سمع لهاد لمقال

تّقسيم تّرابي د لمغريب

من ويكيپيديا
اذهب إلى التنقل اذهب إلى البحث
سمع لهاد لمقال
Spoken Wikipedia icon
هاد لؤديو مخدوم من واحد نوسخة د لمقال "تّقسيم تّرابي د لمغريب" بتاريخ 2020-01-29، وماداخلش فيه تبديلات لي جاو من بعد.
لجيهات د لمغريب

تّقسيم تّرابي د لمغريب هو تّقسيم لّي كايحدد لمجال لإداري لّي كاتنتمي ليه كل نقطة جغرافية ف لمغريب، من أصغر مستوى (لجماعة) ل أعلى مستوى (لجيهة). هاد تّقسيم وقعو فيه بزاف ديال تّطورات و تّبديلات من نهار خدا لمغريب لستيقلال ديالو. تّقسيم تّرابي كايتحدد ب قوانين و مراسيم و تايتنشر ف لجريدة رّسمية.

ف لوقت لحالي، وعلى حسب لمرسوم رقم 2.15.40 لّي خرج ف 20 فبراير 2015، لمغريب مقسّم ل 12 جيهة ول 75 إقليم/عمالة و ل 1538 جماعة (حضرية ولا قروية ولا مقاطعة).[1]

على حسب دّستور لمغريبي، ف لفصل 71، لمفهوم ديال لجماعة تّرابية كايشير ل لجيهات و لعمالات/لأقاليم و لجماعات، و هاد لجماعات تّرابية كاملة عندها مجالس منتخبة و لقانون كايحدد لمجالات لّي كاتدخل ف سّلطات ديالها و كيفاش و منين كاتجيب فلوس لميزانيات ديالها. غير هو هاد لجماعات تّرابية كاتخدم وكاتسير تحت لوصاية ديال وزارة دّاخلية و لموظفين ديالها لّي هوما لقياد و لباشاوات و لعمال ولولاة، ولّي كايتعينو من طرف لحوكومة.

تاريخ[بدل | بدل لكود]

لحماية[بدل | بدل لكود]

ف منطقة لحماية لفرنسية[بدل | بدل لكود]

تّقسيم لإداري د لمغريب ف فترة لحماية لإسبانية

ف منطقة لحماية لإسبانية[بدل | بدل لكود]

يامات لحماية لإسبانية ف شّمال د لمغريب (بين 1913 و1956)، تّقسيم كان على حساب لمجال تّاريخي ديال لقبايل د أريف و لمنطقة د جبالة. لمغريب لإسباني (لّي كانت سميتو رّسمية لمنطقة لخليفية) كان مقسم ل خمسة ديال لأقاليم:

  • جبالة: لعاصمة ديالها تطوان.
  • لوكوس: لعاصمة ديالها لعرايش.
  • شّاون: لعاصمة ديالها شّاون.
  • أريف: لعاصمة ديالها لحسيمة (ولا بيّا على حسب سمية ديالها ف لمدة د لحماية).
  • كرت: لّي لعاصمة ديالها نّاظور.

تّقسيم صّغير كانو هوما لقبايل(كابيلاس Cabilas على حسب تّسمية لإدارية سّبنيولية) و لّي كان لعدد ديالهوم 44 قبيلة. ةاحد لملاحظة مهمة هنا، لقبايل هنا كانو ب معنى جغرافي و ماشي دموي/عرقي.

كابيلاس/لقبايل ديال شّمال د لمغريب ف فترة لحماية لإسبانية
  • كبدانة
  • مازوزا
  • أولاد ستوت
  • قبيلة بني بويحيى
  • بني بويفرور
  • بني سيدل
  • بني شيكر
  • بني بوغافر
  • بني سعيد
  • تمسمان
  • بني أوليشك
  • تافرسيت
  • بني توزين
  • مطالسة
  • مسطاسة
  • بني جميل
  • بني سدات
  • كتامة
  • بني بوفراح
  • تارجيست
  • زرقات
  • بني خنوس
  • بني بونصار
  • تاغزوت
  • بني بوشيبت
  • بني أحمد
  • بني بشير
  • بني عمارت
  • بني مزدوي
  • بني ورياغل
  • بني يطفت
  • بقيوة
  • مطيوة
  • بني ارزين
  • بني سميح
  • بني كرير
  • بني بوزراع
  • بني خالد
  • بني منصور
  • بني أحمد
  • غزاوة
  • بني زيات
  • بني سيشل
  • بني سلمان

لجيهات ب لأقاليم/لعمالات ديالها[بدل | بدل لكود]

ف لجدول لّي لتحت لجيهات ال 12 ديال لمغريب ب لأقاليم و لعمالات ديالها، على حسب لمرسوم رقم 2.15.40 لّي تنشر ف لجريدة رّسمية ف 5 مارس 2015:

لجيهة لعاصمة د لجيهة لعمالات ولأقاليم عدد لجماعات
رّباط سلا قنيطرة رّباط رّباط، سلا، صّخيرات-تمارة، قنيطرة، لخميسات، سيدي قاسم، سيدي سليمان 122
دّار لبيضا سطات دّار لبيضا دّار لبيضا، لمحمدية، جّديدة، نّواصر، مديونة، بنسليمان، برشيد، سطات، سيدي بنور 168
بني ملال خنيفرة بني ملال بني ملال، أزيلال، لفقيه بن صالح، خنيفرة، خريبگة 135
مراكش آسفي مراكش مراكش، شيشاوة، لحوز، قلعة سّراغنة، صّويرة، رّحامنة، آسفي، ليوسفية 255
گلميم واد نون گلميم گلميم، آسا-زّاگ، طانطان، سيدي إيفني 53
طنجة تطوان لحسيمة طنجة طنجة-أزايلا، لمضيق-لفنيدق، تطوان، لفحص-أنجرة، لعرايش، لحسيمة، شفشاون، وزان 149
شّرق وجدة وجدة-أنگاد، نّاظور، دّريوش، جرادة، بركان، تاوريرت، گرسيف، فيگيگ 124
فاس مكناس فاس فاس، مكناس، لحاجب، إيفران، مولاي يعقوب، صفرو، بولمان، تاونات، تازة 199
درعة تافيلالت رّاشيدية رّاشيدية، ورزازات، ميدلت، تنغير، زاگورة 125
سوس ماسة أگادير أگادير إيداوتانان، إينزگان آيت ملول، اشتوكة آيت باها، تارودانت، تيزنيت، طاطا 175
لعيون سّاقية لحمرا لعيون لعيون، بوجدور، طرفاية، سّمارة 20
دّاخلة واد دّهاب دّاخلة واد دّهاب، أوسرد 13

مصادر[بدل | بدل لكود]

  1. المغرب يتبنى تقسيما ترابيا جديدا - البوابة الوطنية للجماعات الترابية
Wikimedia Commons تقدر تزيد شوف بزاف د صور و معلومات ديال Subdivisions of Morocco ف ويكيميديا كومنز.