خط الليل

من ويكيپيديا
اذهب إلى التنقل اذهب إلى البحث
خط الليل فلأرض. التصويرة من لمحطة دلفضاء الدولية

خط الليل أولّا بلاصة لغساق هو واحد لخط اللي كايتحرّك واللي كايفرّق مابين الجيهة لمضوية وبين جيهة الليل لمضلّمة فواحد لكوكب أولا جسم سماوي بحالو. واحد لملاحض واقف على هاد لخط فكوكب عندو غلاف جوي غادي يعيش اللحضة ديال لغساق بسباب التشتات ديال الضو اللي كايديروه لغازات اللي تمّا.

خط الليل تاع لأرض[بدل | بدل لكود]

خط الليل هو لحد مابين لبلاصة لمضوية اللي فيها النهار ولبلاصة لمضلّمة اللي فيها الليل.

فلأرض، خط الليل هو دوّيرة اللي الطول دلقطر ديالها قريب لتاع لأرض.[1] هاد لخط كايدوز على أي نقطة فوق لأرض جوج مرّات فليوم، فوقيتة الشروق ووقيتة لغروب، من غير لمناطيق اللي قريبة للأقطاب فاش كايدوز لخط إلا ماكانتش ديك النقطة فيها شمس وسط الليل ولّا الليالي لقطبية. هاد الدوّيرة كاتفرّق مابين لبلاصة لمضوية (اللي فيها النهار) ولبلاصة لمضلّمة (اللي فيها الليل). وحيتاش النص وزايد بشوية ديال لأرض فأي وقت مضوّي ديما (من غير فاش كايكون لكسوف)، لمسار ديال خط الليل كايختالف على حساب لوقت ديال ليوم بسباب الدوران ديال لأرض على راسها. لمسار ديال خط الليل كايختالف بحساب لوقت ديال لعام حيتاش لأرض كاتجيب دورة على الشمش. هادشي علاش خط الليل متوازي تقريبا مع خطوط الطول فلوقت ديال لعتيدالات دالربيع ولخريف، ولعوجان ديالو على هاد التوازي كايوصل حتال 23.5 درجة فلينقيلابات د الصيف والشتا.[2]

الزربة ديال لخط[بدل | بدل لكود]

فخط ليستيواء وفاش اللرض اللي كايدوز منها خط الليل كاتكون مسطّحة (مكاينينش عوايق بحال الجبال)، كاتوصل الزربة ديال هاد لخط ل453 ميترو فالتانية. هاد السرعة تقدر تبان باللي كاتزاد فاش كاتقرّب من لعوايق لعاليين. فبلايص اللي قريبة من لقطاب السرعة ديال خط الليل كاتكون قليلة، وكاتوصل السرعة ديالها تمّا للصفر (الضلام أولّا النهار فليوم كامل).[3]

عيون لكلام[بدل | بدل لكود]

  1. ^ Mackenzie, Fred T.; Lerman, Abraham (2006-12-29). Carbon in the Geobiosphere: – Earth's Outer Shell – (بنڭليزية). Springer Science & Business Media. ردمك 9781402042386.
  2. ^ "Archived copy". مأرشيڤي من لأصل ف 2009-02-06. تطّالع عليه ب تاريخ 2009-02-06.CS1 maint: archived copy as title (link)
  3. ^ Venus Revealed by David Harry Grinspoon, page 329
Wikimedia Commons تقدر تزيد شوف بزاف د صور و معلومات ديال Terminator ف ويكيميديا كومنز.