مرا
 مقالة ؤلا فقرة تقدر تكون مامحايداشلحيادية د هاد لمقال مشكوك فيها. عافاك شوف الصفحة د لمداكرة يلا كانو نيقاشات عليها، و حاول تصلح لمقال باش يكون كيمتّل جميع وجهات النضر على لموضوع لي عندها وزن. |
.jpg)
لمرا هي إنسان نتوة بالغة. كاتخدًم لكلمة د مرا ف لمفرد، و نسا ولاَ مراوات ولاَ عيالات ف لجمع فاش كانهضرو على لجنس لبيولوجي. بعض لمرات كاتخدًم لكلمة د مرا بصفة عامة كيما كان لعمر، بحال دابا: حقوق لمرا.
لمرا تيكون عندها رحم، لي فيه كيتكون لجنين.
ف لوقت لي قدرات لمرا باش تربح بزاف ديال لحقوق و لحريات ف لعالم لمتقدم مني بدا لقرن 20، مازالين بزاف د لعيالات كايعانيو من لعنصرية و تحرش لجنسي تال دابا.
ف لقرون لي فاتت، ماكانش عند لمرا لحق ديال تصويت. وعلا مر تاريخ، لأدوار لجندرية لكلاسيكية هي كانت كاتحدد و كاتقلص نشاطات و لفرص ديال لمرا. بزاف د لعقائد دينية كاتحدد قوانين للمرا. مع تقليص ديال لقيود ف لقرن 20 فبزاف د لمجتمعات ولات لمرا كاتوصل لمسارات مهنية من غير ربة لبيت. لعنف ضد لمرا، سواء فلعائلات أولا ف لمجتمعات، عندو تاريخ قديم وفلأغلبية كايتمارس من عند رّجال. بعض نسا ممنوعين من حقهوم ف لإنجاب. لحركات ولإيديولوجيات ديال لفينيزم عندهوم هدف مشترك لي هو لوصول للمساواة بين لجنسين.
لمرا لمتحولة جنسيا كاتحدد كا راجل منين كاتزاد، شيء لي ما كايتوافقش مع لهوية لجنسية ديالها[1]، بينمّا لمرا لمتحولة جنسيا كاتّزاد بخاصيات جنسية لي مختالفة على داكشي لي معتاد ف لبيولوجيا دلمرا.
لحمل كايدوز 9 شهور. لمرا لي كيكون ف كرشها جنين كاتسمى حاملة.
مقالة متعمقة: صّحة د لمرا
كاين بعض لأمراض لي كايصيبو لمرا بدّرجة لولة، بحال ذئبة لحمامية.
- مقالة متعمقة: دور جندري
ف لعصور لقديمة، كان دور ديال لمرا هو تحمي ولادها فقط.
ف بعض لمجتمعات لمعاصرة، هاد لأدوار تبدلو، وولا ممكن ل لمرا أنها تاخد أدوار خرا ف لمجتمع بحال راجل.
لعنف ضد لمرا باقي مشكل كبير حتا ف دول لمتقدمة. بزاف ديال لمجتمعات مبنية على قيم أبوية، لي كاتعطي ل راجل قيمة أكبر من لمرا.
- مقالات متعمقة: لمرا ف لإسلام• لمرا ف لمسيحية• لمرا ف ليهودية• لمرا ف لمورمونية• لمرا ف لهندوسية• لمرا ف لبودية• لمرا ف سيخية
بعض لعقائد دّينية حددات شروط متعلقة بلأدوار لجندرية و لمعاملات سياسية وشخصية مابين لجنسين و لباس لي لمرا لازم تلبس وبزاف دلمسائل لي كاتأثر فلمرا و ف لمكانة ديالها ف لمجتمع. فبزاف ديال دول، هاد تّلقينات دّينية عندها تأثير علا لقانون لجنائي أولا لقانون لعائلي ديال هاد سلطات تشريعية (بحال مثلا شريعة لإسلامية). تأثير ديال دين على حرية لمرأ و لعنف لي كايتمارس علا لمرا بحجج دينية كايتدرس و كايتناقش من طرف منظمات دولية.[2]
- مقالة متعمقة: تعليم د لمرا
قبل من لمجتمعات لمعاصرة، تعليم ديال لمرا كان محدود بزاف. ف لمجتمعات لمتقدمة، ڭاع لعيالات موفرين ليهم تعليم، و كاينين دراسات لي قالو بلي لعيالات عندهم أداء حسن من رجال.[3][4]
- مقالات متعمقة: لمرا ف لعلوم• نسا فنانات• نسا كاتبات
على طول تاريخ، لعيالات دارو بزاف ديال لمساهمات ف لميادين ديال لأدب، لفن، و لعلوم.
- مقالة متعمقة: رمز د لجندر
- ^ Sexual Orientation and Gender Expression in Social Work Practice, edited by Deana F. Morrow and Lori Messinger (2006, ISBN 0-231-50186-2), p. 8: "Gender identity refers to an individual's personal sense of identity as [man] or [woman], or some combination thereof."
- ^ تقرير على لحرية دّينية وديال لعتقاد ولمساواة بين لجنسية ديال مجلس حقوق لبشري لي تابع للأم لمتحدة.
- ^ "Historical summary of faculty, students, degrees, and finances in degree-granting institutions: Selected years, 1869-70 through 2005-06". Nces.ed.gov. Retrieved 2014-08-22.
- ^ Eisenhart, A. Margaret; Finkel, Elizabeth (2001). Women (Still) Need Not Apply:The Gender and Science Reader. New York: Routledge. pp. 13–23.
|
تقدر تزيد شوف بزاف د تّصاور و لمعلومات ديال Women ف ويكيميديا كومنز. |