عافية
لعافية ؤلا نّار هيّا تفاعل زربان ديال تّأكسيد ديال شي ماطيرييل، لي كيتسما فيول. هاد تّفاعل لكيماوي، لي كيتسما حتيراق، كيكون خارجوحراري، يعني كيخرّج لحرارة، شّعا، ؤ نواتج خرة. لعافية كاتكون سخونة حيت كاتّهرّس فيها رّوابط لكيماوية لمضوبلة ضّعيفة ديال تاني لوكسيجين O2 ؤ كاتبان بلاصتها روابط كيماوية قوية ديال جزيئات تاني ؤكسيد لكاربون CO2 ؤ لما H2O على شكل بوخار، ب لإضافة ل لفرق د طّاقة (418 كيلوجول ل كلا 32 ݣرام د لوكسيجين). طّاقة د رّبط ديال جزيئات لفيول براسو ماكاتلعبش دور كبير ب لموقابيل.[1]
لپارتية لي كاتبان من لعافية كتسمّا لّسان د لعافية، ؤ كاتكوّن من تاني ؤكسيد لكاربون، بوخار د لما، ؤكسيجين، ؤ أزوط. يلا كانت لعافية سخونة بما يكفي، تقدر هاد لخلطة لݣازية تّأيّن ؤ تعطي پلازما. لّون ؤ لقوة ديال لّسان د لعافية كيعتامدو على نّوع د لمادة لي كاتّحرق ؤ منّاش مكوّنة.[2]
لكتيشاف د وسايل سّيطرة على لعافية كانت من أهم لمحطات ف تّاريخ د بنادم. لعافية عندها ستيعمالات كتيرة، بحال ف تّدفية، طّياب، تحياد لعشوب ضّارة ف لفلاحة، ب لإضافة ل تخدامات طقوسية ف لأديان ؤ حتيفالية ؤ ݣنايزية (حريق لكسدة د لميّت ف بعض تّقافات).[3]
- ^ شميت رور، ك. (2015). "Why Combustions Are Always Exothermic, Yielding About 418 kJ per Mole of O2". J. Chem. Educ. 92 (12): 2094–99. Bibcode:2015JChEd..92.2094S. doi:10.1021/acs.jchemed.5b00333.
- ^ هيلمنستين، أن ماري. "What is the State of Matter of Fire or Flame? Is it a Liquid, Solid, or Gas?". About.com. مأرشيڤي من لأصل ف 2009-01-24. تطّالع عليه ب تاريخ 21 يناير 2009.
- ^ "The Discovery of Fire" (ب نڭليزية). 3 ماي 2019. مأرشيڤي من لأصل ف 2023-05-23. تطّالع عليه ب تاريخ 2022-03-24.
 هادي زريعة ديال مقالة خاصها تّوسع. تقدر تشارك ف لكتبة ديالها. |