جامايكا

جامايكا
Jamaica (en) Xaymaca (tnq) Yamaye (tnq) Jumieka (jam)
نشيد	جامايكا، لأرض اللي كانبغيو
لعاصيمة	كينڭسطون
الساكينة
شحال دالسكان	2,697,983 (2011)
السمية ديال السكان	جامايكي، جامايكية، جامايكيين, جامايكيات
اللوغات الرسمية	نڭليزية كريولية جامايكية
متوسط ديال لعمر	71 (2022)
لجغرافيا
لميساحة	10,991.90954 كم²
لقمة لعالية	بلو ماونتين پيك (2,256 م)
لبلاصة الطايحة	لبحر د لكاريبي (0 م)
لإدارة
لماليك د جامايكا قائمة الحكام العامين لجاميكا	تشارلز التالت
رئيس د لووزارا د جامايكا	أندرو هولنيس
لبرلمان	لبرلمان د جامايكا
لقتيصاد
الناتج الداخلي لكامل	14,657,586,359 $ (2021)
لبيطالة (شوماج)	13 % (2014)
مؤشر التنمية لبشرية	0.709 (2021)
لفلوس	الدولار الجامايكي
معلومات خرة
توقيت ديال لبلاد	ڭرينيتش - 5 America/Jamaica
رمز لبلاد	JM
رمز لانترنيت	‎.jm‎
رمز التيليفون	+1876
نماري د ليرجونس	١١٠، 112، 911 و 119
جيهة د صوڭان	ليسر
السيت الرسمي	gov.jm

جامايكا (ب لينݣليزية: Jamaica) هي بلاد جزيرة جات ف لبحر د لكاريبي. جامايكا هي تالت أكبر جزيرة ف لكاريبي، مورا كوبا و هيسپانبولا. جامايكا محدودة من لبحر د لكاريبي من ݣاع الجوايه. جات تقريبا 145 كيلومطر ف لجنوب ديال كوبا، و 191 كيلومطر من لغرب ديال هايتي.

لجزيرة ديال جامايكا تحتلات من صبانيا ف 1494، و كانت من لبلايص اللّولا اللي وصل ليها كريسطوف كولومبوس. لأغلبية ديال السكان لأصليين ماتو من مورا ديك لمجية، إما من لمستعمرين نيشان، و لا بلأمراض اللي جابوها معاهم. بداو الصّبليون موراها كيجيبو بزاف د لعبيد من إفريقيا يخدمو تمّا ف لفلاحة. ف 1655، خدات بريطانيا لجزيرة من صبانيا، و سمّاتها جامايكا. ف لوقت ديال لستعمار لبريطاني، ولاّت جامايكا من لمصدرين لكبار ف لعالم د السّكار. ف 1838، عطات بريطانيا لحرّية لݣاع لعبيد اللي فيها، و بزاف من هادوك اللي كانو ف جامايكا ختارو يولّيو فلاحة تيخدمو لراسهم.

ستاقلات جامايكا من بريطانيا نهار 6 غشت 1962، و لكن راها تابعا للكومنويلث، و للتاج لبريطاني، و لملك ديالها دابا هو تشارلز التالت.

تيسكنو ف جامايكا تقريبا 2.9 مليون د الناس، و لعاصمة ديالها هي كينݣسطون. اللغة الرسمية د لبلاد هي لينݣليزية، و لفلوس اللي كاتخدّم هي الدولار الجامايكي. جامايكا تعرفات عالميا ب لموسيقى ديال الريݣي، و الدين الراسطافاري. من أشهر الجامايكيين ف التاريخ كان لمغنّي بوب مارلي، و الجرّاي أوساين بولط، اللي كيتعتابر أسرع راجل ف لعالم.

مصادر

ويكيميديا كومنز عندا تصاور و معلومات على جامايكا.

هادي زريعة ديال مقالة خاصها تّوسع. تقدر تشارك ف لكتبة ديالها.