بوطسوانا

من ويكيپيديا
اذهب إلى التنقل اذهب إلى البحث
بوطسوانا

Botswana (af)

Flag of Botswana.svg Coat of arms of Botswana.svg
نشيد Fatshe leno la rona
لعاصيمة ڭابورون
الساكينة
شحال دالسكان 2,291,661 (2017)
اللوغات الرسمية نڭليزية
متوسط ديال لعمر 66.797 (2016)
لجغرافيا
لميساحة 581,737 كم²
لقمة لعالية Otse Hill (1,491 م)
لبلاصة الطايحة نهر ليمبوبو (513 م)
لإدارة
نضام الدولة جمهورية
رئيس بوتسوانا Mokgweetsi Masisi
رئيس بوتسوانا Mokgweetsi Masisi
لبرلمان جمعية بوتسوانا الوطنية
لقتيصاد
لبيطالة (شوماج) 18 % (2014)
مؤشر التنمية لبشرية 0.717 (2017)
لفلوس بوتسوانا بولا
معلومات خرا
توقيت ديال لبلاد ڭرينيتش +2
Central Africa Time
رمز لبلاد BW
رمز لانترنيت ‎.bw‎
رمز التيليفون +267
نيميرويات دليرجونس 911، 997، 998 و 999
الجهة دالصوگان ليسر
السيت الرسمي gov.bw

بوطسوانا (بالتسوانية:Lefatshe la Botswana) هي بلاد ماكاطلش على لبحر جات ف لجنوب د إفريقيا. بوطسوانا بلاد واطية و 70% من لمساحة ديالها هي الصحرا د كالاهاري. تاتحدًها من لجنوب جنوب إفريقيا، من الشرق زيمبابوي، من لغرب ومن الشمال ناميبيا، و زامبيا من الشمال.

بوطسوانا كانت مستعمرة د بريطانيا من 1885 تال 30 شتنبر 1966، اللي كان هو النهار اللي ستاقلاًت فيه و دخلات فيه عضو للمنظمة د لكومنويلث.

بوطسوانا بلاد تأترات بزاف بلمرض د السيدا[1] اللي جا لتقريبا 20% د الناس ديالها على حساب لإحصائيات د 2014.

تيسكنو ف بوطساونا تقريبا 2.3 مليون د الناس و لعاصمة ديالها هي ڭابورون. اللغات الرسمية د لبلاد هي لينڭليزية و التسوانية و لفلوس اللي كاتخدًم هي پًولا. بوطسوانا عضو د لأمم لمتحدة و ليتيحاد لإفريقي و لمجموعة د التنمية د إفريقيا لجنوبية.

لمجتمع[بدل | بدل لكود]

ناس[بدل | بدل لكود]

عيالات باطسوانا ب لباس تقليدي ديالهم

فبوطسوانا لمجموعة لإتنية د لأغلبية هي طسوانا بـ79% من سكان، ولأقليات لكبار كاين لباكالانڭا، صان ولا أباطوا، لي معروفين ب باصاروا. لقبايل خرين هوما بايي، بامبوكوشو، باسوبيا، باهيريرو، و باكڭالاڭادي. زيد عليها لبويض ولهنود، لي قلال وتقريبان قد قد. لهنود ديال بوطسوانا مكونين من أجيال مختالفة، شي وحدين كانو هاجرو من لموزامبيق، كينيا، طانزانيا، جزر لموريس، و جنوب إفريقيا، ؤ وحدين خرين هوما لجيل لول لي هاجر من لهند نيشان. من بعد 2000، وبسباب لوضعية لقتيصادية فزيمبابوي، لعاداد ديال زيمبابويين فبوطسوانا طلع لكتر من عشرالاف.[2]

قل من عشرالاف واحد من صان مزالين عايشين بطريقة تقليدية ديال صيادة ولقطف. من لخر ديال تسعينات، لحوكومة د بوطسوانا كاتحاول تخرج صان من لأراضي ديالهم تاريخية.[3] جايمس أنايا، لمقرر لخاص د لأمم لمتحدة على لحالة د حقوق لإنسان ولحريات ديال ناس لأصليين، فـ2010 وصف بلي لخصارة ديال لأراضي هو واحد من لمشاكيل لي كيعاني منها ناس لأصليين د بوطسوانا، وعطا لميتال ديال صان لي جراو عليهم من لمحمية د كالاهاري لوسطانية.[4] من بين لقتيراحات د أنايا لي عطاهم للمجليس د حقوق لإنسان فلأمم لمتحدة هو أنه هو خاص يدارو برامج ديال تنمية لي غادي تعاون ناس بحال صان وباكڭالاڭادي، ويتشاورو معاهم باش يديرو ليهم أنشطة داخلة فتقافة ديالهم بحال صيادة تقليدية ولقطف.[5]

لمصادر[بدل | بدل لكود]

  1. معلومات على بوطسوانا - ليونيسيف (2020)
  2. Alexander Betts; Esra Kaytaz (2009). "National and international responses to the Zimbabwean exodus: implications for the refugee protection regime". unhcr.org (بنڭليزية).
  3. Stefan Lovgren (2004-09-14). "African Bushmen Tour U.S. to Fund Fight for Land". nationalgeographic.com (بنڭليزية).
  4. James Anaya (2010-06-02). "Report of the Special Rapporteur on the situation of human rights and fundamental freedoms of indigenous people" (PDF). unsr.org (بنڭليزية). p. 2.
  5. James Anaya (2010-06-02). "Report of the Special Rapporteur on the situation of human rights and fundamental freedoms of indigenous people" (PDF). unsr.org (بنڭليزية). p. 19.
Wikimedia Commons تقدر تزيد شوف بزاف د صور و معلومات ديال Botswana ف ويكيميديا كومنز.