجغرافي | 2556996 | |||
| لخريطة | ||||
 | ||||
أسا مدينة مغريبية وجماعة ترابية حضرية كاينة فـ إقليم آسا الزاݣ، ألي شاد مساحة ديال 27 ألف كيلومتر مربع، يعني تقريبا 20% من المساحة ديال جهة ݣلميم واد نون. ف لإحصاء لعام 2014[1] كانوا ساكنين فيها 14416 واحد، وهد العدد رتافع ف لإحصاء لعام ديال 2024 لـ 15601 واحد[2]، وهدا كيعني أن الكتافة السكانية ضعيفة شوية حيت كاتقدر بـ 1.11 واحد فكل كيلومتر مربع.
السمية ديال مدينة "آسا" أصلها أمازيغي صنهاجي[3]، وعليها بزاف ديال تفسيرات: كاين اللي كايگول بلي كاتعني البلاصة العالية (فين كاين الگصر)، وكاين اللي كيربطها بالنبتة ديال"أساي" اللي معروف فالمنطقة، وكاين اللي كيشوف فيها رمز للشجاعة (تاسا)[4]. الموهيم هو أن آسا، بزاوية الشيخ "إعزا وهدى" والڭصر ديالها لقديم، بقات عبر التاريخ أصل ومنبع ديال التقافة الصنهاجية فقلب الصحرا[5].
مدينة آسا فجنوب لمغريب، معروفة بـ "ڭصر آسا" اللي واقف هادي كتر من 10 لقرون، وبالزاوية ديالها اللي كانت منارة للعلم والدين لسنوات طويلة. هاد المدينة كانت ديما محطة رئيسية ديال القوافل التجارية اللي غادية للصحرا وإفريقيا، ومعروفة بالتقافة الصنهاجية ديال "أيت أوسى"[6] وبنيضام "أيت أربعين"[7] اللي كان كايحل المشاكيل بين الناس بالحكمة، بلا ما نساو "أمگار"[8] (لموسَم) ديالها المعروف اللي كايجمع بين التجارة والتقاليد[9].
فالجانب الرسمي، نهار 19 ماي 1991 كان نهار كبير فاش جا الملك الحسن الثاني الله يرحمو وعلن آسا الزاك إقليم مستقل، وهادشي عطا دفعة قوية للمنطقة. ومن بعد كمل الملك محمد السادس هاد المسيرة فاش زار المدينة فـ 2007 وعطى لنطلاقة ديال مشاريع التنمية والتهيئة. اليوم، آسا كتجمع بين لهوية الصنهاجية الصحراوية ديالها، وبين عبق التاريخ والنمو اللي كايطمح لمستقبل أحسن للساكنة[10].
· نسبة لأمية (نّاس لّي ما كايعرفوش يقراو ولا يكتبو): 30%[11]
· نسبة سّكان لّي قاريين فوق الليسي (ليسي و جامعة): 26,6%[12]
النسب ألي مدكورين لفوق ولي هوما ديال لإحصاء لعام 2014، كيبينو بلي المجتمع فأسا كيعاني من واحد "شرخ تعليمي كبير" بسباب العدد المرتافع ديال نسبة لأمية (30%)، وهد شي ألي كيخلي النسبة القارية (26,6%) ميبانش الأتار ديالها ف ليقتصاد المحلي، بالنسبة للنتائج ديال إحصاء 2024 بمدينة آسا، باقي ما خرجوش الأرقام بالتدقيق، ولكن لمؤشرات العامة كاتبشر بالخير وكاتبين بلي كاين تطور فالقضية ديال لأمية، كاين مؤشرات أن النسبة نقصات فآسا مقارنة بداكشي اللي كان فـ 2014، حيت النسبة الوطنية هبطات لـ 24.8%. أما القراية والتمدرس، فآسا غادية مزيان، والنسبة تماك تقريبا مْعمة على كاع الدراري الصغار، وهادشي كايتماشى مع التطور اللي عرفو المغريب كامل واللي وصل فيه معدل التمدرس لـ 92.8%[13].
باش تمشي لآسا، الطريق ساهلة: كاينين الكيران اللي كايديرو رحلات كل نهار لمدن بحال الزاك، كلميم، تيزنيت، إنزكان، أكادير، وحتى الدار البيضاء. وكاينين حتى الطاكسيات لكبار اللي خدامين ديما وكيربطو آسا بڭلميم بشكل مباشر[14].
· نسبة نّاس نّشيطين (لّي يقدرو يخدمو): 37,8%
· نسبة لبطالة (نّاس لّي ما خدامينش و تايقلبو على خدمة): 43%[15]
· نسبة نّاس اللي خدامين ف دّولة (ولا لبيطاليين اللي سبق ليهوم خدمو): 57,4%[16]
· نسبة نّاس اللي خدامين ف لپريڤي (ولا لبيطاليين اللي سبق ليهوم خدمو): 15,9%[17]
إلى بغينا نديررو تحليل لهد النسب ولي هيا ديال لإحصاء لعام 2014، غادي يبان لينا بلي لقتيصاد لمحلي ف مدينة أسا كيعاني من ضعف لمبادرة الحرة وضعف لقيطاع لخاص، شي لي خلا النسبة ديال البطالة مرتافعة بزاف، ولكن ف لإحصاء لعام 2024[18] تبين من خلال لمؤشرات لعامة ديال الجيهة أن لفلاحة وتربية الماشية نشاط رئيسي للناس فإقليم آسا الزاك حيت ف إطار مخطط "المغرب الأخضر" دارو بزاف ديال المشاريع باش يطوروا من تربية الإبل (جْمال) ويستافدوا أكتر من لحليب واللحم ديالها، بلا ما نساو التشجيع على تربية أنحل، وإنتاج التمور والمنتوجات ديال الكرموس، وزيد عليها مشاريع تنمية المناطق اللي كايوصلها الفيض والحد من الأتار ديال الجفاف.
حتى الصناعة التقليدية[19] كاتعتبر من أهم القطاعات لقتيصادية ولجتيماعية فهاد لإقليم، حيت هي اللي هازة بزاف ديال العائلات وكاتوفر ليهم فرص الشغل والخدمة الحرة. هاد القطاع فيه بزاف ديال الحرف بحال: أنقرة (الصياغة)، أنجارة، النحت على الحجر، لخياطة التقليدية، الطرز، نسيج لخيام وأزرابي، وحتى الصناعة ديال أجلد.
أما بالنسبة للسياحة، ف إقليم آسا الزاك عندو مؤهلات كبيرة اللي تقدر تخليه يولي وجهة سياحية إلى تستغلات مزيان. هادشي بفضل التنوع اللي كاين، بحال سياحة المغامرة والاستكشاف، السياحة التقافية، السياحة البيئية، وحتى السياحة العلمية[20].
- ↑ "Recensement général de la population et de l'habitat 2014 (RGPH2014)". Recensement général de la population et de l'habitat 2014 (RGPH2014) (ب الفرنسية). Retrieved 2026-04-27.
- ↑ "السكان القانونيون بالمملكة المغربية حسب الإحصاء العام للسكان والسكنى لسنة 2024". hcp. 2024-11-11. Retrieved 2026-04-24.
- ↑ "قبائل صنهاجة (إزْناكَن).. الرحالة الكبار". ma3lama. 2022-08-22. Retrieved 2026-04-24.
- ↑ "القبائل المغربية : العربية الامازيغية.تاريخهم اصولهم فروعهم". lestribusmarocaines. 2019-09-30. Retrieved 2026-04-24.
- ↑ وكاري, سالم (2021-05-07). "براديجم الولاية في الجنوب المغربي". journals. المجلس الأعلى للعلماء العرب. pp. 117–97. Retrieved 2026-04-24.
- ↑ ouakari, salem (2021-01-16). "Legend Of Origin The Tribe Between The Illusion Of Lineage And Propagation Circumstance: Through A Study Of Case Of Ait Oussa In Southern Morocco". asjp. مجلة العبر للدراسات التاريخية و الاثرية في شمال افريقيا. pp. 118–132. Retrieved 2026-04-24.
- ↑ الزرهوني, محمد (2022-12-30). ""آيت الأربعين" في المجتمع الصحراوي.. الأدوار السياسية والاجتماعية لتنظيم الجماعة". ma3lama. Retrieved 2026-04-24.
- ↑ "الموكار". snrt. قناة الأولى. 2026-04-23. Retrieved 2026-04-24.
- ↑ وكاري, سالم (2021-01-16). "أسطورة الأصل: القبيلة الصحراوية بين وهم النسب وواقع الانتشار من خلال دراسة لحالة أيت أوسى في الجنوب المغربي". asjp. مجلة العبر للدراسات التاريخية و الاثرية في شمال افريقيا. pp. 118–132. Retrieved 2026-04-24.
- ↑ "صناعة الانتماء". www.dohainstitute.org (ب العربية). Retrieved 2026-04-26.
- ↑ "Recensement général de la population et de l'habitat 2014 (RGPH2014)". Recensement général de la population et de l'habitat 2014 (RGPH2014) (ب الفرنسية). Retrieved 2026-04-27.
- ↑ "Recensement général de la population et de l'habitat 2014 (RGPH2014)". Recensement général de la population et de l'habitat 2014 (RGPH2014) (ب الفرنسية). Retrieved 2026-04-27.
- ↑ "وثائق حول نتائج الإحصاء العام للسكان والسكنى 2024". HCP. 2025-01-01. Retrieved 2026-04-24.
- ↑ المتوكل, الشيخ محمد (2026-01-07). "آسا". wikipedia. Retrieved 2026-04-24.
- ↑ "Recensement général de la population et de l'habitat 2014 (RGPH2014)". Recensement général de la population et de l'habitat 2014 (RGPH2014) (ب الفرنسية). Retrieved 2026-04-27.
- ↑ "Recensement général de la population et de l'habitat 2014 (RGPH2014)". Recensement général de la population et de l'habitat 2014 (RGPH2014) (ب الفرنسية). Retrieved 2026-04-27.
- ↑ "Recensement général de la population et de l'habitat 2014 (RGPH2014)". Recensement général de la population et de l'habitat 2014 (RGPH2014) (ب الفرنسية). Retrieved 2026-04-27.
- ↑ Gauthier, Christophe. "وثائق حول نتائج الإحصاء العام للسكان والسكنى 2024". Site institutionnel du Haut-Commissariat au Plan du Royaume du Maroc (ب الفرنسية). Retrieved 2026-04-27.
- ↑ "الموقع الثقافي للصحراء". sahara-culture. 2026-01-01. Retrieved 2026-04-24.
- ↑ "PROVINCE ASSA-ZAG". presse. 2025-01-01. Retrieved 2026-04-24.
 |
ويكيميديا كومنز عندا تصاور و معلومات على أسا. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
