غروب

من ويكيپيديا
اذهب إلى التنقل اذهب إلى البحث
الدورة لكاملة ديال لغروب فالسهول لعالية ديال الصحرا دموهاڤي فلميريكان.
لمراحيل ديال لفترة دالشفق.

لغروب أولا لهبوط ديال الشمش هو لوقيتة اللي الطرف لفوقاني ديال الضوّيرة دالشمش كاتغبر فلعشية تحت لأفق ديال لمراقيب اللي كايشوف فيه.[1] لكلمة تقدر تعني لعملية كاملها ديال لعبور دلقرص ديال الشمش لتحت لأفق زيادة على التأتيرات لجوية اللي كاتبع لهاد الضاهيرة.[2]

التعريف[بدل | بدل لكود]

الطلوع[بدل | بدل لكود]

لحركة ديال لأرض هي اللي كاتخلي الضاهيرة ديال لغروب تطرى واخّا كايبان بلّي الشمش هي اللي كاتحرك وكاتهبط للأفق. لوهم ديال الشمش اللي كاتحرك جاي من لمرجع ديال الشوف (فهاد لحالة لأرض اللي كاتدور على راسها). هاد لحركة لوهمية ديال الشمش كانت مقنعة لبزّاف ديال الناس وخلات بزّاف ديال التقافات تكون عندها ميطولوجيات وخرايف وحكايات مبنية على نمودج ديال لأرض اللي لوسط والشمش هي اللي كاتدور عليها، حتى جا نيكولاس كوپيرنيكوس فلقرن 16 وبدّل هاد لقضية لنمودج اللي الشمش فيه هي اللي فلوسط.[3]

لبدية ولافّان[بدل | بدل لكود]

لغروب فالتعريف لفلكي كايطرا فواحد اللحضة اللي فيها لتحت ديال لقرص دالشمش كايكون مماس للأفق.[1] لكلمة ديال لغروب واخّا هاكاك كاتعني عند الناس لفترة قبل وبعد هاد اللحضة:

  • الشفق: لفترة فلعشية اللي السما فيها كاتكون مضوية ولكن الشمش مابقاتش باينة. اللحضة دللافّان ديال الشفق دلعشية كايتسمى لغساق لفلكي.
  • لفترة من مورا ما الشمش هبطات ولألوان لفاقعة والتأتيرات ديال لجو مازالا كاينة.[2]

لعبار[بدل | بدل لكود]

الزاوية[بدل | بدل لكود]

لغروب كايطرا فلحقيقة حتى من مورا ماوصلات الشمس لتحت لأفق حيتاش لغلاف لجوي ديال لأرض كايهرّس الصورة ديال الشمش فلجو. لمعدال ديال التهراس هو 34 دقيقة قوسية فالسما، واخا هاد لقياس كايتبدل على حساب الضروف دلجو.[1]

لوقيتة فليوم[بدل | بدل لكود]

لوقيتة ديال لغروب كاتبدل على حساب لوقت من لعام وحتى لموقع ديال اللي كايشوف فوق لأرض (خط الطول، خط لعرض ولعلو)، زيادة على التوقيت. هاد التغيرات سبابها هو لمحور اللي كاتدور عليه لأرض، الدوران ليومي ديال لكوكب على راسو وعلى الشمش ولبلاصة ديال لقمر ولأرض والدوران على بعضياتهم.

فاللخر ديال الشتا ولبدية ديال الربيع كايتشاف لغروب فخطوط لعرض لوسطانية (مابين 30° و50°) كل نهار معطل على اللي قبل منو حتال شي يامات قبل لينقيلاب دالصيف (غالبا نهار 20 يونيو فالشمال دلأرض و21 دجنبر فلجانوب ديالها)، والتاريخ لمضبوط ديال هاد لحدت كايكون على حساب خط لعرض. من مورا هاد التاريخ كايبدا لغروب يجي مبكّر نهار مورا خوه حتال لينقيلاب ديال الشتا (غالبا نهار 21 دجنبر فالشمال دلأرض و20 يونيو فلجانوب ديالها). التغيرات فالتهراس اللي كايديرو لجو كايبدلو لوقت ديال لغروب حيتاش كايتبدل لبلاصة اللي كاتشاف الشمس كاتهبط لجيهتها.

لبلاصة فلأفق[بدل | بدل لكود]

إلا تجاهلنا التأتير ديال التهراس دالتصويرة ديال الشمش بسباب لجو وبلّي الشمش ماشي نقطة فالسما، فراه ديما لغروب فلبلايص مابين 30° و50° كايتشاف فجيهة الشمال لغربي ما بين أبريل وغشت، وفجيهة لجانوب لغربي مابين أكتوبر وفبراير.[4] لغروب كايتشاف فلغرب غير فالشهورة ديال مارس وشتنبر ولݣاع الناس فوق لكرة لأرضية.[5]

كواكيب خرين[بدل | بدل لكود]

لغروب فلكوكب ديال لمريخ.

لغروب فلكواكيب لخرين كايبان مختالف بسباب ليختيلاف فلمسافة ما بين لكوكب والنجمة اللي كايدور عليها، وحتى بسباب الضروف لجوية اللي مختالفة على لأرض أولا اللي ماكايناش ݣاع.

لمريخ[بدل | بدل لكود]

لحجم ديال لقرص دالشمش كايبان فلمريخ بحجم التلتاين ديال كيما كايبان من فوق لأرض، حيتاش لمريخ بعيد على الشمش كتر من لأرض.[6] لألوان ديال لغروب فلمريخ كاتكون غالبا زرقة، ولكن بعض لمرات لغروب فداك لكوكب كايبان حمر بزاف وكاياخد وقت طويل.[7] لألوان ديال لغروب فلمريخ كايختالفو على دياول لغروب فلأرض. لمريخ عندو غلاف جوي رقيق مافيهش لأزوت أولا لأوكسيجين، داكشي علاش التشتوت ديال الضو ماطاغيش عليه الضاهرة ديال تشتت رايلي. والاكين، لهوا عامر بغبّارية حمرة كانتاشر فلجو بسباب لعجاج تما.[7] واحد الدراسة أكدات باللي لغبرة ديال لمريخ كاتطلع للطبقات ديال لجو لفوقانيين وكاتعكس ضو الشمش فلغروب لمدّة طويلة كاتوصل حتال ساعتين من مورا لغروب دبصّح.[7]

تصاور[بدل | بدل لكود]

شوف حتى[بدل | بدل لكود]

عيون لكلام[بدل | بدل لكود]

  1. ^ a b c "Rise, Set, and Twilight Definitions". U.S. Naval Observatory.
  2. ^ a b "Sunrise". Merriam-Webster Dictionary.
  3. ^ The Earth Is the Center of the Universe: Top 10 Science Mistakes
  4. ^ Karen Masters (October 2004). "Curious About Astronomy: How does the position of Moonrise and Moonset change?". Curious About Astronomy? Ask an Astronomer. Cornell University Astronomy Department. تطّالع عليه ب تاريخ 2016-08-11.
  5. ^ "Where Do the Sun and Stars Rise?". Stanford Solar Center. تطّالع عليه ب تاريخ 2012-03-20.
  6. ^ "A Moment Frozen in Time". Jet Propulsion Laboratory. 10 يونيو 2005. تطّالع عليه ب تاريخ 7 شتنبر 2011.
  7. ^ a b c APOD, Sunset Over Gusev Crater. 20 يونيو 2005.
Wikimedia Commons تقدر تزيد شوف بزاف د صور و معلومات ديال Sunsets ف ويكيميديا كومنز.