سيدي إيفني

سيدي إيفني
‫سيدي إفني‬ (ar) ⵙⵉⴷⵉ ⵉⴼⵏⵉ (shi) Sidi Ifni (shi-latn)
تاريخ التأسيس	1934
لبلاصة
لبلاد	لمغريب
لإقليم	إقليم سيدي إيفني
السكان
شحال دالسكان	22,696 (2024)
شحال دلفاميلات	6,387 (2024)
لجغرافيا
لعلو	155 م
خط الطول بـ °	-10.17917633
خط لعرض بـ °	29.37858509
معلومات خرين
كود د لبوصطة	85200
الرمز لجغرافي	2534515
لخريطة

سيدي إيفني من الشمال

سيدي إيفني مدينة مغريبية و جماعة ترابية حضرية كاينة ف إقليم سيدي إيفني، جهة ݣلميم واد نون، ساكنين فيها 21588 واحد، على حسب لإحصاء لعام 2014.

على حساب محمد شفيق، كلمة "إفني" ف لأمازيغية كاتعني "ضاية".

التاريخ

سيدي إيفني هي لعاصيمة التاريخية ديال قبايل آيت باعمران، واحد لمجموعة قبلية سوسية تعرفات بلمقاومة ديالها فلوقت ديال ليستعمار، الإستقرار ديالهم ف هاد لبلاصا قديم بزاف من وقت لمرابطين. السكان مركونين من قبائل مصمودة كانو إمكن تما قبل مايجيو قبائل جزولة، من بعد وراهم جاو عرب بني معقل لي منبعد هايكونو جزء من سكان الصحرا لي فيها تال دابا صنهاجيين و عرب لي دازو من لمنطقة و لي إمكن خلاو واحد لمكون صغير ندامج ف المجال الامازيغي.

من 6 مارس 2010 مابقاتش سيدي إيفني تابعا ل تيزنيت. ولات عندها إقليم بوحدها.

لمعالم التاريخية

منارة سيدي إفني لي كاتسمى محليا ب"لفارو"

أغلب لمعالم التاريخية فمدينة سيدي إفني كيرجع التاريخ ديالها للفترة ديال لإستعمار لصبليوني للمدينة، حيت قامت صبانيا بلبني ديالها وعطاتها طابع معماري إيبيري، منها لبناية لي كانت مخصصة للقنصلية الصبليونية، ولي كاتسمى "لباكاضوريا"، بلإضافة لمعالم خرا بحال السينما، ومبنى لبلدية، ولكنيسة، ولمنارة، والتلفريك. كاينين شي بنايات من هادو (لعدد ديالهم 11) لي لحد لآن لملكية ديالهم كترجع للدولة لصبليونية. شي بنايات خلّاهوم لإستعمار لصبليوني تستغلو من بعد لإستقلال، وتحولو لبنايات رسمية بحال لمقر ديال بلدية سيدي إفني لحالي وغيرو. وتحول حتى واحد من لكنائس لكبيرة لمقر ديال لمحكمة دابا، وتبنى فكنيسة تانية فحي للامريم مسجد من بعد ما ترمّم وتأهّل.

نصب تذكاري فيه ليحة بأسماء لشهداء ديال معارك أيت باعمران باش يتحرر سيدي إفني من لإحتلال لصبليوني

منارة سيدي إفني

كاتسمى محليا ب"لفارو" وجات هاد لمنارة فوسط لمدينة، وهي عبارة على برج مربع بمعرض ولفانوس، لبناية طالعة بجوج طباق مصبوغين بلبيض ولقبة ديال لفانوس كحلة، وهادشي كيبين لهندسة لمعمارية لإيبيرية.

مطار سيدي إفني

​مطار سيدي إفني كيتسمى محليا ب"لابيسيون"، وكان كيعرف حركة كبيرة ديال الطيارات الصبليونية فلوقت ديال لحماية الصبليونية على لمغريب للمدينة. أما لوضعية ديالو دابا فهي موضوع نزاع قضائي. وكيتم لإستغلال ديالو للهبوط ديال لهيليكوبترات (لمروحيات) باش ينقلو لمرضى ولحالات لمستعجلة من سيدي إفني.

تعليم

• نسبة لأمية (نّاس لّي ما كايعرفوش يقراو ولا يكتبو) : 25,7%
• نسبة سّكان لّي قاريين فوق الليسي (ليسي و جامعة): 21,8%

السكان

لعام	1994	2004	2014	2024
لعدد ديال السكان	19.722	20.051	21.618	22.696

هاد الزيادة لخفيفة ولمستمرة فعدد لسكان كترجع بلأسا للهجرة ديال لناس، وأغلبهم أمازيغ، من لمناطق الجبلية لي كاينة فلداخل (لحوز) ولا من مناطق خرا فلمغريب.

قتيصاد

كيعتمد لإقتصاد ديال لمدينة على الرواج لإقتصادي لي كيوفر لمرصى من تصدير لحوت بلأسا السردين، وتوفير لخدمة لليد لعاملة لمحلية. وكيوفر حتى شجر أركان ونبات الكرموص( الصبار )فرص ديال لخدمة موسمية بلخصوص للعيالات لقرويات. وكتزدهر السياحة بلأخص ففصل الصيف فلمدينة والنواحي ديالها، بسباب الطابع السياحي لفريد ديال لمدينة ولوجود ديال شواطئ على طول الشريط الساحلي، وكنلقاو من بينها شواطئ ميرلفت ولكزيرة والشاطئ لبيض.

• نسبة نّاس نّشيطين (لّي يقدرو يخدمو): 45,1%
• نسبة لبطالة (نّاس لّي ما خدامينش و تايقلبو على خدمة): 30,2%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 28,1%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):34,4%

مصادر

ويكيميديا كومنز عندا تصاور و معلومات على سيدي إيفني.

هادي زريعة ديال مقالة خاصها تّوسع. تقدر تشارك ف لكتبة ديالها.