صباح (وقت)
الصباح أولا النبّوري هو وقت ديال ليوم اللي كايشد من الشروق حتال الضهر. ماكاينش وقت محدد لفوقاش كايبدا الصباح (نفس لحاجة لعشية أولا الليل)، حيتاش هاد التعريف كايختالف على حساب كيفاش كولا واحد عايش حياتو وشحال دالساعات ديال ضو النهار كاينين فليوم لكولّا وقيتة فلعام.[1] واخا هاكاك الصباح كايسالي إلزاميا وقت الضهر، ومن تما كاتبدا لفترة ديال مورا الضهر. كاينة ناس خرا كاتعرف الصباح بلّي كايبدا من وسط الليل وكايسالي فالضهر. الصباح كايسبق مورا الضهر، لعشية والليل فالتسلسول ديال ليوم، وفلأصل هاد لكلمة كاتعني الشروق.[2]
لأهمية[بدل | بدل لكود]
السلام[بدل | بدل لكود]
بعض اللوغات اللي كاتخدّم لوقت ديال النهار فالسلام ديالها عندها تحيّة خاصة ديال الصباح، بحال فلعربية (صباح الخير) أولا النݣليزية (Good morning). كايعتماد لوقت اللي كايكون مناسب باش تعطى فيه هاد التحية على التقافة ديال لواحد وكيفاش كاتحدد الصباح أولا لمفهوم اللي عند لواحد على الصباح.[3] ليستيعمال ديال لعيبارة د"صباح لخير" فالدارجة كايكون واسع شي شوية، على حساب إمتا فاق داك اللي ݣالها. كقاعيدة شاملة الناس كاتݣول "صباح لخير" مابين التلاتة دالصباح والطناش دالنهار. الناس وخصوصا الشباب ولّاو كايݣولو "صباحو" عوض "صباح لخير". يمكن للتحية دالصباح تعطى بواحد الطريقة محتارمة بحال الشكل ديال "صباح لخير السي/لالة فلان(ة)" أولا "مسعد الصباح السي/لالة فلان(ة)".
لأنشيطة[بدل | بدل لكود]
لأنشيطة ديال الصباح غالبا كايكون فيها الدوش، لفطور (فبعض لمناطيق كايكون حتى لفطور التاني، بزاف فلبادية) واللباس. بعض الناس كايخططو للنهار ديالهوم، كايتريضو أولا كايقراو الجرنان دالصباح.
ليستيعمال فالتقافة[بدل | بدل لكود]
الصباح عند بعض الناس هو لوقت اللي كايجي من مورا لفياق ديالهوم، فأي وقت ماكايهمش. لمعنى ديال لكلمة دالصباح جاي من لينتيشار لكبير ديال التريسينتي والضو، وليستيقلال ديال الناس على الضو الطبيعي ديال الشمش.[4]
لعيلم دلجينات[بدل | بدل لكود]
بنادم فالصباح كايقدر يكون إما مجهد وناشط أولا عيّان ومهلوك. هاد لقدرة ديال لواحد باش إيفيق ناشط إقدر يكون كايأتر فيها واحد لجين سميتو "پيريود 3 (Period 3)". هاد لجين كايجي فجوج شكال: إما طويل أولا قصير. هاد لجين كايأتر على واش الناس كاتبغي الصباح أولا لعشية. الناس اللي عندهوم الشكل الطويل كايعجبهوم الصباح. أما هادوك اللي عندهوم النوع لقصير كايفضلو لعشية.[5]
تصاور[بدل | بدل لكود]
-
خليج صورينطو فالطاليان -
الضباب دالصباح -
واد يوزيمايت فميريكان وقيتة الصباح -
ساعة الزحام دالصباح فلندن، لمملكة لمتحدة فأبريل 2012. -
غابة فغرب إسطونيا فالصباح.
شوف حتى[بدل | بدل لكود]
عيون لكلام[بدل | بدل لكود]
- ^ "Learner's Dictionary". مأرشيڤي من لأصل ف 2022-01-26. تطّالع عليه ب تاريخ 2020-11-10.
- ^ "Online Etymology Dictionary". مأرشيڤي من لأصل ف 2023-05-11. تطّالع عليه ب تاريخ 2020-11-10.
- ^ "Definition of good morning Error: The retired template [[موضيل:!|{{!}}]] has been transcluded; see [[mw:Help:Magic words#Other]] for details. To fix this, use only the code {{[[MW:Help:Magic words #!|!]]}} to generate the | character. [[تصنيف:Pages which use a template in place of a magic word|Mصباح (وقت)]] Dictionary.com". www.dictionary.com (ب نڭليزية). مأرشيڤي من لأصل ف 2023-06-04. تطّالع عليه ب تاريخ 2019-12-31. line feed character in
|title=at position 271 (معاونة); URL–wikilink conflict (معاونة) - ^ "Why some of us are early risers". BBC News. London. 2003-06-17. مأرشيڤي من لأصل ف 2022-12-25. تطّالع عليه ب تاريخ 2008-01-30.
- ^ "Gene determines sleep patterns". مأرشيڤي من لأصل ف 2023-05-17. تطّالع عليه ب تاريخ 2020-11-13.
أجزاء ليوم | |||
|---|---|---|---|
 | نهار |  | |
| شفق | |||
| ليل | |||
| مرتابط | صمطة الزهرة · ساعة زرقة · ساعة دهبية · خط الليل · ضو النهار · ضو لݣمرة · ضو النجوم · شمس وسط الليل · ليلة قطبية · فجر كداب | ||
|
تقدر تزيد شوف بزاف د تّصاور و لمعلومات ديال Morning ف ويكيميديا كومنز. |