ضو لݣمرة
ضو لݣمرة هو الضو ديال الشمش (وشوية ديال الضو دلأرض) اللي كايوصل للضس ديال لقمر وكايتعاود يتعكس لجيهة لأرض.[1]
الشدة ديال ضو لݣمرة كاتكون على حساب لأطوار دلقمر، والاكين حتّى الضو دلبدر كايعطي غير إضاءة ديال 0.05 حتال 0.1 لوكس.[2] يمكن لهاد لإضاءة توصل حتال 0.32 لوكس فاش كايكون لقمر لكامل (لبدر) قريب من لأرض وطالع بزاف فالسما وكايتشاف من فوق مدار لجدي أولا مدار لكونصير.[2]
اللون ديال لقمر لكامل كايتشاف زرق شي شوية بنسبة لبنادم بسباب واحد التأتير عندو علاقة بالتأقلم مع الشوفة فالضلام. الضو ديال لقمر ماشي زرق فلحقيقة، وحتى فاش كايتوصف باللون لفضي، ماعندش لقمر شي خاصية عندها علاقة بداك اللون.
الضس ديال لقمر كايعكس غير 16 فلمية ديال الشعة اللي كاتجيه من الشمش.[3] الضو دلݣمرة كاياخد 1.26 ثانية باش يوصل للسطح ديال لأرض. ضو لݣمرة كايزيد لإضاءة ديال السما بالليل حيتاش كايتشتت فلغلاف لجوي، وهادشي كايخلي النجوم اللي مامجهداش ماكاتبانش فالسما. علماء لفلك كايتجنبو إيديرو الرصد فليام اللي ضو لݣمرة فيهوم مجهد لهاد السبب.
لمستويات ديال الضو فالليل هوما هاكدا. لوحدة ديال لقياس تاع الجهد ديال الضو أولا الشعة هي اللوكس.
| الضويان | ميتال |
|---|---|
| قل من 1 لوكس | ضو لݣمرة،[4] سما دالليل صافية. |
| 0.25 لوكس | ݣمرة كاملة ف ليلة صافية.[5][6] |
| 0.01 لوكس | نص ݣمرة ف ليلة صافية |
| 0.002 لوكس | ضو النجوم، ليلة صافية مافيهاش لݣمرة، زايد عليها التوهاج دالليل.[5] |
| 0.0002 لوكس | ضو النجوم، ليلة صافية مافيهاش لݣمرة، ناقصها التوهاج دالليل.[5] |
| 0.00014 لوكس | الزهرة فالضو لمجهد ديالها،[5] السما دالليل صافية. |
| 0.0001 لوكس | ضو النجوم، سما دالليل مغيّمة بزاف وماكايناش ݣمرة.[5] |
فالتقافة الشعبية ضو لݣمرة غالبا عندو علاقة بتأتيرات خايبة. السحارة ولمشعودين كايديرو الطقوس ديالهوم تحت الضو ديال لقمر. زيادة على هادشي، فلغرب منتاشرة لخرافة ديال أن الضو ديال لقمر كايحوّل الناس لدياب. الناس كانت ومازال كتآمن باللي هاد الضو يقدر يزيد يكْفّس لحالة ديال لمراض، والنعاس تحتو كايجيب لعما أولّا لهبال.[7] الناس كان كايتحساب ليها باللي الجلالة كايديرها الضو ديال لݣمرة. ليوما هاد لعتيقاد مابقاش.
-
ضو لݣمرة كايعكس على تيليسكوپ كبير بزّاف. -
ضو لݣمرة كايضوي ضاية واللي ضاير بيها. -
فلخسوف كايولي لقمر حمر بالشعة غير لمباشرة اللي منيّشة عليه من لأرض. -
الضو ديال لأرض كايضوّي الجيهة لمضلمة ديال لقمر، والضو ديال الضمس هو اللي مضوي الجيهة لبيضة. -
بتعرّض كبير وطويل ماكايولّيش لفرق إيبان مابين تصويرة تخادت تحت ضو لݣمرة ؤوحدة خرة تخادت بالنهار.
.jpg)
كايتي پيترسون ف2008 دارت عمل فنّي سماتو Light bulb to Simulate Moonlight (بولة كاتمتّل ضو لݣمرة).[8] هاد لفنانة خدات 289 بولة مغلفة باش تصاوب وحدة كبيرة الضو ديالها كايشبه لضو لݣمرة لكاملة.[8]
- ^ Toomer، G. J. (December 1964). "Review: Ibn al-Haythams Weg ur Physik by Matthias Schramm". Isis. 55 (4): 463–465 [463–4]. doi:10.1086/349914.
- ^ a b Kyba، Christopher C M؛ Mohar، Andrej؛ Posch، Thomas (1 فبراير 2017). "How bright is moonlight?". Astronomy & Geophysics. 58 (1): 1.31–32. doi:10.1093/astrogeo/atx025. مأرشيڤي من لأصل ف 2022-12-14. تطّالع عليه ب تاريخ 14 فبراير 2017.
- ^ Matthews، Grant (2008). "Celestial body irradiance determination from an underfilled satellite radiometer: application to albedo and thermal emission measurements of the Moon using CERES". Applied Optics. 47 (27): 4981–93. Bibcode:2008ApOpt..47.4981M. doi:10.1364/AO.47.004981. PMID 18806861.
- ^ Bunning، Erwin؛ Moser, Ilse (أبريل 1969). "Interference of moonlight with the photoperiodic measurement of time by plants, and their adaptive reaction" ("Scholar search". ). Proceedings of the National Academy of Sciences of the United States of America. 62 (4): 1018–22. Bibcode:1969PNAS...62.1018B. doi:10.1073/pnas.62.4.1018. PMC 223607. PMID 16591742. تطّالع عليه ب تاريخ 2006-11-10. templatestyles stripmarker in
|format=at position 1027 (معاونة) - ^ a b c d e Schlyter، Paul (2006). "Radiometry and photometry in astronomy FAQ". مأرشيڤي من لأصل ف 2023-09-29. تطّالع عليه ب تاريخ 2021-07-24.
- ^ "Petzl reference system for lighting performance". مأرشيڤي من لأصل ف 2008-06-20. تطّالع عليه ب تاريخ 2007-04-24.
- ^ A Dictionary of English Folklore, Oxford University Press, 2000
- ^ a b "Katie Paterson Light bulb to Simulate Moonlight". guggenheim.org. Solomon R. Guggenheim Foundation. مأرشيڤي من لأصل ف 2023-02-17. تطّالع عليه ب تاريخ 29 يناير 2019.
أجزاء ليوم | |||
|---|---|---|---|
 | نهار |  | |
| شفق | |||
| ليل | |||
| مرتابط | صمطة الزهرة · ساعة زرقة · ساعة دهبية · خط الليل · ضو النهار · ضو لݣمرة · ضو النجوم · شمس وسط الليل · ليلة قطبية · فجر كداب | ||
|
تقدر تزيد شوف بزاف د تّصاور و لمعلومات ديال Moonlight ف ويكيميديا كومنز. |