إفريقيا
إفريقيا مشيوفة من السما
إفريقيا كاتعتابر ثاني أكبر قارة من ناحيت الكثافة ديال السكان. لمساحة ديالها تقريبا شي 30.3 مليون كلم2 (11.7 مليون ميل مربع) بما فيها الجزر للي تابعين ليها، كاتغطي شي 6% من المساحة ديال لارض و 20% من المساحة القارية ديالها.[1] فيها شي 1.2 مليار ديال الناس عام 2016، كايمتلو 16% من الساكنة ديال العالم. القارة داير بيها لبحر لبيض لمتوسط من جيهة الشمال، وقناة السويس والبحر لحمر من الشمال، المحيط الهندي من الجنوب الشرقي ولمحيط لأطلسي من الغرب. القارة فيها ماداݣاسكار وشحال من أرخبيلات اخرين. كاتضم 54 دولة معترف بها (دول)، وتسعود ديال الأقاليم وجوج دول مستقلين بحكم الأمر الواقع عندها اعتراف محدود ولا معندهاش اعتراف.[2] أغلبية القارة والدول ديالها كاينين الجزء الشمالي.
أغلبية السكان ديال أفريقيا صغار فالعمر;[3][4] متوسط العمر ف 2012 هو 19.7، ملي متوسط العمر فالعالم كان هو 30.4.[5] الجزائر هي أكبر دولة ف إفريقيا من ناحيت المساحة، ونيجيريا هي الكبيرة من ناحيت عدد السكان. كاتعتابر أفريقيا و خصوصا أفريقيا الشرقية، الأصل ديال الإنسان و (القردة العليا), و اللي كايدل عليه لإكتشاف ديال الهومينيد و لأسلاف ديالهم و حتى هادوك للي تايرجع التاريخ ديالهم ل شي 7 د لمليون عام، بما فيهم إنسان الساحل التشادي، وأوسترالوبيتيكوس لإفريقي، وأوستراليبيتيكوس أفارينسيس، وهومو إريكتوس، وهومو هابيليس وهومو إركاستر والهومو سابيينس الأولين (الإنسان ديال دابا)، للي تلقا فإتيوبيا، تايرجع ل جوايه 200.000 عام.[6] جات أفريقيا فوق خط لإستواء و كاتضم بزاف ديال المناطق المناخية; وهي القارة الوحيدة للي كاتمتد من المناطق المعتدلة الشمالية حتى للمناطق المعتدلة الجنوبية.[7]
إفريقيا فيها مجموعة كبيرة ومتنوعة من الأعراق والثقافات واللغات. ف الأواخر ديال القرن التاسع عشر، استعمرت الدول الأوروپية إفريقيا كلها تقريبًا؛ أغلبية الدول للي كاينين دبا فأفريقيا جاو من بعد ما سالا الإستعمار في القرن العشرين. تتعاون الدول الإفريقية بيناتها بليتيحاد ليفريقي، اللي كاين المقر الرئيسي ديالو فأديس أبابا.
كاين واحد لكتاب سميتو وصف أفريقيا ديال لحسن الوزاني المعروف ب ليون الإفريقي. هاد لكتاب تكتا ف 1550 و فيه بزاف ديال المعلومات و الوصف ديال بزاف د لبلايص ف إفريقيا.
- ↑ Sayre, April Pulley (1999)، أفريقيا، Twenty-First Century Books. ISBN 0-7613-1367-2.
- ↑ شوف ليست ديال الدول السيادية والمناطق المستقلة فأفريقيا.
- ↑ Swanson, Ana (17 غشت 2015). "5 ways the world will look dramatically different in 2100". Washington Post. Archived from the original on 2022-03-16. Retrieved 2019-10-31.
- ↑ Harry, Njideka U. (11 شتنبر 2013). "African Youth, Innovation and the Changing Society". Huffington Post. Archived from the original on 17 أكتوبر 2017.
- ↑ Janneh, Abdoulie (April 2012). "item,4 of the provisional agenda – General debate on national experience in population matters: adolescents and youth" (PDF). United Nations Economic Commission for Africa. Archived (PDF) from the original on 2017-09-15. Retrieved 15 دجنبر 2015.
- ↑ "Homo sapiens: University of Utah News Release: 16 February 2005". Archived from the original on 24 أكتوبر 2007.
- ↑ "Africa. General info". Visual Geography. Archived from the original on 24 أبريل 2011. Retrieved 24 نونبر 2007.
 |
ويكيميديا كومنز عندا تصاور و معلومات على إفريقيا. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
