ضهر
الضهر أولّا وسط النهار هو فاش كاتوصل الطناش دالنهار. كايتكتب إما 12 دالنهار أولا 12:00 (إلا تخدّم السيستيم د24 ساعة).
الضهر الشمسي هو فاش الشمش كاتبان باللي كاتقيس الجيهة لفوقانية ݣاع ديال السما. هاد الضهر يقدر يطرا فأي وقت فوسط النهار نيشان، وماشي ضروري تكون الطناش دالنهار. لوقيتة ديال الضهر الشمسي كاتجي على حساب فين واقف(ة) داك اللي كايشوف هاد الضاهرة (خط الطول ديالو)، ولوقت من لعام فاش كايشوفها.[1]
لأصل دلكلمة[بدل | بدل لكود]
لكلمة ديال الضهر جات من لعربية لفوصحى (ظهر).[2] لحرف ديال "ظ" ماكاينش فالدارجة، داكشي علاش كاتنطق ضهر.
الضهر الشمسي[بدل | بدل لكود]
الضهر الشمسي أولا الضهر لعالي أولا الضهر الشمسي لمحلي لباين (بالنݣليزية: local apparent solar noon)[3] هي لوقيتة فاش الشمس كاتبان باللي كاينة فوق خط لعرض اللي واقف عليه اللي كايشوف الضاهرة، وكاتبان لعلو ديالها لكبير فوق لأفق داك النهار، وكاتخلي ضل اللي كايكون فداك لوقت قصير بزاف مقارنة بوقات خرين من النهار.
أطول وقت من ضهر لضهر كاتطرا جوج مرّات فلعام، ف 20 يونيو (24 ساعة زايدة 13 تانية) و21 دجنبر (24 ساعة زايدة 30 تانية). أقصر وقت من ضهر لضهر كاتطرا حتى هي جوج مرات فلعام، ف 25 مارس (24 ساعة قل 18 تانية) و13 شتنبر (24 ساعة قل 22 تانية). هادشي علاش الضهر الشمسي والضهر دلماݣانة (12 دالنهار) ماكايتلاقاوش ديما. لمعادلة دلوقت كاتبيّن باللي لفرق مابيناتهوم يقدر يوصل حتال 16 دقيقة. زيادة على هادشي، وبسباب أن كولا دولة كاتتبع التوقيت اللي عاجبها (يقدر يكون موافق أولا مختالف معا بلاصة الزمان اللي هي فيها)، هاد لفرق كايقدر يتزاد فيه ويفوت ساعة ݣاع.
عيون لكلام[بدل | بدل لكود]
- ^ "The Sun as an Energy Resource". مأرشيڤي من لأصل ف 2023-03-21. تطّالع عليه ب تاريخ 2021-07-24.
- ^ "لمدخل "الظهر" فديكسيونير دلمعاني".
- ^ "high noon". The Cambridge Advanced Learner's Dictionary & Thesaurus. Cambridge University Press. مأرشيڤي من لأصل ف 2022-05-04. تطّالع عليه ب تاريخ 2016-12-19.
أجزاء ليوم | |||
|---|---|---|---|
 | نهار |  | |
| شفق | |||
| ليل | |||
| مرتابط | صمطة الزهرة · ساعة زرقة · ساعة دهبية · خط الليل · ضو النهار · ضو لݣمرة · ضو النجوم · شمس وسط الليل · ليلة قطبية · فجر كداب | ||
|
تقدر تزيد شوف بزاف د تّصاور و لمعلومات ديال Noon ف ويكيميديا كومنز. |