إسلاندا
لجمهورية د إسلاندا هي واحد لبلاد وجزيرة جات فالشمال د لمحيط لأطلسي. تيسكنو فيها كتر من 300 ألف واحد ولمساحة ديالها 102.775 كم². لعاصمة د إسلاندا هي رايكياڤيك وهي أكبر مدينة فلبلاد. إسلاندا بلاد فيها بزاف د لبراكين والتكوينات الجيولوجية اللي خارجة منها بحال لفوًارات السخان (ݣييسر).
أول ناس سكنو فإيسلاندا وبقاو فيها كانو هوما النورڤيجيين اللي جاوليها فعام 874, وكانت خاوية قبل, واخا كانو ناس آخرين كيمشيو ليها ولكن ماسكنوش فيها للدوام. من 1262 تال 1918 كان إسلاندا تابعة للملكة د النورڤيج والدانمارك, من موراها ستاقلات وولاًت جمهورية ف 1944.
إسلاندا تاتعتابر من أقدم وأعرق الديموقراطيات فلعالم, ولبرلمان ديالها هو أقدم برلمان فلعالم. هي من لبلدان اللي كاترتب ديما مع اللًولا فلعالم فبزاف د لمؤشرات بحال مؤشر السلام العالمي ومؤشر حرية الصحافة ومؤشر التنمية البشرية وبزاف د لمؤشرات خرا د الديموقراطية والتعليم والجودة د لعيشة.
عيون لكلام[بدل | بدل لكود]
|
تقدر تزيد شوف بزاف د صور و معلومات ديال Iceland ف ويكيميديا كومنز. |
