جهة طنجة تطوان الحسيمة
طنجة-تطوان-الحسيمة (ar)
ⵜⴰⵎⵏⴰⴹⵜ ⵜⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ (zgh) | ||||
|
| ||||
.jpg)
| ||||
| التقسيم لإداري | ||||
| لبلاد | لمغريب | |||
| لعاصيمة | طانجا | |||
| لأقاليم | ||||
| التأسيس | 2015 | |||
| تسمات على | طانجا، تطوان و الحسيمة | |||
| لجغرافيا والسكان | ||||
| لميساحة | 13,712 كم² | |||
| لبلاصة طايحة | لمحيط لأطلسي (0 م) | |||
| محادية معا | جهة الشرق جهة فاس مكناس جهة الرباط سلا القنيطرة جهة الشرق جهة فاس مكناس جهة الرباط سلا القنيطرة | |||
| شحال دالسكان | 3,556,729 (2014) | |||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-01 | |||
| خريطة لجيهة | ||||
| ||||
جهة طنجة تطوان الحسيمة (بلأمازيغية: ⵜⴰⵎⵏⴰⴹⵜ ⵜⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ، بالفرانساوية: Tanger-Tétouan-Al Hoceïma) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فالشمال ديال البلاد، و لعاصيمة ديالها هي طنجة، و مابين لمدون اللي كاينين فلجيهة: تطوان ولحسيمة ولعرايش وشفشاون ولمضيق وأصيلة. عدد السكان على حساب لإحصاء اللي تدار فـ2014 وصل فهاد لجيهة لـ3,556,729.[3] لميساحة ديال لجيهة هي 13,712 كم².[4]
السكان ولأقاليم[بدل | بدل لكود]
السكان فلأقاليم ديال لجيهة[بدل | بدل لكود]
هاد لجدوال كايبين لأقاليم ديال لجيهة والسكان ديالها:[3]
| لأقاليم أولا لعمالات | شحال دلفاميلات | شحال دالسكان |
|---|---|---|
| عمالة طنجة أصيلة | 266,738 | 1,065,601 |
| عمالة لمضيق لفنيدق | 51,139 | 209,897 |
| إقليم لحسيمة | 79,326 | 399,654 |
| إقليم شفشاون | 82,914 | 457,432 |
| إقليم لفحص أنجرة | 16,823 | 76,447 |
| إقليم لعرايش | 107,357 | 496,687 |
| إقليم وزان | 67,858 | 300,637 |
| إقليم تطوان | 126,929 | 550,374 |
| جهة طنجة تطوان الحسيمة | 799,124 | 3,556,729 |
التطور ديال شحال دالسكان[بدل | بدل لكود]
| 2004 | 2014 | ||||
|---|---|---|---|---|---|
| 3,068,833 | 3,556,729 | ||||
| 2004 و2014: إحصاء رسمي ديال الدولة. | |||||
لجغرافيا ولموناخ[بدل | بدل لكود]
جهة طنجة تطوان الحسيمة محاديها من لجانوب جهة فاس مكناس وجهة الرباط سلا القنيطرة ومن الشرق جهة الشرق. هاد لجيهة فيها بزاف ديال لخصائص لجغرافية بحال أنه دايز منها جبال الريف ؤويدان بحال واد لوكوس وسهول بحال السهل الطنجي اللي كاين مابين لمضيق دجبل طارق ولمحيط لأطلسي وسهل اللوكوس. لميساحة ديال لجيهة واصلة لـ17,262 كم². لموناخ ديال لجيهة متنوع. لمينطقة اللي ما بين لعرايش ومارتيل تقدر تطيح فيها 700 ملم ديال الشتا فلعام. لمينطقة اللي كاينة فالشرق ديال لجيهة كاتطيح فيها 400 ملم فلعام. فجبال الريف تقدر توصل هاد لكميات حتالين 1800 ملم فلعام فلغرب وماكاتفوتش 600 ملم فالتلال شرق واد أورينݣا. لحرارة كاتبقى دافية فالصيف ومعتادلة فالشتا. هاد لجدوال كيعطي لمعلومات على لحرارة والشتا فمدينة طنجة اللي هي لعاصيمة ديال لجيهة.
| لموناخ ديال طنجة (مطار طنجة الدولي) | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| أكبر درجة دلحارارة تسجلات بـ C° | 22 | 27 | 25 | 27 | 34 | 36 | 41 | 39 | 39.5 | 30 | 27 | 24.5 | |
| معدّال لحرارة لعليا بـ C° | 16.2 | 16.8 | 17.9 | 19.2 | 21.9 | 24.9 | 28.3 | 28.6 | 27.3 | 23.7 | 19.6 | 17 | |
| معدّال لحرارة بـC° | 12.5 | 13.1 | 14 | 15.2 | 17.7 | 20.6 | 23.5 | 23.9 | 22.8 | 19.7 | 15.9 | 13.3 | |
| معدّال لحرارة السفلانية بـC° | 8.8 | 9.4 | 10.1 | 11.2 | 13.4 | 16.2 | 18.7 | 19.1 | 18.3 | 15.3 | 12.2 | 9.7 | |
| أدنى درجة دلحارارة تسجلات بـC° | −4.2 | 1 | 3.5 | 1 | 7 | 10 | 11 | 11 | 10 | 7 | 3 | 4 | |
| معدل الشمس فالشهر | 169.2 | 166.9 | 231.7 | 251.7 | 298.9 | 306.8 | 344.0 | 330.7 | 275.6 | 238.2 | 180.6 | 166.9 | |
| معدّال الشتا فالشهر بلميليميتر | 103.5 | 98.7 | 71.8 | 62.2 | 37.3 | 13.9 | 2.1 | 2.5 | 14.9 | 65.1 | 134.6 | 129.3 | |
| معدل الروطوبة % | 80 | 81 | 78 | 78 | 76 | 74 | 70 | 72 | 73 | 76 | 79 | 81 | |
| لمصدر: مصدر 1: NOAA[5] - مصدر 2: Deutscher Wetterdienst (الروطوبة، 1973–1993)[6] | |||||||||||||
لبينية التحتانية[بدل | بدل لكود]
مطار طنجة الدولي أولا مطار طنجة بن بطوطة هو مطار كاين فمدينة طنجة وكايسيرڤي لجيهة ديال جهة طنجة تطوان الحسيمة. كيبعد لمطار على الصونطرڤيل ديال طنجة بـ15 كيلوميتر، وقريب من لوطوروت ديال طنجة -الرباط. كيتعتابر خامس أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج، وكايقدر يهز 1.250.000 مسافر.
مطار تطوان الدولي أولا مطار تطوان سانية الرمل[7] هو مطار كاين فمدينة تطوان[8] وكايسيرڤي لجيهة. كيبعد لمطار على الصونطرڤيل ديال لمدينة بـ4 دلكيلوميتر، وقريب من لوطوروت ديال تطوان - لفنيدق. كيتعتابر رقم 14 فتلرتيب أكبر لمطارات فلمغريب من ناحية عدد لمسافرين، وكايقدر يهز 50.000 مسافر.
لوطوروتات اللي دايزين من لجيهة هوما لوطوروت لخامس اللي كايدي من طنجة للرباط وكايدوز من بزاف دلمدون فلجيهة اللي ما بينها لقصر الصغير وملوسة وأصيلة ولعرايش، ولوطوروت السابع اللي صغير فالطول ديالو (28 كيلوميتر)، كايبدا من تطوان وكايدوز من لملاليين ولمضيق وكايسالي فلفنيدق. الطرقان لوطنية اللي دايزة من لجيهة هي: N1 و N2 و N8 و N13 و N16 و N29 .(ورّك على الطريق إلى بغيتي تمشي للمقالة ديالها!)
ليقتيصاد[بدل | بدل لكود]
لفلاحة[بدل | بدل لكود]
لميسحة اللي صاحة للزيراعة فجيهة طنجة تطوان لحسيمة وصلات لـ705 ألف ديال لهيكتار واللي نتجات ف2015 قريب من 7دلمليون دلقنطار دلحبوب (لݣمح والشعير والدرة). فلجيهة كايتزرعو بزاف ديال لمنتوجات لفيلاحية ولأغلبية ديالها فسهل اللوكوس[9] بحال الزيتون ولكرموس واللوز، زيادة على أنواع ديال لخضرة والديسير ولعلف ولفصة، اللي كاتعطى لـ400 ألف راس ديال لبݣر و918 ألف ديال لغنم و583 ألف ديال لمعاز.[10] الصيد لبحري عندو إينتاجية متوسطة واللي عطات ف2015 51 ألف طن، واللي وصلات لقيمة ديالها لكتر من 700 مليون ديال الدرهم.[10]
الصيناعة[بدل | بدل لكود]
الصيناعة فلجيهة عندها دور كبير فلقتيصاد ديالها وديال لبلاد. مينطقة طنجة بوحدها عندها 25% ديال ليستيتمارات و20% ديال لپيرصونيل. لجيهة ف2013 كان عندها 905 ديال لوزينات ولمؤسسات ديال الصيناعة، اللي وصلات لقيمة ديالها فنفس لعام لـ55 مليار درهم مغريبية،[10] واللي تصدرات منها 28 مليار ديال الدرهم، بعضها من لمرسى دطنجة لمتوسط. الصيناعة التقليدية فلجيهة عندها دور كبير فالتنمية ديال لجيهة. 23 ألف معلّم ف2013 خدمو فمجالات ديال الجلد والتوب ولحديد لمطروݣ والنجارة التقليدية. لمينات فلجيهة كاينتجو بزاف ديال لمعادين اللي كاينين فقلب جبال الريف، واللي منها الدهب ولحديد. منطقة لحسيمة فيها 29% ديال لمينات فلجيهة، تابعاها لفحص-أنجرة (27%) وطنجة-أصيلة (11%).[9]
السياحة[بدل | بدل لكود]
السياحة عندها حتا هي دور كبير فالتنمية ديال هاد لجيهة. ف2015 وصل لعدد ديال لوطيلات لمكلاصيين ل168 أوطيل فيهوم 17 ألف فراش، اللي ستاقبلو 606 ألاف ديال السياح من برا، واللي دوزو كتر من مليون و29 ألف ليلة سياحية. الناس ديال الصبليون هوما اللولين فترتيب عدد السياح (102 ألف و76 صبليوني) وعاد باش لفرانصيص (109.423 ديال السياح). عدد السياح لمغاربة اللي مشاو للجيهة وصل لعدد ديالهوم ل632 ألف.[10] كاين بزاف مايتشاف فجهة طنجة تطوان لحسيمة، اللي مابينو: لمدينة لقديمة ديال تطوان ومدينة طنجة وأصيلة ولحسيمة. لبحر دلمحيط لأطلسي كايتمارس فيه الرياضة ديال السورف، والساحل ديال لبحر لبيض لمتوسط كايتدار فيه رياضة لعومان ولغوص. لمآتير التاريخية فلجيهة كتار، بحال لمغارة دهيراقل ومدينة ݣطّة ولقبور الرومانية ولمدينة لأترية ديال ليكسوس.[9] كاينين منتجعات ديال الطبيعة بحال أقشور فمدينة شفشاون وتهدارت فطنجة ومنتجاع الزرقة فتطوان.[11]
شوف حتى[بدل | بدل لكود]
عيون لكلام[بدل | بدل لكود]
- ^ crtta.ma
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-06.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ "معدّالات موناخ طنجة 1961–1990 (بلونݣلي)". National Oceanic and Atmospheric Administration. تطّالع عليه ب تاريخ 14 أكتوبر 2016.
- ^ "Klimatafel von Tanger / Marokko" (PDF). Baseline climate means (1961–1990) from stations all over the world (ب لألمانية). Deutscher Wetterdienst. تطّالع عليه ب تاريخ 14 أكتوبر 2016.CS1 maint: unrecognized language (link)
- ^ "تطوان". ONDA. تطّالع عليه ب تاريخ 13 مارس 2010.
- ^ معلومات لمطار لـ GMTN مؤرشف 2011-08-06 فموقع وايباك ماشين من DAFIF (صالح من أكتوبر 2006)
- ^ a b c "region-de-tanger-tetouan-fr.pdf مونوغرافيا الجهة (بلفرونصي) - الصفحة 51".[ليان مهرس ديما]
- ^ a b c d "جهة طنجة-تطوان-الحسيمة في أرقام (2015)". مأرشيڤي من لأصل ف 2022-08-08. تطّالع عليه ب تاريخ 2020-10-06.
- ^ "جهة طنجة.. مؤهلات سياحية متنوعة تحتاج لتأهيل خاص - طنجة 24 - 24.08.2016". مأرشيڤي من لأصل ف 2023-05-29. تطّالع عليه ب تاريخ 2020-10-06.
|
تقدر تزيد شوف بزاف د تّصاور و لمعلومات ديال Tanger-Tetouan-Al Hoceima ف ويكيميديا كومنز. |
