ساعة زرقة
.jpg)
الساعة الزّرقة (جاية ب ترجامة من لفرانساوية l'heure bleue)[1] هي فترة ديال الشفق (الصباح أولّا ف لعشية، قريب من وقيتة الشفق لبحري) فاش الشمش كاتكون ضاهريا غارقة تحت لأفق، و داك الشوية ديال الضو اللي جاي منها كاياخد لون ديال الزرق لمغلوق اللي مختالف على اللون اللي كايتشاف فنهار صافي، هادشي تحت التأتير ديال تشتات رايلي.
الساعة الزرقة كاتطرا فاش الشمش كاتكون بعيدة تحت لأفق. بسباب هادشي لموجات ديال الضو اللي جاية من الشمس كاتكون قصيرة (يعني اللي فيها اللون الزرق) و كاتسيطر على السما بسباب واحد التأثير اللي عندو علاقة ب لأوزون.[2] هاد لمصطلح ماعندوش تعريف علمي بحال لفجر أولا لغساق أولّا لمراحيل ديال الشفق بتلاتة حيتاش هو مصطلح عام وشعبي. الساعة الزرقة هي تعبير اللي كايعني الضو الطبيعي اللي كاطرا فلفترة ديال الشفق لبحري (فلفجر أولا فلغساق).[3]
التفسير لغالط اللي مازال كايتعطى باش تشرح هاد الضاهيرة هو بلي لغلاف الجوي قبل الطلوع دالشمس ؤ مورا ماكاتغرب غير كايستقبل و كايشتت الشعا الزرق لقصير و كايبعتر الشعا لحمر الطويل، الشي اللي كايفسر لاش السما ف هاد الساعة كايكون فيها لون مغلوق بزاف.[4] فلحقيقة، الساعة الزرقة كاتطرا فاش الشمش كاتكون بعيدة تحت لأفق. بسباب هادشي لموجات ديال الضو اللي جاية من الشمس كاتكون قصيرة (يعني اللي فيها اللون الزرق) وكاتسيطر على السما بسباب واحد التأثير اللي عندو علاقة ب لأوزون.[2] كاينين بزاف ديال لمواقيع اللي كاتعطي معلومات على لأوزون مازال كاتنشر لمعلومة لمغلوطة باللي لأوزون ماكايساهمش ف اللون ديال السما،[5] واخّا هاد التأتير ماكايبانش ف النهار، مابين الشفق د الصباح و ديال لعشية.
فاش كاتكون السما صافية، الساعة الزرقة تقدر تكون فرجة و لوحة فنّية ديال اللوان. الضو ديال الشمش اللي مضرّݣ يقدر يخلي السما تلّوّن ب لحمر و الليموني و الصفر و الزرق. هاد التأتير جاي من لينتشارية النسبية ديال لموجات لقصيرة (الزرقة) اللي كاتشاف، و حتى لموجات الطويلة (اللي عندها لوان غادة للحمر).[6] ف وقيتة الساعة الزرقة كايدوز الضو لحمر ف لفضاء عكس لموجات الزرقة اللي كاتشتت ف لغلاف الجوي، اللي كاتوصل الضس ديال لأرض. لمدة ديال الساعة الزقة غالبا كايكون مابين 20 حتال 30 دقيقة قبل الشروق و من مورا لغروب. متلا إلا غربات الشمش ف6:30 دلعشية، غادي تشاف الساعة الزرقة مابين 6:40 و 7:00 ديال لعشية. يلا طلعات الشمش مع 7:30 د الصباح، غادي تطرا الساعة الزرقة مابين 7:00 و 7:20 ديال الصباح.[7]
بزاف ديال لفنّانين كاتعجبهوم لوقيتة ديال الساعة الزرقة حيتاش الضو كايكون باهت. الضو الزرق اللي كاتعكسو السما من الشمش اللي كاينة ضاهريا تحت لأفق مابين 4 و 8 ديال الدرجات كايكون طاغي، واخّا الساعة الزرقة ماعندهاش تعريف واضح.[6] لمصوّرين كايحماقو على الساعة الزقة حيتاش كاتعطي للتصاور ديالهوم واحد النغمة طرانكيل. من لمستحسن فاش لواحد يكون كايصور ف الساعة الزرقة يشد شي حوايج اللي عندها ضو صطيناعي جاي منها، بحال لعمارات ولمآتير و لفوق ديال لمدون، أولّا لقناطر لكبار.
 |
ويكيميديا كومنز عندا تصاور و معلومات على ساعة زرقة. |
- ↑ Verfaillie, Roland (2011). L'heure Bleue. San Francisco: Purple Onion Press. p. 5. Archived from the original on 2022-05-17. Retrieved 2021-02-17.
- 1 2 Hoeppe, Götz (2007). Why the Sky Is Blue: Discovering the Color of Life. Princeton: Princeton University Press. pp. 249–53. ISBN 0-691-12453-1. Archived from the original on 2023-08-25. Retrieved 2021-02-17.
- ↑ "The Blue Hour". timeanddate.com. Archived from the original on 2023-06-14. Retrieved 6 أبريل 2019.
- ↑ "What is the blue hour? Learn about this magic time between daylight and darkness". mnn.com. Archived from the original on 2019-04-07. Retrieved 7 أبريل 2019.
- ↑ https://web.archive.org/web/20190805094647/https://www.ozonesolutions.com/info/ozone-fallacies. Archived from the original on 2019-08-05. Retrieved 2021-02-17.
{{cite web}}: Missing or empty|title=(معاونة) - 1 2 "Blue Hour – Magic Hour". timeanddate.com. Archived from the original on 2023-06-14. Retrieved 16 أكتوبر 2017.
- ↑ "What is the blue hour?". earthsky.org. Archived from the original on 2023-10-06. Retrieved 7 أبريل 2019.
أجزاء ليوم | |||
|---|---|---|---|
 | نهار |  | |
| شفق | |||
| ليل | |||
| مرتابط | صمطة الزهرة · ساعة زرقة · ساعة دهبية · خط الليل · ضو النهار · ضو لݣمرة · ضو النجوم · شمس وسط الليل · ليلة قطبية · فجر كداب | ||