ناميبيا
ناميبيا
| ||||
|
Republic of Namibia (en)
| ||||
| نشيد | ناميبيا أرض الشجعان
| |||
| لعاصيمة | ڤيندهوك | |||
| الساكينة | ||||
| شحال دالسكان | 2,533,794 (2017) | |||
| اللوغات الرسمية | نڭليزية | |||
| متوسط ديال لعمر | 64.388 (2016) | |||
| لجغرافيا | ||||
| لميساحة | 825,615 كم² | |||
| لقمة لعالية | جبل براندبيرڭ (2,573 م) | |||
| لبلاصة الطايحة | لمحيط لأطلسي (0 م) | |||
| لإدارة | ||||
| رئيس ناميبيا | هاكه كينكوب | |||
| رئيس وزراء ناميبيا | سارا كوغونجيلوا أمادهيلا | |||
| لبرلمان | لبرلمان د ناميبيا | |||
| لقتيصاد | ||||
| لبيطالة (شوماج) | 19 % (2014) | |||
| مؤشر التنمية لبشرية | 0.615 (2021) | |||
| لفلوس | دولار ناميبي | |||
| معلومات خرة | ||||
| توقيت ديال لبلاد | ڭرينيتش +2 Africa/Windhoek | |||
| رمز لبلاد | NA | |||
| رمز لانترنيت | .na | |||
| رمز التيليفون | +264 | |||
| نماري د ليرجونس | 112 و 10111 | |||
| جيهة د صوڭان | ليسر | |||
| السيت الرسمي | gov.na | |||
ناميبيا، رسميا لجمهورية د ناميبيا (بلينݣليزية: Republic of Namibia) هي بلاد جات ف لجنوب لغربي د إفريقيا. تايحدّها من لغرب لمحيط لأطلسي، من الشمال أنݣولا و زامبيا، من الشرق بوطسوانا، و من لجنوب جنوب إفريقيا. ناميبيا ما عندهاش حدود مع زيمبابوي، واخا بيناتهم غي 200 ميطرو، حيت جات بيناتهم بوطسوانا، اللي خدات هاداك الطرف د لواد د الزامبيزي.
لأراضي د ناميبيا كانت مسكونة من شحال هادي من بزاف د لقبايل منهم السان و الدامارا و الناما. ف لقرن 14، جاو قبايل خرا من لبانطو (ف لوقت د لهجرة د لبانطو) اللي تاهوما سكنو ف لمنطقة، و ولاّو هوما لأغلبية د السكان. ف 1884، ستعمرات ألمانيا لمنطقة، و بقات فيها تال مورا لحرب لعالمية اللولا. ف 1920، عطات لعصبة د لأمم لحكيم د لبلاد لجنوب إفريقيا، اللي حتلاّتها و طبقات فيها النضام د التفريق لعنصري (لأپارتهايد)، اللي كان مطبّق تا فيها. من مورا حرب بداوها الناميبيين، خدات لبلاد لإستقلال ديالها نهار 21 مارس 1990.[1] دارت لبلاد الدستور ديالها ف نفس لعام، والنضام د لحكيم ديالها جمهوري.
تيسكنو ف ناميبيا شويا كتر من 2.5 مليون د الناس، و لعاصمة ديالها هي ڤيندهوك. اللغة الرسمية هي لينݣليزية، و عاد كاين 13 لغة وطنية ولا جهوية. لفلوس اللي كاتخدّم ف لبلاد هي الدولار الناميبي، و لأغلبية د الناس (ما بين 80-90%) مسيحيين. ناميبيا داخلة ف بزاف د لمنضمات دولية بحال لأمم لمتحدة و لإتحاد لإفريقي و لكومنويلت و لمجموعة د التنمية د إفريقيا لجنوبية.
اللغات[بدل | بدل لكود]
قبل 1990، كانت ناميبيا فيها تلاتة د اللغات رسمية هوما لينݣليزية و لألمانية و لأفريكانز. ملّي ستاقلات لبلاد من جنوب إفريقيا، حيّدات الرسمية من لألمانية و لأفريكانز، اللي كانو محسوبين لغات د لإستعمار، و عندهم علاقة بلأپارتهايد، و بقات غي لينݣليزية اللي رسمية ف لبلاد.
من غير اللغات لأوروپية، لبلاد تاتعتارف ب 10 د اللغات إفريقية يا إما لغات وطنية، و لا جهوية.[2] أكبر وحدا فيهم هي اللغة ديال أوشيوامبو، اللي تيهضروها تقريبا النص د السكان د لبلاد.
عيون لكلام[بدل | بدل لكود]
|
تقدر تزيد شوف بزاف د تّصاور و لمعلومات ديال Namibia ف ويكيميديا كومنز. |