كاپيتان (كورة)
كاپيتان (بالنݣليزية: Captain) فالرياضة د كورة هو كوايري اللي كايݣيّد لفرقة ديالو فلماطش، وكايكون غاليبا هو لكبير أولّا لواعر ݣاع واللي عندو تجريبة طويلة، أولا واحد اللي يقد يأتّر على لماطش أولا عندو مهارات مجهدين فلقيادة.[1] كايتّعرف لكاپيتان بواحد الربطة كايدوّرها على الدراع ديالو.[2]
لخدمة لوحيدة اللي كاينة عند لكاپيتان بحساب لقواعد د اللعبة هي يحضر للقرعة دالريالة قبل مايبدا لماطش[3] (كاتعطي لقرعة للفرقة اللي جات فيها لحق باش يختارو لݣول وباش يبداو لماطش) وقبل من تيرات الترجيح. وبلعكس ديال داكشي اللي مايتݣال، لكاپيتان ماعندوش لحق يتحدا لقرارات ديال لحكم.[4] واخا هكاك، لحكم يقدر يهضر على شي حاجة ماعاجباهش فلفرقة ديال لكاپيتان معاه، بحال متلا السلوك لعام إلا كان خايب شي شوية وكايدير الديرونجمو، إلا كان هادشي ضروري يادلّي.[5]
فموناسبة ديال التفراق دلميداليات إلا لفرقة ربحات شي تورنوة، لكاپيتان هو اللي كايسبق باش يشدّها. أي كاس كاتربحو لفرقة كايشدّو وكايهزّو لكاپيتان هو اللول. لكاپيتان هو اللي غاليبا كايسبق لفرقة فالدخلة للتيران فلبدية دلماطش. لكاپيتان هو اللي كايسيّر لڤيستيير ديال لفرقة.
لكاپيتان هو اللي متوقّع منو ومسؤول باش يهز لمعنويات ديال لفرقة إلا كانو طايحين.[6] يقدر للكاپيتان يعاون لمدرّيب باش يختار لكوايرية ل11 اللي غايقصرو فلبدية ديال لماطش. فلكورة ديال الشباب أولّا لهواة، لكاپيتان هو اللي كايهز لمسؤوليات اللي من لمفترض لمدرّيب هو اللي كايهزهوم فالنيڤويات لعاليين ديال اللعب.
 |
ويكيميديا كومنز عندا تصاور و معلومات على كاپيتان (كورة). |
- ↑ "What does a soccer captain do? Role, responsibilities & best-ever icons of the game". Goal. 7 أكتوبر 2019. Archived from the original on 2023-03-16. Retrieved 21 نونبر 2020.
- ↑ "Captain". Archived from the original on 1 دجنبر 2017. Retrieved 17 دجنبر 2016.
- ↑ "About Football Glossary". Archived from the original on 2016-03-05.
- ↑ Association, The Football. "The website for the English football association, the Emirates FA Cup and the England football team". Archived from the original on 2023-02-08. Retrieved 17 دجنبر 2016.
- ↑ Association, The Football. "The website for the English football association, the Emirates FA Cup and the England football team". Archived from the original on 2023-02-08. Retrieved 17 دجنبر 2016.
- ↑ "Keelby United – The Role of the Captain in Football Youth Soccer". Archived from the original on 2015-07-11. Retrieved 2021-08-30.
.svg)
