الأمير مولاي عبد الله بن محمد العلوي
الأمير مولاي عبد الله بن محمد العلوي
| ||
| ||
| معلومات عامة | ||
| زيادة | 30 يوليوز 1935 الرباط | |
| لموت | 20 دجنبر 1983 (48 عام) الرباط | |
| طريقة دلموت | موتة طبيعية | |
| سباب لموت | كونصير | |
| لجنسية | لمغريب | |
| لحرفة | ولي عهد | |
| لّوغات لي كيعرف | عربية و الداريجة لمغريبية | |
| لفاميلة | ||
| لواليد | محمد الخامس بن يوسف | |
| لواليدة | عبلة بنت الطاهر | |
| خوت | لحسن تاني، لالة أمينة، لالة عائشة، لالة فاطمة زهرا، لالة نزهة و لالة مليكة | |
| شريك | لميا الصلح | |
| لولاد | هشام لعلوي إسماعيل بن عبد الله | |
| لجوايز |
| |
مولاي عبد الله تزاد ف 30 يوليوز 1935 و مات ف 20 دجنبر 1983 ف الرباط، هو أمير علوي و من العائلة الملكية المغربية، و الولد الثاني ديال المليك محمد الخامس، و خو الماليك حسن التاني.
حياتو[بدل | بدل لكود]
الصغُر ؤ لقراية[بدل | بدل لكود]
مولاي عبد الله تزاد ف ماي 1935،[1] مولاي هيشام، ولدو الكبير قال بلي جدو، محمد الخامس كان كيعيط لمولاي عبد الله "سيد لعزيز".
قرا مولاي عبد الله ف لمدرسة لمولوية د رباط، لي صاوبها محمد الخامس ف 1942.
حياتو لعائلية[بدل | بدل لكود]
_-_53Fi5426_(cropped).jpg)
ف 1961، مولاي عبد الله تزوج ب لمياء الصلح، بنت واحد من رؤساء ديال ملجس لوزارا اللبناني، رياض الصلح.
لمياء كانت أول مرا ماشي من السلالة العلوية لي ولات عندها لقب أميرة (ثاني وحدة غادة تكون لالة سلمى ملي تزوجات ب لماليك محمد السادس).
مولاي عبد الله ولد جوج دراري و درية، لي كانو ولاد عم محمد السادس و لأمير مولاي رشيد.
- الأمير مولاي هشام (1964)
- الأميرة لالة زينب (1971)
- الأمير مولاي سماعيل (1981)
حوايج خرين عليه[بدل | بدل لكود]
الاراضي لي شرا مولاي عبد الله فستينات من العائلة تيصيدر باش يكبر الملك ديال ختو، تستعملو من بعد كا مزراعات ديال العائلة الملكية.[مصدر؟]
ف 1971، ملي وقع نقيلاب الفاشل د صخيرات، مولاي عبد الله كان وقعو ليه جروح خطيرة.
لموت ديالو[بدل | بدل لكود]
مات ف 20 دجنبر 1983 (علا 48 عام)،[2] القبر ديالو كين دابا ف ضريح د محمد الخامس فين كينين القبورا ديال باه محمد الخامس و خوه لكبير الحسن التاني.
عيون الكلام[بدل | بدل لكود]
- ^ مولاي هشام بن عبد الله لعلوي (2014). Journal d'un prince banni : Demain, le Maroc. پاري: Éditions Bernard Grasset. OCLC 884235559. ردمك 9782246851653. Moulay Hicham.
- ^ "MOULAY ABDALLAH FRÈRE DE HASSAN II EST MORT". Le Monde.fr (ب لفرانساوية). 1983-12-22. مأرشيڤي من لأصل ف 2023-04-11. تطّالع عليه ب تاريخ 2023-01-28.