انتقل إلى المحتوى

شمس وسط الليل

من ويكيپيديا
الشمس دوسط الليل فضاية أوجوكينو فروسيا.

شمس وسط الليل (بالنݣليزية: Midnight sun) هي ضاهرة طبيعية كاتطرا فالشهورة دالصيف فلبلايص اللي جات فالشمال ديال الدايرة لقطبية دالشمال أولّا على لجانوب ديال الدايرة لقطبية دلجانوب، فاش الشمش كاتبقى فالسما واخّا من لمفتراض خاص يكون الليل فداك لوقت.[1] فاش كاتشاف هاد الضاهرة من لقطب الشمالي، كاتبان الشمش باللي كاتحرّك من ليسر حتال ليمن، ولاكين فلقطب لجانوبي، نفس لحركة كاتطرى من ليمن حتال ليسر. هادشي كايطرا فخطوط ديال لعرض مابين 65°44' حتال 90° شمال أولّا جانوب، وماكاتحبسش نيشان فالدواير لقطبية بسباب لينعيكاس.

لبلايص فين كاتطرا[بدل | بدل لكود]

شمس وسط الليل فمقاطعة صوضانكيلا ف فينلاندا

حيتاش ماكاينينش شي مدون ولّا ڤيلاجات دايمين فلجانوب ديال الدايرة لقطبية دلجانوب (من غير لمحطات ديال لبحت)، الدول اللي كاتطرا فيهوم هاد الضاهرة هوما الدول اللي لأرض ديالهوم دايزة منهوم أولا كاينين فالشمال ديال الدويرة لقطبية دالشمال. هاد الدول هوما: لميريكان (ألاسكا)، كانادا، إسلاندا، الدانمارك (ݣرينلاند)، النورڤيج، السويد، فينلاندا وروسيا. الربع ديال فينلاندا كاين فالشمال ديال الدايرة لقطبية، والنقطة ديال لبلاد اللي كاينة فالشمال ݣاع ماكاتغربش فيها الشمش 60 يوم. فسڤالبارد اللي تابعة للنورڤيج، الشمش ماكاتغبرش من تقريبا 19 أبريل حتال 23 غشت.[2] لحالات لقصوى لهاد الضاهرة تقدر تشاف فالنقاط لقطبية، فاش الشمش ماكاتغربش نص عام. كاتطرا هاد الضاهرة فلقطب الشمالي من اللخر ديال مارس حتال اللخر ديال شتنبر. الليالي لقطبية، اللي هي ضاهرة لعكس ديال هادي، كاتوقع فالشتا فاش كاتبقا الشمش تحت لأفق ليوم كامل.

عيون لكلام[بدل | بدل لكود]

  1. ^ "What is the Midnight Sun Phenomenon? Error: The retired template [[موضيل:!|{{!}}]] has been transcluded; see [[mw:Help:Magic words#Other]] for details. To fix this, use only the code {{[[MW:Help:Magic words #!|!]]}} to generate the | character. [[تصنيف:Pages which use a template in place of a magic word|Mشمس وسط الليل]] Earth Phenomena Error: The retired template [[موضيل:!|{{!}}]] has been transcluded; see [[mw:Help:Magic words#Other]] for details. To fix this, use only the code {{[[MW:Help:Magic words #!|!]]}} to generate the | character. [[تصنيف:Pages which use a template in place of a magic word|Mشمس وسط الليل]] Planetary Science". Scribd (ب نڭليزية). مأرشيڤي من لأصل ف 2023-07-15. تطّالع عليه ب تاريخ 2017-08-25. line feed character in |title= at position 281 (معاونة); URL–wikilink conflict (معاونة)
  2. ^ Trygve B. Haugan, ed. Det Nordlige Norge Fra Trondheim Til Midnattssolens Land (Trondheim: Reisetrafikkforeningen for Trondheim og Trøndelag. 1940)
Wikimedia Commons تقدر تزيد شوف بزاف د تّصاور و لمعلومات ديال Midnight sun ف ويكيميديا كومنز.