لاخصاص
لاخصاص
| ||||
|
لخصاص (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم سيدي إيفني | |||
| السكان | ||||
| شحال دالسكان | 3,329 (1994) | |||
| شحال دلفاميلات | 1,474 (2024) | |||
| معلومات خرين | ||||
| الرمز لجغرافي | 6545623 | |||
لاخصاص مدينة مغريبية و جماعة ترابية حضرية كاينة ف إقليم سيدي إيفني، جهة ݣلميم واد نون، ساكنين فيها 4704 واحد، على حسب لإحصاء لعام 2014.[1]
- نسبة لأمية (نّاس لّي ما كايعرفوش يقراو ولا يكتبو) : 34,9%
- نسبة سّكان لّي قاريين فوق الليسي (ليسي و جامعة): 17,9%
- نسبة نّاس نّشيطين (لّي يقدرو يخدمو): 39,9%
- نسبة لبطالة (نّاس لّي ما خدامينش و تايقلبو على خدمة): 19,8%
- نسبة نّاس اللي خدامين ف دّولة (ولا لبيطاليين اللي سبق ليهوم خدمو): 19,9%
- نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):34,9%
كاتوجد الأخصاص على ارتفاع حوالي 930 متر فالمناطق الغربية ديال جبال الأطلس الصغير، وعلى بعد حوالي 140 كيلومتر جنوب أكادير، و66 كيلومتر شمال شرق كلميم، وحوالي 60 كيلومتر شرق سيدي إفني. وكيقطع المنطقة طريق وطني مهم كيربط شمال المغريب ب لجنوب حتى للصحراء. المناخ ديالها شبه صحراوي، كيسقط فيه المطر بشكل ضعيف (حوالي 200 ملم فالسنة) وغالباً ففصل شتاء.[2]
قبيلة الأخصاص هيا من قبائل سوس ف الجنوب الغربي ديال لمغريب، وكيحدّها من الشرق قبيلة آيت الرخا وأهل إفران، ومن الشمال آيت براييم، ومن الجنوب قبيلة إد ابراهيم التابعة لاتحادية قبائل آيت النص وقبيلة أهل كلميم، ومن الغرب قبيلة آيت الخمس التابعة لاتحادية قبائل آيت باعمران. وكاينة حتى قبيلة أخرى بنفس الاسم ف شمال المغرب ف نواحي تازة، وكيقال أنها ممكن تكون الأصل ديال هاد القبيلة السوسية.[3]
وكتتقسم قبيلة الأخصاص لربع مجموعات كبار (فِرَق)، وهي:
- آيت بوياسين: وكيضمو قرى تازارين، ايمزيلن، إيد ياسين، آيت سيدي علي أو سعيد، إيدوهاشم، آيت عبدالله، آيت الدودرار، آيت تالات، إيد سماعين، إيد بركة، آيت الطرف أواسيف، وآيت إيدير نتدرارت.[3]
- إيد بويفولن: ومن قراها بويزاكارن، آيت واسيف، آيت أوفغا، إيزوكارن، إيد بوالروي، إيد بنسالم، أكادير أومغار، تالات واركان، تالات ترعمت، إيد غزال، وتيمولاي.[3]
- آيت إيعلاتن: وكيشملو أنامر أوفلا، أنامر إيزدار، إيفرض نيد عدي، توفنييت، وآيت علي.
- آيت العربا: وكيضمو ميرخت، إيفرض نيد لعربا، تالات نتيضاف، وإيد بوحماد.
وهاد التقسيم كيبين التنظيم الاجتماعي التقليدي ديال القبيلة، حيث كل فرقة فيها قرى مرتبطة ببعضها بعلاقات عائلية وتاريخية قوية، وكتعاون فتنظيم الحياة اليومية والشؤون المحلية ديال السكان.[3]
عرفات المنطقة نمو سكاني تدريجي بسبب هجرة عائلات أمازيغية من جبال الأطلس الصغير نحو لواحة، بينما كيمشي جزء من السكان للمدن الكبرى بحال تيزنيت وأكادير بحثاً عن العمل.[4]
| السنة | 1994 | 2004 | 2014 | 2024 |
| عدد السكان | 3329 | 4194 | 4729 | 5603 |
القتصاد لمحلي كيعتمد أساساً على لفلاحة لجبلية وتربية لماشية، خصوصاً الغنم والماعز. وكتلعب شجرة الأركان دور مهم فالنشاط الاقتصادي حينت كنتج زيت الأركان اللي كيدار فـتعاونيات نسائية. أو كاين نشاط تجاري محدود مرتبط بالأسواق المحلية.[5]
منذ القرن 11 الميلادي كانت الأخصاص محطة مهمة فطرق القوافل التجارية اللي كانت كتربط بين موريتانيا والسنغال مروراً بالصحراء فاتجاه أكادير ومراكش. وما زال حتى اليوم كاين نشاط محدود لتجارة المواشي فالسوق المحلي.
المنازل القديمة المبنية بالطين (التراب المدكوك) ولات قليلة بسبب التدهور، وتعوضت بمنازل حديثة مبنية بالإسمنت والحجارة، وغالباً كيتصبغو بألوان حمراء أو ترابية كتناسب مع طبيعة المنطقة الجافة.
- ↑ "RGPH 2014 - Site HCP". Archived from the original on 2023-07-02. Retrieved 2020-02-28.
- ↑ "Lakhsas – Klimatabellen". Climate-Data.org. Retrieved 2026-05-08.
- 1 2 3 4 Mzali, Mohamed Zalmadi (lundi 23 septembre 2019). "Tribus du Maroc - قبائل المغرب: قبيلة الاخصاص". Tribus du Maroc - قبائل المغرب. Retrieved 2026-05-08.
{{cite web}}: Check date values in:|date=(معاونة) - ↑ "Lakhsas – Karte + Fakten". CityPopulation. Retrieved 2026-05-08.
- ↑ "قطاع الأركان والفلاحة بالمغرب". وزارة الفلاحة والصيد البحري والتنمية القروية. Retrieved 2026-05-08.[ليان مهرس ديما]
 هادي زريعة ديال مقالة خاصها تّوسع. تقدر تشارك ف لكتبة ديالها. |