هومو إيريكتوس

من ويكيپيديا
اذهب إلى التنقل اذهب إلى البحث
تشكيل د لهومو إيريكتوس لّي كتاشفو يوجين دوبوا ف 1891

هومو إيريكتوس (سّميتو لعلمية Homo Erectus و لّي كاتعني: هاداك لّي ناض و وقف على رجليه) هو واحد لگنس د لقرودا لفوقانيين لّي عاشو بين هادي 2 د لمليون و 300 ألف عام.

هو أول گنس كان ميا ف لميا كايمشي على جوج رجلين (لگنوس بحال لوسطرالوبيتيك و لهابيليس كانو بين و بين و لأغلبية د لوقت كايتحركو على ربعة). لإيريكتوس كان كايسرح بزاف و كايغامر ل مسافات طويلة و هادشي لّي خلانا ليوم نلقاو لعضوما و لحفريات ديالو ف واحد لمساحة كبيرة: إفريقيا كولها، لجزيرة لعربية و شّام و لعراق و إيران و لهند و صّين و جنوب شرق آسيا. لعولاما كايرجحو أنه هو أول گنس د بنادم عمر آسيا.

لهوم إيريكتوس كان صياد واعر زيادة على أنه كان ميخالي و هو لّي خلا ماكلتو تكون منوعة. كان معلم ف تّصياب ديال دوزان و لأدوات د صّيادة من لحجر و لخشب و كتاشف كيفاش يصاوب لعافية هادي 400 ألف عام.

أول شانتيو ديالو تكتاشف ف إندونيسيا ف 1891 و كان لقاه لعالم لهولندي يوجين دوبوا. وكان ديال هومو إيريكتوس مرا.

لفورمة و تّاقيدة ديالو[بدل | بدل لكود]

كايشبه بزاف ل لهومو سابيانس (بنادم لّي كاين دابا) غير هو مختلف عليه ف شّكل ديال لفك ديالو ب حيت كان مگدر على ديال لهومو سابيانس و تقل ب لعضام و زيد عليها أنه ما كانتش عندو لگادومة و كانت عندو جبّهة مسطحة و عريضة.

  • لوسع د لجمجمة: بين 800 و 1200 سم مكعب
  • طّول: من ميترو و 50 سانتيم ل ميترو و سبعين
  • لوزن: بين 45 و 65 كيلو
Wikimedia Commons تقدر تزيد شوف بزاف د صور و معلومات ديال Homo erectus ف ويكيميديا كومنز.