ݣلميم

ݣلميم
‫گلميم‬ (ar) ⴳⵯⴻⵍⵎⵉⵎ (tzm)
لبلاصة
لبلاد	لمغريب
لإقليم	إقليم گلميم
السكان
شحال دالسكان	126,729 (2024)
شحال دلفاميلات	25,667 (2014)
لجغرافيا
لعلو	298 م
خط الطول بـ °	-10.05283356
خط لعرض بـ °	28.98351667
معلومات خرين
توقيت ديال لمدينة	التوقيت لعالمي لموحًد
الرمز لجغرافي	2548526
لخريطة

ݣلميم مدينة مغريبية و جماعة ترابية حضرية كاينة ف إقليم ݣلميم، جهة ݣلميم واد نون، ساكنين فيها 117988 واحد، على حسب لإحصاء لعام 2014. كاين فݣلميم 53 جامع و 5 دالزاويات.

قتيصاد

• نسبة نّاس نّشيطين (لّي يقدرو يخدمو): 41,4%
• نسبة لبطالة (نّاس لّي ما خدامينش و تايقلبو على خدمة): 29,5%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 25,6%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):37,5%

الفلاحة

لمنطقة ديال كلميم كاتتوجه بلخصوص لتربية لماشية (سرحة)، وزراعة لواحاتية، وزراعة لحبوب على امتداد لأراضي لبورية وأراضي لفيض اللي كتشكل نسبة كبيرة من لأراضي صالحة للزراعة، بالإضافة للزراعة لمسقية اللي بعض الأنواع منها كيتطلب تقنيات ديال الري المقتصد فالماء.

وزراعة لحبوب هي اللي كاتجي فالمقام الأول من حيث المساحة المزروعة، ولكن رغم ذلك الإنتاجية ديالها ضعيفة حيث كتعطي معدل إنتاج كيقدر بحوالي 700 درهم للهكتار، يعني ما كتغطيش حاجيات السوق المحلي، وغالباً هاد لمحاصيل كيتستعملوها فالاستهلاك ذاتي وعلف الماشية. أما زراعة الخضروات فهي معتمدة على سقي عبر ضخ لمياه لجوفية، ومع استعمال فبعض لحالات لتقنيات الري بلتنقيط، وكتوصل الإنتاجية ديالها لحوالي 500 19 درهم للهكتار.

تمتد زراعة الصبار على مساحات كبيرة فإقليم كلميم من ساحل حتى لمرتفعات، ورغم أنها كتكبر تدريجياً منذ لقدم، إلا أن أهم عمليات لغرس تدارو فعشر سنين لأخيرة، بحيث كيساهم فمحاربة التصحر وحماية البيئة، وكايشكل حتى مصدر دخل مهم نسبياً للفلاحين ومورد ديال لأعلاف اللي كيساعد فتعليف لماشية، وكيساهم فتحسين لمراعي وخلق احتياطي ديال لأعلاف كيتستعمل ففترات الجفاف.

وللإشارة، كاينين إمكانيات كبيرة لتوسيع لمساحات لمغروسة بالصبار حيث كاين آلاف لهكتارات صالحة ليه، وكاينين مشاريع واستراتيجيات باش يتثمن المنتوج ديالو.

الصناعة

كتسيطر صناعات الغذائية على لقطاع صناعي فإقليم كلميم، حيث كيوصل عدد لوحدات صناعية فيه لـ19 وحدة، منها 13 وحدة فمجال صناعات لغذائية، و4 وحدات فتصنيع لقطع لمعدنية، ووحدة فصناعة لخشب، ووحدة أخرى فقطاع تعدين.

ولكن صناعة بصفة عامة كتعتبر من أضعف لقطاعات فكلميم، حيث أهم وحدة إنتاجية (لمطاحن لكبرى لكلميم) توقفت على الإنتاج من عام 2007، رغم أنها كانت كتوفر حاجيات أقاليم طانطان، آسا الزاك، طاطا، وداخلة. وكانت القدرة الإنتاجية ديالها كتوصل فلمتوسط لـ1400 قنطار فاليوم و620 طن فالشهر، وكانت كتوفر 130 منصب شغل قار وحوالي 450 منصب شغل مؤقت.

ومن جهة أخرى، قطاع صناعة تقليدية فكلميم كايعتبر مجال مهم لانتعاش لمقاولات لصغيرة، حيث كيشكل ركيزة أساسية فالإقتصاد لمحلي، سواء من حيث لمعاملات أو ليد العاملة اللي كيشغلها. الأرقام كتشير إلى حوالي 3000 صانع وصانعة كيمارسو أكثر من 38 حرفة بمختلف الأنواع الفنية والإنتاجية والخدماتية.

السياحة

قصبة أكويدير بكلميم

• مجمع صناعة تقليدية: كايتوفر على قاعة للعروض وورشات، وكيضم 25 دكان، وجوج قاعات ديال تكوين لمهني، زيد عليه لمرافق الأخرى. هاد لفضاء كيجمع لحرفيين وصناع تقليديين وكيتم عرض المنتوجات المحلية بحال لحلي ولمجوهرات.
• قصبة أكويدير: قصبة تاريخية كاينة فواحد من أعلى النقاط فمدينة كلميم، ومن تما كيتشاف منظر بانورامي للمدينة.
• مهرجان أسبوع الجمل: مهرجان سنوي كيتنظم فكلميم وكيهدف لتنشيط لمدينة اقتصادياً وسياحياً وثقافياً ورياضياً واجتماعياً، وكيضم سباقات للهجن واستعراضات للفروسية وسهرات فنية بمشاركة فنانين مغاربة وأجانب.

الدين

جوامع

فكلميم كاينين 53 جامع.

الزوايا

كاينين خمسة زوايا: زاوية تيجانية، زاوية لقادرية لبوتشيشية، زاوية درقاوية شادلية، زاوية لجكانية، وزاوية شيخ أبا علي محمد.

مطار كلميم

طرونسبور

كلميم عندها شبكة طرقية مزيانة كاتربط بين أحياء المدينة، وكاينة محطة طرقية للحافلات وسيارات تلأجرة. وكايتواجد كذلك مطار كلميم اللي كيربط لمدينة برحلات مباشرة مع الدار البيضاء ولاس بالماس ولانزاروت.

فنونبر 2025، بدات شركة ليما بيس لخدمة بأسطول ديال لحافلات للنقل لحضري داخل مدينة كلميم أو حتى نقل شبه حضري للجماعات لقريبة.

الاتصالات

حسب إحصائيات سنة 2004، 17% من لعائلات عندهم لهاتف لثابت و73% عندهم لهاتف لمحمول.

تعليم

• نسبة لأمية (نّاس لّي ما كايعرفوش يقراو ولا يكتبو) : 25,1%
• نسبة سّكان لّي قاريين فوق الليسي (ليسي و جامعة): 21,9%

مدينة كلميم فيها:

• 17 مؤسسة ديال تعليم ليبتدائي.
• 9 مؤسسات ديال تعليم لإعدادي.
• 8 مؤسسات ديال تعليم ثانوي تأهيلي، من بينها ثانوية تقنية وتعليم لأصيل.

سيكتورات ت لمدينة

حي رجاء فالله	حي سيدي الغازي	حي السعديين	حي باب الصحراء	حي واد نون	حي المسيرة	حي القدس	حي الصناعة (الحي الصناعي)
حي الفيلة	الحي الإداري	حي الموحدين	حي الشام	حي المقاومة	حي الرحمة	حي السلام
حي الفتح	حي لالة حسناء	حي أمحيريش	حي لالة مريم	حي تيرت السفلى	حي تيرت العليا	حي الشهداء

وصلات خارجية

• الصفحة الرسمية لجماعة لكلميم (فايسبوك)

مصادر

ويكيميديا كومنز عندا تصاور و معلومات على ݣلميم.

هادي زريعة ديال مقالة خاصها تّوسع. تقدر تشارك ف لكتبة ديالها.