لحماية الصبليونية على لمغريب

من ويكيپيديا

الراية ديال لحماية الصبليونية ف لمغريب.

خريطة فيها لبلايص د لمغريب اللي حتلاّتها صبانيا (ب لوردي و لحمر).

لحماية الصبليونية على لمغريبالصبليونية: Protectorado español de Marruecos)، اللي تسما تا لإستعمار الصبليوني على لمغريب، كان هو النظام اللي طبقاتو صبانيا على لبلايص د لمغريب اللي حتلاّتهم من 1912 ل 1975.

بدات لحماية الصبليونية على لمغريب من بعد ما اتّافقات صبانيا مع فرانسا على كيفاش أيتقاسمو لأراضي د لمغريب ف لمعاهدة اللي كانت بيناتهم ف 27 نونبر 1912.[1] من مورا هاد لمعاهدة، حكمات صبانيا لمنطقة ديال الشمال (جبالة و الريف)، و سيدي إيفني و طرفاية و الصحرا. لعاصمة ديال هاد لمناطق كاملة كانت هي لمدينة ديال تطوان، و فيها فين كان كيسكن لخليفة السلطاني.

لإستقلال[بدل | بدل لكود]

لإستقلال ديال لمناطق د لمغريب اللي حتلاتها صبانيا ماكانش ف وقت واحد، كل وحدا و قتاش ستاقلات.

الشمال[بدل | بدل لكود]

ستاقل الشمال نهار 7 أبريل 1956[2]، فنفس لعام اللي ستاقل فيه لوسط اللي كان تابع للحماية لفرانساوية.

طرفاية[بدل | بدل لكود]

مورا حرب بداها جيش التحرير ديال لجنوب، تلاقاو لووزارا د لخارجية د لمغريب و صبانيا و سيناو لإتفاقية ديال سينطرا ف 1 أبريل 1958، اللي رجعات بيها طرفاية و لمنطقة ديالها للمغريب.[3]

سيدي إيفني[بدل | بدل لكود]

رجعات سيدي إيفني للمغريب نهار 5 يناير 1969 مورا ما حكماتها صبانيا 108 د لعوامات.[4]

الصحرا[بدل | بدل لكود]

خرجات صبانيا من الصحرا ف نونبر 1975، من مورا لمسيرة لخضرا.

عيون لكلام[بدل | بدل لكود]

  1. ^ "27 نونبر 1912 - عندما اتفق الفرنسيون والاسبان على اقتسام الكعكة المغربية - يا بلادي (2017)".
  2. ^ "حدث في مثل هذا اليوم 7 أبريل 1956 - استقلال شمال المغرب عن إسيانيا - العرائش أنفو (2017)". مأرشيڤي من لأصل ف 2022-06-25. تطّالع عليه ب تاريخ 2021-01-07.
  3. ^ "الصحراء المغربية الواقعة تحت الاستعمار الاسباني - دعوة الحق - العدد 162". مأرشيڤي من لأصل ف 2020-02-23. تطّالع عليه ب تاريخ 2021-01-07.
  4. ^ "الذكرى 44 لاسترجاع مدينة سيدي افني - موقع المملكة المغربية (2013)". مأرشيڤي من لأصل ف 2023-05-30. تطّالع عليه ب تاريخ 2021-01-07.
Wikimedia Commons تقدر تزيد شوف بزاف د تّصاور و لمعلومات ديال Spanish Morocco ف ويكيميديا كومنز.