لمسجد الكبير ديال شفشاون (مسجدالعظام) بناه مؤسس لمدينة مولاي علي بن موسى بن راشد العلمي ف عام 1471 (بالتقويم الإسلامي: 969). وكيستعمل ماشي غير للصلاة والخطبة، ولكن حتى كمكان للتعليم ديال الدين الإسلامي ولعلوم الإنسانية. مولاي علي بن موسى بن راشد العلمي جا من الأندلس باش يدافع على المغرب ضد البرتغاليين.
عام 1471 كيتعتابر حتى هو عام تأسيس لمدينة؛ فداك الوقت كانو كيسكنو فيها غير ناس قلال، وغالبيتهم من الأمازيغ. وعرفت المدينة واحد الارتفاع كبير فعدد السكان فعام 1492،
ملي جاو ليها مسلمين ويهود مطرودين من سپانيا (مرسوم الحمرا ديال الملوك الكاثوليك). هاد الهجرة باقا مأثرة حتى ليوم فالمعمار ديال لمدينة القديمة: بحال القرى الأندلسية، كاينين دروب صغار ومتشعبين بين ديور مبيّضين بالجير، وحدود غير منظمة، وغالباً فيهم درجات ديال للون زرق (باش يبعدو العين الخايبة).
شفشاون تبنات فواحد لواد صغير، و لمدينة لقديمة طالعة مع جبل. و فالطلعة للفوق لمدينة كاينين منابع ديال راس الما ولمسجد المصاوب جامع بوزعافر.
لمركز ديال لمدينة هو ساحة أوطا حمام مع القصبة. لمسجد ديال لأندلسيين فيه غير مئذنة وحدة وعندو تصميم ثماني ديال الضلوع ولمدينة الجديدة تبنات لتحت من لمدينة القديمة (المدينة العتيقة) ديال شفشاون.
شفشاون كاينة فوق اواد لاو فالشمال الغربي ديال جبال الريف على علو تقريباً بين 560 حتى متر، وكاتبعد بحوالي 62كم (طريق) فالجهة الجنوبية من تطوان، وحوالي 112كم فالجهة الجنوبية الشرقية من طنجة.
المناخ معتدل حتى دافئ؛ والتساقطات (880مم/فالسنة) كتنزل تقريباً غير ففصل الشتا.[2]
