ساعة دهبية
الساعة الدهبية هي لوقيتة ديال النهار اللي قريبة من الشروق أولا لغروب ديال الشمش. وهي لوقيتة فاش كايكون ضو النهار فيه لحمورية وخفيف على فاش كاتكون الشمش عالية فالسما.
لمصوّرين ديال السينيما كايسمّيو لوقت اللي كايجي بالضبط قبل الشروق ومن مورا لغروب "الساعة السحرية".[1][2] فهاد لوقت السطوع ديال السما كايكون مساوي مع السطوع ديال الضو دالزناقي، الضو دلإشارات ديال الطريق، الضو لقدّامي ديال الطوموبيلات والشراجم اللي مضوّيين. فهاد لوقت كايكون الضل خفيف حيتاش الشعة ديال الشمش مامجهداش (الشمش مازال ماطلعات أولا عاد غربات). لمدة ديال الساعة السحرية ماكاتفوتش 20 أولا 30 دقيقة.
لوقت اللي كايجي قبل الساعة الدهبية بشوية فالصباح أولا موراها بلعشية كايتسمى الساعة الزّرقة، فاش كاتكون الشمش ضاهريا غارقة شي شوية تحت لأفق وداك الشوية ديال الضو اللي ماجايش ديريكت منها كايعطي واحد اللون زرق مغموق.
التفاصيل[بدل | بدل لكود]
الشعة ديال الشمش كايختارق لغلاف لجوي بمسافة كبيرة فاش الشمش كاتكون تحت لأفق. هاد الشي كاينقّص الشدة ديال الضو، وبهادشي كاتجي لإضاءة من الشعة اللي ماكاتشيّرش ديريكت على لجو.[3] هادشي تقنيا كايتسمى التشتوت ديال الضو. بزذاف ديال الضو الزرق كايتبعتر، يعني إلا كانت الشمش كاينة، الضو ديالها كايبان حمر كتر. زيادة على هادشي كلما كانت الشمش تحت لأفق كتر كلمّا ولاّ الطول ديال الشعاع زايد.
لمصطلح ديال "الساعة" غير مجاز وصافي، هاد الضاهرة ماعندهاش مدة معينة وكاتختالف على حساب لفصل وخط لعرض ديال لواحد منين كايشوف. الطريقة باش كايبان الضو كاتختالف على حساب لعلو ديال الشمش فالسما، ولوقت اللي كاتاخدو الشمش باش تحرّك ضاهريا من رتيفاع لواحد آخر كايعتامد على خط لعرض ولوقت فلعام.[4] الشمش لعالية فوسط النهار كاتخلّي الضو يكون مجهد والضل يكون كحل بالجهد. هادشي كايدير تأتيرات كبيرة فالتصوير على حساب لكاميرات وشحال ديال لوقت تخاد باش التصويرة تّلتاقط.
هاد التباين ديال الضو كايكون قليل فالساعة الدهبية، داكشي علاش الضل ماكايكونش كحل بزاف. فالتصوير هاد لخاصية ديال لألوان الداقية اللي كاتجي فهاد لوقت ديال النهار كاتكون مزيانة حيتاش كاتزيد تبيّن لألوان ديال لمنضر.[5] هاد الساعة الدهبية كاتعتابر أوعر واقت ديال التصوير حيتاش الضو منتاشر مزيان واللوان ديالو دافيين.[6]
شوف حتى[بدل | بدل لكود]
عيون لكلام[بدل | بدل لكود]
- ^ Steven Ascher, The Filmmaker's Handbook, 5th edition, 2019, p. 428.
- ^ Blain Brown, Cinematography: Theory and Practice, 3rd edition, 2016, p. 283.
- ^ Thomas 1973, 9–13
- ^ Bermingham 2003, 214
- ^ Bauer، Mark (2020-05-12). "Golden Hour Photography: A Landscape Photographer's Guide". Nature TTL (ب نڭليزية). مأرشيڤي من لأصل ف 2023-08-18. تطّالع عليه ب تاريخ 2020-05-14.
- ^ "35 Best Sunset Photography Tips and Ideas - PhotographyAxis". PhotographyAxis (ب نڭليزية). 2018-08-02. مأرشيڤي من لأصل ف 18 غشت 2023. تطّالع عليه ب تاريخ 2018-08-11.
أجزاء ليوم | |||
|---|---|---|---|
 | نهار |  | |
| شفق | |||
| ليل | |||
| مرتابط | صمطة الزهرة · ساعة زرقة · ساعة دهبية · خط الليل · ضو النهار · ضو لݣمرة · ضو النجوم · شمس وسط الليل · ليلة قطبية · فجر كداب | ||
|
تقدر تزيد شوف بزاف د تّصاور و لمعلومات ديال Golden hour (photography) ف ويكيميديا كومنز. |