مارتيل

مارتيل
‫مرتيل‬ (ar) ⵎⴰⵔⵜⵉⵍ (tzm)
لبلاصة
لبلاد	لمغريب
لإقليم	عمالة لمضيق لفنيدق
السكان
شحال دالسكان	95,896 (2024)
شحال دلفاميلات	26,886 (2024)
لجغرافيا
لعلو	0 م
معلومات خرين
الرمز لجغرافي	2542987

مارتيل مدينة مغريبية و جماعة ترابية حضرية كاينة ف عمالة لمضيق لفنيدق، جهة طنجة تطوان الحسيمة، ساكنين فيها 64345 واحد، على حسب لإحصاء لعام 2014.

تعليم

• نسبة لأمية (نّاس لّي ما كايعرفوش يقراو ولا يكتبو) : 20,9%
• نسبة سّكان لّي قاريين فوق الليسي (ليسي و جامعة): 19,5%

قتيصاد

• نسبة نّاس نّشيطين (لّي يقدرو يخدمو): 51%
• نسبة لبطالة (نّاس لّي ما خدامينش و تايقلبو على خدمة): 16,2%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 11,5%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):54,3%

صورة ل مركز مارتيل بليل

تاريخ لمدينة

تاريخ لقديم ولوسيط

لواد ديال مرتيل كان كيدوز فيه الشياط (صالح للملاحة) فالعصور لقديمة حتى لمدينة "تمودة" الرومانية، اللي جات قبالة تطوان ديال دابا. ومن بعد، وحتى للقرن الثامن عشر، كان "ريو مارتين" هو الميناء الرئيسي ديال المغريب فالبحر الأبيض المتوسط، وكان قاعدة كبيرة للنشاط ديال لمجاهدين لبحريين (لقرصنة) وتجارة مع بزاف ديال لموانئ لبرانية. هاد نشاط لبحري كان هو سبب للي خلى لملك "إينريكي الثالث" ديال قشتالة يصيفط أسطول دمر لميناء ومدينة تطوان فالقرن الخامس عشر. من بعد هاد الفترة، بدات مرتيل كاتراجع فاش كبر الميناء ديال طنجة، وبقات خدامة أساساً غير فصيد الحوت.

«البرديل» (حصن مارتيل). نقش كيرجع لعام 1860 كيبين الحصن اللي كان كيحمي فم الواد.

فترة الحماية

فـ 1860، لعسكر ت صبليون سيطروا على ما كان ك يتسمى "فورتي مارتيل" (البرديل)، اللي كان حصن دفاعي كيحمي فم الواد، وهادي كانت هي لخطوة لأولى باش يدخلوا ل تطوان. وفاش بدات الحماية الصبليونية، تأسسات فمرتيل ثكنة عسكرية دايما (1912)، ومن تما بدات كاتبنى مدينة صغيرة ديال الترفيه والتبحيير للناس ديال تطوان، خصوصاً المستوطنين والعسكر الصبليون.

فـ 1913، تحلات السكة ديال "التران" بين مرتيل وتطوان، اللي كان كيدير ستة ديال رحلات ف ليوم وكيجيب معاه حتى لحوت. وفـ 1914، تصمّمات لمدينة لعصريّة ب شوارع لمسطرة ، وبناو فيها جامع كبير وكنيسة. ومن بعد، تحسن التصميم بساحة دائرية كبيرة وفيلات ديال الصيف، وداروا حتى إصلاحات صغيرة فالميناء. فـ 1946، تبنات كنيسة "لاكيرسي" بالستيل الباروك اللاتيني، واللي هي اليوم عبارة على خزانة جامعية.

ما بعد الاستقلال

من بعد لاستقلال فـ 1956، مرتيل بقات هي لمتنفس الجهة لمفضل ديال التبحيير للناس ديال تطوان ولمغاربة كاملين. تخصصات لمدينة ف لسياحة ديال طبقة لمتوسطة، وهادشي خلى لبني يكتر بزاف، من فيلات، ومركبات سياحية، وأوطيلات، الشي اللي خلى المدينة تكبر بسرعة وتولي جماعة حضرية مستقلة.

ولات مرتيل أيضاً مدينة جامعية بفضل بناء كلية الآداب والعلوم الإنسانية التابعة لـ جامعة عبد المالك السعدي، ومن بعد كلية الحقوق فالبداية ديال القرن 21. وفالطريق اللي كاتربط بين مرتيل وتطوان، كاين قطب صناعي مهتم أساساً بصناعة الحوت والزليج (السيراميك)، وفنفس هاد الطريق كاين مطار تطوان سانية الرمل.

انظر أيضاً

• تطوان
• تمودة

مصادر

ويكيميديا كومنز عندا تصاور و معلومات على مارتيل.

هادي زريعة ديال مقالة خاصها تّوسع. تقدر تشارك ف لكتبة ديالها.